NIBOU NDIG NYA GI NICAN 25:4 - ALLAH NIHYET MEM TUNGWATU NYA

⁴ lene ide siceu nya inggek ngug tig dima bicoi ug ei minu ndig Yerusalem. Mbro nok gino mmun dima ide siceu nya igyon ttai minu dima lo, tentara timiei Yehuda yahagom imbris nyahan sir nibou ndig de bunggan nghousi bimbut kak dimbou heisi di itu ei ngug tig nipuig can ikieti binang ug ei Yordan nyai leu api ingwes ngun.

NIBOU NDIG NYA GI NICAN 25:4 ပူးပေါင်းရင်းမြစ်များ

NIBOU NDIG NYA GI NICAN 25:5

Noro tentara Babel yuhuk bram Nibou Ndig Zedekia bikat noni ei briep bou him dideu minu ndig Yerikho leu api tentara timiei Yehuda yahagom ikes noni leu ba, inang kikau.

NIBOHON MBEN ISRAEL GI NICAN 32:5

Leu api nibou ndig bindei sindem minu ndig dima tug hon tungwatu nya di noni cuk yok bikinding ngug tig nya hanyen ba, iwin ig di bon ninggre di jo-jo yam dip anai ei ngug tig dima dip ba, cuk tukan nya biwin ngug tig nibikrop ttai hi kin bu ei nisai ma kwei cem. Ba, igyai munti dima bindei sindem minu ndig. Nok gima cem Hizkia cuk yok bigya kep tentara nibousi di igya coi ei mpia niji kepti ei nite bei mpia nipriti ei minu ndig Yerusalem timiei nisai pima ba, ikinding bikei hanyen. Lene cuk yok leu binhyepo ibon micim kin mun di ibipukep ser siceu ide minggwen ninggwenti nya mang bibor cem.

YESAYA 22:11

Jibon bak minyei ei minu ndig ninsi bijiris minyei kwei leu ugyou gi nitimiei eisi. Noro jikiek joho leu Allah di tin ei ningon kanti tut mun dima yok hagom mimbrek ngan tu. Jibindei ba, hagom micut igkep je.

YESAYA 22:3

Jide nibou pran nya yahagom inang ba, siceu nya ikat yok nipou tirigi ide tibor tibim bigyo. Mbro nok gino tentara ade di isindem nya inang biyuug ei minu ting lo, siceu nya ikat yahagom ba, isima tu.

YEREMIA 32:4

leu api Nibou Ndig Zedekia ningwes ngun bi. Midikes noni ei nibou ndig minu Babel ninda nsi leu api noni miya ei nibou ndig minu Babel noho bei bimbrap bit ba, imbrap bit yam.

YEREMIA 34:3

Bit bon anang ba, allu leu ninda nsi kan bi. Noro siceu mikat na bikes na bak nibou ndig minu Babel lene aum noni ba, ambrap pijum bit noni. Leu api nide limwa nya mibuwak na ug ei minu Babel.

YEREMIA 38:18

Ne gino akes nanti ei indati bi ne minu dini micut bak jide siceu di mben Babel leu api yoni mindig minu dini bitimek bingwig. Bit bon angwes ngun kan bi.”

YEREMIA 4:17

Siceu dima migyon ttai minu ndig Yerusalem noyam kin yo di igya ser ide dihyei hanjop nsi nya. Mun dima yok hagom cut igkep timiei Yehuda nya lewo yaham imbuk kep tuhan tu. tuhan simbot dat tu.

YEREMIA 4:29

Nimpung tentara di iba kuda di ibri bikon pran kan kin gi iprindei siceu kan nya ibindei ba, nugwei bong mpiati apino tungwatu nya yahagom inang-nang wai ba, innei sor. Bihi inang ug ei bigbehei lene bihi inang bikui ug ei nungug tig biku yok ei hak mihyeti nya. Minu ndig nya hagom mbum-bra bram yok. Hi di ngkwei bibong ei sirima hanyen bu bi.

