NIBOU NDIG NYA GI NICAN 3:25 - ALLAH NIHYET MEM TUNGWATU NYA

²⁵ Inggek ide minu ndig nya cem. Bikwop miai di nnum kei di njita joti di imbut eisi nya lene icom tig biyem pia kep miai dima. Apino tig dima yem mpia ser ide miai nya hagom. Tentara Israel iji kep ide minyei bousi nya cem hagom. Lene inda jo kep biei di ngat ningat ninjem hagom biwim ningwig a. Gi ndi jo rino mben Moab ide minu ndig nibousi di Kir-Hareset he. Lene tentara Israel igyon ttai minu ndig dima cem ba, gi hi di iba bikumsikik biprindei tig kan ikinyon ei niba tig biprindei tentara Moabti.

NIBOU NDIG NYA GI NICAN 3:25 ပူးပေါင်းရင်းမြစ်များ

NITRITI 26:15

Gima rino iji kep minyei bousi nya di Ishak nicig Abraham de awak nya itig ei nipou su hagom.

NITRITI 26:18

Lene noni kinding minyei bousi nya po Abraham tig nipou su lo, timiei minu Filistin nya iji kep hanyen pima niabiati Abraham mai leu su. Lene noni jem minyei bousi dima inyeng hanyen bit leu nok inyeng timiei di nicig jem nipou su.

SAMUEL GI NICAN 8:2

Lene noni hwen mben Moab cem ba, bindei timek yok. Noni cuk yok ba, ibong kimus ei dihyeiti leu api yai nimai bak ibou can lene njiriek tungwagom leu api yai nimai bak ibou can kin bu lene njiriek tungwagom bu nok gima kikau ug bipek nipekti. Gima rino mben Moab icut bak Daud lene nindigsi nya igo kep belasten bak noni.

NIBOU NDIG NYA GI NICAN 3:19

Leu api mijinggek ide minu ndig di kei-kau di bon ngug tig di bikrop ttai nya hagom sinsiou ba, mijiwim biei di ngat ningat ninjem nya hagom lene mijiji kep ide minyei bousi nya cem mijinjei tig mang bibor biyem pia kep ide miai di nnum kei di njita joti nya nisurti-nipekti cem ba, hagom kinei-kinau ug ri.”

NIBOU NDIG NYA GI NICAN 3:24

Noro tirigi tentara Moab ikwei krau prak meng yati dima rino tentara Israel ikiju bihwen yok bibindei ba, isu jou leu yok lene tentara Israel igyon igkep yok kikau ba, ibiyai nimai biyok.

NIBOU NDIG NYA GI NICAN 3:26

Tirigi Mesa di nok nibou ndig mem mben Moab ngat lo, dem mem gima ya ngkiem bu bi lene buwak nide tentara di ikrau simeda kan ibou sratus muhwindacan ba, bingon mem gima hwen siceu leu bibou nang sin tentara nibou ndig mem mben Edom bikwat biningwes ngun noro ningon kanti dima pek kep bi.

YESAYA 15:1

Gini ne tuhan nisokti tut mben Moab ri. Siceu nya ibindei sar minu ndig Ar kin Kir mem mmun gom ngat leu api mpia mbum-brati minggai kep minu Moab bram.

YESAYA 16:11

Tirigi dingig diyai kep mun di cut igkep minu Moab kin minu ndig Kir-Heres lene dingon hara kot bidingon nnirwap cem tu.

YESAYA 16:7

Gima rino nnaba mben Moab ipim kui jei sut yam. Gino ingon kan njita di kei di igyem kep ei minu ndig Kir-Hareset bingon ngguk tut lene nnaba ipim bibikiek ug. Nnaba ingon ku yonti ba, inso-nso nyen hak ug.

YEREMIA 48:31

Gima rino dipim kui jei sut jeni kin timiei minu ndig pmem di Kir-Heres cem jahagom.

YEREMIA 48:36

Timiei minu ndig Kir-Heres kin Moab yahagom ide mun di inyeng tut nya hagom sar hak tu. Dingat mun di cut igkep yo dima lene dingon ngguk tut yok dem kep no di ba porei bimiep doia ningon nggukti.

NINDAT KEP TUHAN NICUKTI NYA 2:9

Mpe dima ne tuhan pai bida ‘Ma jiwaisi mben Moab nya au lewo yoni ne Lot de di intun noni him di bram yam nya ri. Ma jihwen yok cem au. Diyai minu Ar bak yoni tu lene midipek ide dihyei hanjop nsi hi poi mien bak jeni cem bi.’ ” (

NIJAM NIKEI NYA 9:45

Abimelekh kon pran bit yok kikau ei njap jei dima lene bindei timek minu ndig dima leu api yai biyati. Leu api yai nimai bak timiei minu ndig dima yahagom. Noni bindei sar minu ndig dima leu api ba nsim bibahap mpia dima.