NIBOU NDIG NYA GI NICAN 3:26 - ALLAH NIHYET MEM TUNGWATU NYA

²⁶ Tirigi Mesa di nok nibou ndig mem mben Moab ngat lo, dem mem gima ya ngkiem bu bi lene buwak nide tentara di ikrau simeda kan ibou sratus muhwindacan ba, bingon mem gima hwen siceu leu bibou nang sin tentara nibou ndig mem mben Edom bikwat biningwes ngun noro ningon kanti dima pek kep bi.

NIBOU NDIG NYA GI NICAN 3:26 ပူးပေါင်းရင်းမြစ်များ

AMOS 2:1

tuhan pai “Timiei minu Moab ibon sisar ninyen. Ide sisar bindei ba, dikes hukum ei yok dip. Lewo ibon mun kinei sut Nibou Ndig Edom di mai su tirigi inggek nijui bigyai ninjum nya lene indig kep hum ba, wer atriem ndung.

NIBOU NDIG NYA GI NICAN 3:9

Gima rino Nibou Ndig Yoram njei sut nibou ndig timiei Yehuda nya kin nibou ndig mben Edom bimbut. Tirigi imbut imig kikau mem njap muhwindacan lene minyei su ngwig leu yok. Gima rino nimpung di injei bit yok nya kin ide mindhe di ibittei ide ndigban nya cem inggobiau bibor.

NIBOU NDIG NYA GI NICAN 3:25

Inggek ide minu ndig nya cem. Bikwop miai di nnum kei di njita joti di imbut eisi nya lene icom tig biyem pia kep miai dima. Apino tig dima yem mpia ser ide miai nya hagom. Tentara Israel iji kep ide minyei bousi nya cem hagom. Lene inda jo kep biei di ngat ningat ninjem hagom biwim ningwig a. Gi ndi jo rino mben Moab ide minu ndig nibousi di Kir-Hareset he. Lene tentara Israel igyon ttai minu ndig dima cem ba, gi hi di iba bikumsikik biprindei tig kan ikinyon ei niba tig biprindei tentara Moabti.

NIBOU NDIG NYA GI NICAN 3:27

Gima rino noni sujou ba, kat nipmot mighumbou di mikui bigwam nok nibou ndig biya luei nohoti lene bui noni nok mikwau bindig kep hum ei ngug tig ninjek dip noyam kin nibon midut nindig mindhe ei nimbar hum dokti mem bikuk no bak ide kwar di ikuk yok bak. Apino niyai munti dima bindei ba, tentara Israel ingon nde bibor leu api ibrim ide nimpung tentara nya biyom yo leu minu ndig dima bingkwei hanyen ug ei itimieisi.

NIBOU NDIG NYA GI NICAN 8:20

Ei nijam di Yehoram ninyeng tak kepti dima lene mben Edom ikiek imig jou tut minu Yehuda leu api imbres ide ninyeng tak kep limwa nya leu noni ba, igyati kwes.