YEREMIA 44:30

Midikes Hofra di nok nibou ndig mem minu Mesir ei nide siceu nya di igyai nimai bak noni indati noyam kin gi dikes Zedekia di nok nibou ndig mem minu Yehuda ei nide siceu Nebukadnezar di nok nibou ndig mem minu Babel di yai nimai bak tu nindati ri.”

YEREMIA 5:10

Midicuk siceu nya ba, inggek yo dini ide ba anggur nghousi nya lo, inggek bisar ningwig hak bi. Midicuk siceu dima yok ba, ikos yo dini ide ba anggur ninda leu. Lewo ninda dima yok ne Ditde bi.

NIBWOS-BWOS NYENTI 1:3

Timiei minu Yehuda nya ikes ide minu ei su lewo ide siceu nya yuubon yok nok awak bikes niwei-nidut ei yok dip. Tini bu ne ibong srig ngkiai nya ikieti ei mpia di biyai nibong kei nigwam keisi hi biyok bi. Siceu igyon ttai yok leu api bit bon ingwes ngun kan bi.

NIBWOS-BWOS NYENTI 1:6

Minu ndig Yerusalem ninyeng di jei ei nijam gi pini jug pror leu no tu o! Nibou nya inghuisi jet bidem kep rusa di nggum bibor pimo tu o! Isindem mem gima ibindei timek siceu di yuhuk yok bi o!

YEHEZKIEL 12:12

Ide nibou ndig mikon nide buwang ei ninghat dip bimbut tut mem mmun di dindi-kai. Tungwatu nya mitu mihye ei dring tigti mem nibou ndig leu binhyepo hei kak mihyeti dima. Noni nggai ser niyai apino ngat puig di mbut kak bi a.

YEHEZKIEL 12:14

Yo di yahagom di ibong bit nibou ndig ei nide ig bitut yo di ipingok kep ningonti kin yo di igya ser noni pijum midibindei yo dini bintek gimahap nima ug-nima ug. Miduhuk yok bidiyai nimai biyok.

YEHEZKIEL 12:4

Nipou tirigi mmun bigyo lene abindei hei ndigban ade bou yahagom igyai him ba, ahei sut leu ade ig di abong niti noyam kin no di tungwatu nya icom ug ei ningkiaisi. Ma asindui sut ba, yahagom ingat ambutti bou igyai him.

YEHEZKIEL 33:21

Ug ei hon njap nimuhwi ei bed nisimnai mem ari bingwam nisimnaibrimigcan mem nijam di nibong ei ningkiaisi ne no di ningwes ngun leu minu ndig Yerusalem kwei pai bida bipia minu ndig dima cut tu.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

IMAM NYA IDE MIDYAI 26:36

Je di jingat rin ei jingkiaisi ei mpia di dicom je ug eisi dima lene midibindei ba, jittin bibor apino hou di bong biei mengti di sigak mibindei bijinang. Mbro nok gino siceu nya ikon pran ba, yuhuk je bi lo, mijinang-nang wai. Mbro nok gino hi bindei timek je bi lo, mijicut bijikinoi-kinoi wai hak.

ZAKHARIA 8:19

“Midut niyem njita bi mem nituti poi di jibon mem bed nibitai kin nimuhwi kin nimuhwindacan kin nisimnai ne midut di mpung tut ningon nggei-hi-nggeisi kin ningon keisi mem timiei minu Yehuda nya ri. Noro ma jibungwam ndam nitti kin ningon kwes kin yamti!”

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.

NINDAT KEP TUHAN NICUKTI NYA 32:30

Nggon rino ibou sribu gom icut bak ide siceu gom ngat i? Nggon rino ibou sribu simnai icut bak ide siceu nya ibou can he i? Lewo tuhan di nok ide Allah kes yok ei ba, No di sindem bibor tri yok bak ide siceu nya tu.