NIBOU NDIG NYA GI NICAN 3:4 - ALLAH NIHYET MEM TUNGWATU NYA

⁴ Ei nijam dima ne Mesa di nok nibou ndig mem mben Moab hyen kep nide domba nya. Noni ba domba pmot ningut sribu sratus gom kin ninta leu domba nikre ningut sribu sratus gom bigo belasten bak nibou ndig mben Israel bikwop ari bingwam kikau.

NIBOU NDIG NYA GI NICAN 3:4 ပူးပေါင်းရင်းမြစ်များ

NITRITI 13:2

Abram nyeng bibor binyeng tut domba nya kin kambir nya kin sapi nya hagom mang bibor bitut perak kin mas.

SAMUEL GI NICAN 8:2

Lene noni hwen mben Moab cem ba, bindei timek yok. Noni cuk yok ba, ibong kimus ei dihyeiti leu api yai nimai bak ibou can lene njiriek tungwagom leu api yai nimai bak ibou can kin bu lene njiriek tungwagom bu nok gima kikau ug bipek nipekti. Gima rino mben Moab icut bak Daud lene nindigsi nya igo kep belasten bak noni.

SAMUEL GI NICAN 8:6

Leu api Daud hok prak meng yati di nok tentara nibousi di igya coi nya ei ide minu ndig nya ba, ninyeng tak kep yok. Lene igo kep belasten bak noni. tuhan bindei ba, Daud bindei timek nide siceu nya mem nituti di noni ug kon pran bit yok hagom.

NIBOHON MBEN ISRAEL GI NIGOM 18:2

Daud bindei timek mben Moab cem apino inok nide limwa nya lene ibigo belasten bak noni cem.

NIBOHON MBEN ISRAEL GI NICAN 26:10

Bitut ig di bon ninggre di jo-jo yam dip anai mem gima ibiya ser iggum ndigsi cem. Noni bon bak minyei ngot ei iggum ndigsi dima lewo nide mindhe-ndhe nimuhup tu nya mang bibor. Ba, mindhe-ndhe dima yok bihi no ya ke yam ei nungug tou nya lene bihi no ya ke yam ei mbang briep nite bei mpia nicutti. Lene Uzia ba limwa nya imang bibor biyai miai biei anggur nghousi ei nungug tou nya lene ba yok biyai miai nya bidem dihyei nnumti nya hagom lewo noni ngat ningwes ei midyai niyai miaiti.

AYUB 1:3

Noni nyeng tut domba nya ningut sribu muhwindacan kin unta nya ningut sribu ningai kin sapi nya ningut sribu gom kin keledai nya ningut sratus muhwi. Nide awak nya cem imang bibor. Gima rino Ayub nyeng tut ndigban nindig bibor dor njiriek yo di nindigsi di ibong ei hanjop bei mpia nipriti nya yahagom.

AYUB 42:12

tuhan bindei ba, Ayub ningon nggei-hi-nggei nindig bibor ei ningwigsi dor njiriek ningon di nggei-hi-nggeisi nipou pima. Tini bu ne noni nyeng tut domba ningut sribu simnaibrimigtai kin unta ningut sribu muhwindagom kin sapi ningut sribu can kin keledai ningut sribu gom.

MAZMUR 60:8

Allah nihyet tibim kwei leu nigwamti di kwes bipai “Dimbos-hi-mbos kep minu ndig Sikhem di dikwas kukiau. Midiko bidibinggok tut nikwas Mbang Briep Sukot kukiausi cem.