NIBOU NDIG NYA GI NICAN 25:3 - ALLAH NIHYET MEM TUNGWATU NYA

³ Ug ei hon njap nimuhwindatai mem bed nibitai ei ari bingwam dima tirigi ninggum nindig bibor hwen timiei minu ndig Yerusalem nindig bibor ba, njita hagom ngwig leu yok tu,

NIBOU NDIG NYA GI NICAN 25:3 ပူးပေါင်းရင်းမြစ်များ

YEHEZKIEL 14:21

tuhan Di Ninyeng Jei Bibor pai “Midikes Ditde hukum di buhun bibor ninyeng bitai ug ei minu ndig Yerusalem dip mem gima dibicok tut tungwatu kin mindhe-ndhe nya. Ba, hukum dima yok rino pran kin ninggum di buhun bibor kin mindhe di niten-pos kin nsuwer ajar.

YEHEZKIEL 7:15

Pran cut bidem puig hagom ba, nsuwer ajar kin ninggum jo bidem ig hagom. Tungwa tou rino ningat rin ei minu ndig nisai mimai ei pranti. Tungwa tou rino bong ei minu ndig ninsi mimai tug hon nsuwer ajar kin ninggum.

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

YEREMIA 52:6

Ug ei njap nimuhwindatai mem bed nibitai ei ari bingwam dima tirigi ninggum nindig bibor hwen timiei minu ndig Yerusalem ba, njita hagom ngwig leu yok tu,

YEREMIA 38:2

bipia tuhan pai “Tungwa tou rino ku no nyahan ei minu dini mitug ndei nimai tug hon pran kin ninggum kin nsuwer ajar. Noro tungwatu tou rino hei leu minu dini bikes nonti ei tentara Babel indati mitug ndei nimai bi noro miningwes ngun.”

IMAM NYA IDE MIDYAI 26:26

Njita mingwig leu jeni apino sop ibou simnai isuar komfor di inon roti eisi gom ngat he mem inon roti di jo bak yoni eisi. Mbro nok gino ikwas roti dima tut je bijiyem bingwig leu lo, ninggum mihwen je kikau.

ZAKHARIA 8:19

“Midut niyem njita bi mem nituti poi di jibon mem bed nibitai kin nimuhwi kin nimuhwindacan kin nisimnai ne midut di mpung tut ningon nggei-hi-nggeisi kin ningon keisi mem timiei minu Yehuda nya ri. Noro ma jibungwam ndam nitti kin ningon kwes kin yamti!”

YEHEZKIEL 5:10

Apino ndigpoi nya mibui yonti imunggwom bat nya bigyem lene munggwom nya mibui ide ndigpoi nya bigyem yok. Gima rino midikes hukum ei yok dip ba, midibindei yo di ingwes ngun nya bintek gimahap nima ug-nima ug.

YEREMIA 39:2

Nibou Ndig Zedekia ninyeng tak kep limwa nya ba, ug cut njap gi nimuhwindatai mem bed gi nibitai ba, ari bingwam gi nisimnaibrimiggom tu lene siceu ihwen ngug tig bitti.

YEREMIA 37:21

Gima rino Nibou Ndig Zedekia cuk nide yo di igya ser nya leu binhyepo inggam da ei nide mpia di jo bas hak di iba ngug tig bikrop ttai apino dibong ei mpia dima. Lene yo dima igyai roti nindak gom kwei leu nikang roti nibousi bikwop njap bigyai bida kikau ba, roti ei minu ndig dima hagom ngwig ug e.

NIBOU NDIG NYA GI NICAN 6:24

Bed poi ser tu lene Benhadad di nibou ndig mben Siria ya tut nide tentara nya yahagom ba, ikwei yon ttai Samaria.

NIBOU NDIG NYA GI NICAN 6:25

Lene mun di buhun dini bindei ba, ninggum nindig bibor hwen timiei Samaria yahagom. Yo di itri keledai nibou itri bibipek mitiei perak nitig ningot muhwindaningai. Lene yo di itri hakimoi mbrei noi kilo niken he itri bibipek mitiei perak nitig muhwi.

NIBOU NDIG NYA GI NICAN 25:2

Ba, igya ser timiei minu ndig Yerusalem nya kikau bibou Zedekia ninyeng tak kep yok mem ari bingwam simnaibrimiggom ug e.

YESAYA 3:1

Ningat ne tuhan Di Sindem Bibor mipos njita kin minyei di jo ngug-ngau kin ide nibou di iba ingon com yok nya hagom hak leu minu ndig Yerusalem kin minu Yehuda. Yo dima ne,

YEREMIA 19:9

Jide siceu nya migyon ttai minu ndig dini bihwen kep timiei nya yahagom. Mun di buhun bibor di cut igkep yok mibindei ba, tungwatu nya mibui ide tungwatu di inttig-tta kin imunggwom bat nya cem nok mikwau.”