NIBOU NDIG NYA GI NICAN 25:9 - ALLAH NIHYET MEM TUNGWATU NYA

⁹ Noni ndig tuhan De Ig kin nibou ndig de ig kin timiei minu ndig Yerusalem di inyeng jei nya ide ig hagom bitimek.

NIBOU NDIG NYA GI NICAN 25:9 ပူးပေါင်းရင်းမြစ်များ

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

NIBOU NDIG NYA GI NIGOM 9:8

Mben ngkiai minggek Ditde Ig dini bibindei ba, tig gom mijo-jo yam dip bu bi. Lene bikwop yo di injiriek minu dini minga leu nindig bibor leu api mihig yam ‘Nggon rino tuhan kes hukum nok gima ei minu kin Nide Ig diniti i?’

NIBOHON MBEN ISRAEL GI NICAN 36:19

Noni ya kep ngug tig di bikrop ttai minu ndig Yerusalem binggek lene bindig minu ndig Yerusalem bitut tuhan De Ig kin nibou ndig de ig nya bitut ndigban ngot di nibok kak di jo niti nya hagom cem ningwig a.

EZRA 5:12

Noro nyeni nidigup bat-nidigai bat nya ibindei ba, Allah Di Ninyeng Jei Bibor Ei Gwamti gga yok bibor. Gima rino kes yok ei nibou ndig mben Babel di ninyeng Nibou Ndig Nebukadnezar di ntun mben Kasdim him di sindem nindati ug a. Leu api nibou ndig dima ya kep Ig dima bindung-diem hak ba, kri nyeni nidigup bat-nidigai bat pima yok ug ei minu Babel.

MAZMUR 79:1

Doia Asaf. Allah e, mben ngkiai di ikuk yok biNani bi nya igyai Ade dihyei ninda rom bigyati tu. Ibindei suwok Ade Ig lene ibindei ba, minu ndig Yerusalem nggek sinsiou cem.

YESAYA 64:9

Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

YEREMIA 17:27

Mun dima yok hagom mimbut bipek kep mem je gino jibit dihyet ba, jidimig Njap Nigwam Kep Ninghuisi pijum ei mem Da. Ma jikon ndigban nyeng gom mem njap dima ba, jibicoi kak dimbou pmem kwei ei minu ndig Yerusalem au. Gino jitunggwei Ditde nicukti dima yok ne midindig dimbou pmem minu ndig Yerusalem nya kin ig nibou ndig nya hagom bitimek bingwig hak. Bit bon jimu hum dima kan bi.’ ”

YEREMIA 26:9

Nggon rino aba tuhan ninyeng bitri tut bipia mun di cut igkep Silo micut igkep tuhan De Ig dini ba, minu ndig dini mitimek bingwig apino hi mibong ser bu bi cem i?” Lene tungwatu ningot ndig ingwig kep da.

YEREMIA 34:2

Noni cuk da leu api duug ngat Zedekia di nok nibou ndig mem minu Yehuda bidipai nisokti dini bak “Da di tuhan di Allah Israel midikes minu ndig dini ei nibou ndig minu Babel ninda nsi leu api noni mindig bingwig.

YEREMIA 34:22

Midiyai bindo biyok leu binhyepo tentara nya ingkwei hanyen kwei ei minu ndig dini. Leu api yoni mihwen minu ndig dini ba, igyai bigyati leu api indig bitimek. Dibindei ba, minu ndig ngot di jo ei minu Yehuda dem kep iggum ndigsi di hi bong ser bu bi. Da di tuhan disimbot dat tu.”

YEREMIA 37:10

Mbro nok gino ahwen tentara Babel yahagom bingwig lene gi hi di imai bigyo ibok-ba bibong kep inghuisi ei ide prak meng yati nya lo, yo dima migyai nisindem bikiju hanyen bindig jide minu dini bitimek bingwig.’ ”

YEREMIA 37:8

Mpe dima lene tentara Babel mikwei hanyen bigyon ttai minu dini leu api mihwen ade tentara bibindei timek yok lene indig minu dini bitimek bingwig.

YEREMIA 39:8

Tentara Babel nya inda jo kep bindig nibou ndig de ig kin ig ngot di limwa nya ide ba, inggek ngug tig di bikrop ttai minu ndig Yerusalem cem.

YEREMIA 41:5

lene ibou ningot muhwindaningai ikwei leu Sikhem kin Silo kin Samaria minu dini yok. Yo dini ikak yuhui nta leu birik sinsun di ijuk cem iba singau biyai nibokti biyonti. Yo dini ipwoi gandum kin biei nggrai di ui-gwang kei mem gima ibikuk yok bak tuhan ei Nide Ig.

YEREMIA 52:13

Noni ndig tuhan De Ig kin nibou ndig de ig kin timiei minu ndig Yerusalem di inyeng jei nya ide ig hagom bitimek bingwig ba,

YEREMIA 7:14

Gima rino midikes hukum ei Ditde Ig dini di jiba jingon com di diyai bak jidigup bat-jidigai bat nya kin jeni dip noyam kin hukum di dikes ei Silo dip.

NIBWOS-BWOS NYENTI 1:10

Siceu di ibindei timek no ipos nide ndigban ningwig tu o! Nok gima cem noni ngat gi siceu nya icoi ug ei tuhan De Ig bou niyai him o! Gima ne niyai munti gom di tuhan ggai ser ngkiai nya tut rin o!

NIBWOS-BWOS NYENTI 2:7

tuhan rok Nide nimbar hum dok di kwes ei leu ba, kes nonti Nide Ig ei su o! Noni sindui sut ba, siceu inggek ngug tig nya ba, lus ningwig o! Siceu imbos-hi-mbos ei mpia di nipou nikuk nye bak tuhan binibon pesta eisi lewo yoom kep nye tu o!

NIBWOS-BWOS NYENTI 5:18

lewo Mbigdip Sion ne mpia di mbum-bra rin ba, ninduk yam ei bu bi. Noro nsien bigbehei nya ilus-lus nyen eisi o!

YEHEZKIEL 10:2

Leu api Allah pai bak no di juk sinsun linen “Acoi ug ei kroba nimig ninghau di jo kerub dima yok nibehei ikieti ba, akam hum bom ei anda bia bei leu api agimahap hum mbom dima ug ei minu ndig dini dip.” No dima bit nihyet biditou kep noni nggilun.

YEHEZKIEL 16:41

Indig ade ig nya hagom lene induk sop nya kwei mem gima ingat hukum di cut igkep na bou igyai him. Tug hon nisinati dima lene dibindei ade nicut tut pinai nyati bikes hon apino ma akwas mun di kei tut pinai di abou buwei kep yok nya bu bi.

IMAM NYA IDE MIDYAI 26:31

binggek jide minu ndig nya bitimek bingwig ba, midinggek jide mpia di jikuk je kikep bak mun di mipror yon eisi nya ba, midirok jide mindhe-ndhe di jibui bijindig kep hum mem nibon midutti nya cem.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.

AMOS 2:5

Gima rino midipinak hum di cig-cai ug ei minu Yehuda leu api hum dima miyem tentara nibousi di igya coi nya ei minu ndig Yerusalem.”

AMOS 6:11

Tirigi tuhan kes nicukti ei yok dip ne ig mien kin ig ndig hagom mitimek bingwig.

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.