NIBOU NDIG NYA GI NICAN 25:10 - ALLAH NIHYET MEM TUNGWATU NYA

¹⁰ Nide limwa nya inggek ngug tig di bikrop ttai minu dima,

NIBOU NDIG NYA GI NICAN 25:10 ပူးပေါင်းရင်းမြစ်များ

NIBOU NDIG NYA GI NICAN 14:13

Yoas kat Amazia leu api ug ei minu ndig Yerusalem ba, nggek ngug tig ei minu ndig Yerusalem. Ikinyon ei si binggek leu Dimbou Pmem Efraim kikau ug bipek kin Dimbou Pmem Nuhuisi ba, nijeisi meter sratus can.

NEHEMIA 1:3

Lene ibuhup dihyet bipai sut mun di nggruk bibor di cut igkep yo di ingwes ngun di ingkwei hanyen ug ei itimieisi drek dip ngkiai nya di ibong timiei ei minu dima di ingwes pri gau yok. Ipai bida bipia hi kinding ngug tig di bikrop ttai minu ndig Yerusalem di nggek sinsiou kin dimbou pmem di itu ei ngug tig dima bigyo. Hum yem hagom bingwig bikinei kikau kwei bipek ammani kep.

MAZMUR 144:14

Asindui sut ba, nyende sapi nya nimangti kum eisi kikau lene hi di pror ba, nipmot tis bi cem. Asindui sut ba, nimiap nahara niweisi kak puig ngot di jo bidem nyende minu ndig bi.

MAZMUR 79:1

Doia Asaf. Allah e, mben ngkiai di ikuk yok biNani bi nya igyai Ade dihyei ninda rom bigyati tu. Ibindei suwok Ade Ig lene ibindei ba, minu ndig Yerusalem nggek sinsiou cem.

YEREMIA 39:8

Tentara Babel nya inda jo kep bindig nibou ndig de ig kin ig ngot di limwa nya ide ba, inggek ngug tig di bikrop ttai minu ndig Yerusalem cem.

YEREMIA 5:10

Midicuk siceu nya ba, inggek yo dini ide ba anggur nghousi nya lo, inggek bisar ningwig hak bi. Midicuk siceu dima yok ba, ikos yo dini ide ba anggur ninda leu. Lewo ninda dima yok ne Ditde bi.

YEHEZKIEL 33:21

Ug ei hon njap nimuhwi ei bed nisimnai mem ari bingwam nisimnaibrimigcan mem nijam di nibong ei ningkiaisi ne no di ningwes ngun leu minu ndig Yerusalem kwei pai bida bipia minu ndig dima cut tu.

NINDAT KEP TUHAN NICUKTI NYA 28:51

Yoni mibindei sar jide mindhe-ndhe nihyen kep nya kin njita ngat ei jide miasi nya hagom bisar bingwig. Lene yoni mibet gandum kin ba anggur ngei kin mini zaitun kin sapi nya kin kambir nya kin domba nya cem hi ei mem je bi leu api jibimai jinggum.