NIBOU NDIG NYA GI NICAN 3:18 - ALLAH NIHYET MEM TUNGWATU NYA

¹⁸ Pai nok leu api noni binut nihyet bu “Noro mem tuhan ne niyai munti dima nggruk bi. Noni misindem tut je leu binhyepo jibindei timek tentara Moab nya cem.

NIBOU NDIG NYA GI NICAN 3:18 ပူးပေါင်းရင်းမြစ်များ

SAMUEL GI NICAN 7:19

Lene gima he bi lewo Na di tuhan Di Anyeng Jei Bibor abikum eisi bu ba, apreu ei mem da tut ditde nintun him di bram yamti. Mbro nok gino dani ne tungwatu dihyeisi dini he lo, Na di tuhan Di Anyeng Jei Bibor ando mun dini yok hagom brei bida!

NIBOU NDIG NYA GI NIGOM 16:31

Noni bon sisar noyam kin Nibou Ndig Yerobeam nide sisar he bi noro kum eisi bu tirigi noni wak Izebel di Nibou Ndig Etbaal leu Sidon nipmisop ba, kuk no bak kwar Baal cem.

NIBOU NDIG NYA GI NIGOM 20:13

Tirigi siceu itin ei mem ihwen Samaria lene nabi gom ug ngat Nibou Ndig Ahab bipai bak “tuhan pai ‘Angat tentara di imang bibor dima e? Njap di ammani midibindei ba, abindei timek yoni yahagom. Mijo nibreisi mem na bipia Dani ne tuhan ri.’ ”

NIBOU NDIG NYA GI NIGOM 20:21

Nibou Ndig Ahab cem kiju bicoi ug ei mpia di ikon pran bit yam eisi dima leu api nggek kroba pran di siceu ide nya biyai nimai bak kuda di ikri kroba pran dima yok cem. Njap dima ne tentara Siria nya icut nindig bibor.

NIBOU NDIG NYA GI NIGOM 20:28

Mpe dima lene nabi gom kwei ngat Nibou Ndig Ahab bipai bak “tuhan pai ‘Tentara Siria dima ikan bipia disindem tirigi Dingat rin ei hanjop nungug him lo, tirigi Dingat rin ei briep bou him lene disindem bi. Gima rino midibindei ba, jibindei timek ide tentara di nindig bibor dima yahagom ug ri. Mijo nibreisi mem nani kin ade limwa nya cem bipia Dani ne tuhan ri.’ ”

NIBOU NDIG NYA GI NIGOM 3:13

Lene midiyai mun di ahara Da tut bi nya nok ndigban nindig bibor kin anyeng jei bibor dor njiriek nibou ndig nindigsi nya yahagom cem bina.

NIBOU NDIG NYA GI NICAN 20:10

Lene Hizkia buhup “Krop kei mem mpia yaisi ningwes dima mbut bei nibiho ug ei niciusi simnai lewo gima bit leu nok niyai kepti. Gima rino ma abindei ba, su jou hanyen kep ninghim dip ug ei niciusi simnai.”

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 7:13

Lene Nabi Yesaya pai “Gi nok lene je di jintun Nibou Ndig Daud him e, ma jimiap kep dihyet! Gino jibingon tungwatu nya tut gima yoom ingon tut jeti bidem bigyo apino jibingon Allah cem tut gima om ningon tut je bu e?

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

YEREMIA 32:27

“Dani ne tungwatu dihyeisi dini hagom ide tuhan Allah ri. Mun nyeng hi di nggruk mem Da bi.

YEHEZKIEL 8:17

Lene tuhan pai bida, “Na di tungwatu di ayaijo kikau bi e, angat gima tu e? Timiei Yehuda dini ingon cut hon gi ibon mun di bindei di igyai ttin ningat dima he bi. Ba, ibon mun di kinei bibor di bit bon tungwatu ibonti bi pimo bidem minu dini nisurti-nipekti hagom he bi noro igyai ibou tut ei mpia dini ei Ditde Ig. Igyai munti dima bindei ba, digga bibor bidor njiriek bu. Angat i! Ibibon dinyeng kinei tug hon igyai munti di kinei bibor dini!

MARKUS 10:27

Yesus mian huk yok bibuhup “Bit bon tungwatu nya igyai mun dini yok kan bi! Noro Allah sindem mem gima yai mun nyeng hagom.”

LUKAS 1:37

Lewo Allah sindem mem gima yai mun nyeng hagom kan.”

EFESUS 3:20

Allah sindem mem gima birop hanyen binye nindig bibor dor njiriek mun di nyeni yahara Noni tut kin ikan-kan nyenti cem tug hon Nide nisindemti di sindem tut ingonti.