NIBOU NDIG NYA GI NICAN 3:3 - ALLAH NIHYET MEM TUNGWATU NYA

³ Mbro nok gima lo, noni yai bram Nibou Ndig Yerobeam di Nebat nipmot po ninyeng tak kep mben Israel nipou tirigi noni bigyo pima niyai kepti nya lene bindei ba, mben Israel cem ibon kep sisar ba, igikes hon bi.

NIBOU NDIG NYA GI NICAN 3:3 ပူးပေါင်းရင်းမြစ်များ

NIBOU NDIG NYA GI NIGOM 13:33

Nibou Ndig Yerobeam krau kep nibon munti di kinei-kinau kikau ba, gikes hon bi. Ninda jo kep nindo imam nya leu nide limwa nimikuisi nya ikieti leu binhyepo ibon midut nya ei mpia ttou nsi ngot di win mem nikuk no bak kwar eisi nya. Tungwa tou rino joi sut lene kon binok imam.

NIBOU NDIG NYA GI NIGOM 14:16

tuhan mikes ninda leu mben Israel drek dip sisar di Yerobeam bon nya di bindei di mben Israel cem ibon sisar.”

NIBOU NDIG NYA GI NIGOM 14:9

Noro tut nani ne abon mun di kinei nindig bibor dor tunggwei mun di kinei di yo di inyeng tak kep mben Israel ibonti nya pima nipou tirigi anyeng tak kep yok bigyo. Aba anghim bak Dani lene abindei ba, digga bibor tug hon gino abindei ba, tungwatu nya iba ngkimom nitu bibon kwar nya ba, ikuk yok bak cem tu.

NIBOU NDIG NYA GI NIGOM 15:26

Noni cem bon sisar di kinei bibor tut tuhan noyam kin nicig di ninyeng tak kep mben Israel nipou su. Niyai munti dima bindei ba, mben Israel cem ibon sisar.

NIBOU NDIG NYA GI NIGOM 15:34

Noni cem bon sisar tut tuhan lene bindei ba, mben Israel icut ei nibon sisarti noyam kin Nibou Ndig Yerobeam di ninyeng tak kep mben Israel pima cem di bindei ba, mben Israel icut ei sisarti nipou pima.

NIBOU NDIG NYA GI NIGOM 16:31

Noni bon sisar noyam kin Nibou Ndig Yerobeam nide sisar he bi noro kum eisi bu tirigi noni wak Izebel di Nibou Ndig Etbaal leu Sidon nipmisop ba, kuk no bak kwar Baal cem.

NIBOU NDIG NYA GI NICAN 13:11

Noni cem bon sisar tut tuhan lewo yai bram Nibou Ndig Yerobeam niyai munti di kinei bibor nya bibindei ba, mben Israel cem icut ei sisarti.

NIBOU NDIG NYA GI NICAN 13:2

Yoahas bon sisar tut tuhan noyam kin Nibou Ndig Yerobeam bibindei ba, mben Israel cem icut ei sisarti. Noni kes hon niyai munti di kinei-kinau nya bi sren.

NIBOU NDIG NYA GI NICAN 13:6

Mbro nok gima lo, ikes hon nibon kep sisar ngot di Nibou Ndig Yerobeam kinyon eisi di bon kep ei nimbie him pima bi ba, ibon kep sisar ngot dima bijo kikau. Lene ibisindui sut kwar Sop Asyera bijo kikau ei Samaria.

NIBOU NDIG NYA GI NICAN 14:24

Noni bon sisar tut tuhan lewo yai bram Nibou Ndig Yerobeam Nigom niyai munti di bindei ba, mben Israel icut ei sisarti.

NIBOU NDIG NYA GI NICAN 15:18

Noni yai bram Nibou Ndig Yerobeam Nigom nibon munti di bindei di mben Israel icut ei sisarti. Lewo bon sisar tut tuhan kikau ug bipek niyaijo ningwig honti.

NIBOU NDIG NYA GI NICAN 15:9

Noni cem bon sisar tut tuhan noyam kin nibou ndig mben Israel nindigsi di inyeng tak kep yok nipou yo nya cem. Noni yai bram Nibou Ndig Yerobeam Nigom nibon munti di bindei mben Israel icut ei sisarti pima.

NIBOU NDIG NYA GI NICAN 17:21

Niabiati tuhan bindei ba, mben Israel kin timiei Yehuda nya ikwas yam lene mben Israel ikon Yerobeam di Nebat nipmot nok ide nibou ndig. Leu api noni bindei ba, mben Israel iba inghim bak tuhan bibon sisar nindig bibor.

NIBOU NDIG NYA GI NICAN 17:22

Igyai bram Yerobeam niyai kepti nya ba, ibon kep sisar ninyeng hagom di noni bon nya,

NIBOU NDIG NYA GI NICAN 17:23

apino tuhan ningon cun di nyohou yok bu bi ba, com yok leu dihyei di yai biyok. Ba, gima dem igbit tuhan nisok kep yokti tug hon Nide awak di nabi nya. Lene ide siceu nya ikat limwa Israel bicom yok ug ei ingkiaisi ei minu Asyur ba, ibong ei sirima kikau kwei bipek ammani kep.

NIBOU NDIG NYA GI NICAN 21:16

Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

NIBOU NDIG NYA GI NICAN 23:15

Yosia nggek mpia di ipigig sut ei di Nibou Ndig Yerobeam di Nebat nipmot bon ei minu ndig Betel pima. Noni ne nibou ndig di ris mben Israel ug ei sisarti habiei ei nimbie him pima ri. Yosia nggek nimbar hum dok dima lene dram tig nikiou nya hagom binnir-wap ba, ndig ide kwar nisop Asyera cem.