NIBOU NDIG NYA GI NICAN 24:2 - ALLAH NIHYET MEM TUNGWATU NYA

² tuhan pinak nimpung nikon minggwen nya leu minu Babel kin Siria kin Moab kin Amon hagom mem gima ikon pran bit Yoyakim ba, ibindei timek timiei Yehuda nya. Gima dem igbit mun di tuhan pai nipou su tug hon nide awak di nabi nya.

NIBOU NDIG NYA GI NICAN 24:2 ပူးပေါင်းရင်းမြစ်များ

NIBOU NDIG NYA GI NICAN 20:17

tto bou midem leu api tungwatu nya mipian ndigban di anyeng tut nya hagom ei ade ig nibou ndig kin ndigban di adigup bat-adigai bat nya inju keyam leu nimbie him kikau kwei bipek ammani kep hagom ug ei minu Babel. Hi di mijo cem bi.

NIBOU NDIG NYA GI NICAN 22:16

bindat kep tuhan nihyet di tri tut “Da di tuhan midikes hukum ei timiei minu ndig Yerusalem yahagom dip bit leu nok gi ipas ei srat nicukti di na di nibou ndig akwop tu.

NIBOU NDIG NYA GI NICAN 23:27

Noni tri tut “Midibibon timiei Yehuda nya bit leu nok gi dibibon mben Israel pima. Midijji yok bingwig leu diyai him lene midikou sut minu ndig Yerusalem po didimig ei mem Danti kin tuhan De Ig po dipai sut bipia suar tungwatu ikuk yok biDa eisi.”

NIBOU NDIG NYA GI NICAN 6:23

Lene nibou ndig mben Israel bon pesta nindig bibor mem yok. Niabiati igyem njita bindei yok tu lene noni cuk yok bingkwei hanyen ndam ide nibou ndig ei minu Siria. Hon kep njap dima bikui lene tentara Siria ikes hon ba, ihwen mben Israel bu bi.

NIBOHON MBEN ISRAEL GI NICAN 33:11

Gima rino tuhan bindei di nibou pran mben Asyur nya ikwei coi minu Yehuda di ihwen ug a. Lene iba simper nindig bipos Manasye ba, iba lante biteu nimig-ninda lene ikri ug ei minu Babel.

AYUB 1:17

Nipou tirigi awak dima kes nihyet hon bigyo lene awak gom kin bu kwei krau bipai “Nipos Kep Mun Cig di mben Kasdim nimpung ningai ikwei hwen nye bipos unta nya hagom bingwig leu nye leu api igyai nimai bak ade awak nya yahagom noro dangkom ngat he rino dingwes ngun bidikwei tri tut bak na di Andigpoi.”

YESAYA 13:5

Yoni ikwei leu minu di jo ting bibor ei dihyei nohon keti. tuhan ba nigga biyai yo dima mem gima ibindei sar dihyeisi dini titut yam.

YESAYA 28:19

Mun di buhun micut igkep je bijo kikau ba, suar jinghim koi sut bikwop njap tekti kin njapti kin mpia ngket kin mmun. Tirigi jingon huk niti tut Allah nisokti lene mporo nittin hwen je ba, jidigit-digoi sut.

YESAYA 7:17

tuhan micuk nibou ndig Asyur kwei bihwen je. Gima bindei ba, nani kin ade ig bei nsi nya kin ade limwa nya jahagom mijitug ndei mun di buhun bibor dor njiriek mun di buhun di nipou cut igkep je ei mpe di po mben Israel kin timiei Yehuda nya ikwas yam pima kikau kwei bipek ammani kep.

YEREMIA 12:9

Yoni idem kep ha nitu di hacam nya icut igkep ba, isus ningut bei ninghim-noho kin ninggangti nite hi nite hi cem a. Ajem mindhe-ndhe di iten-pos nya gom-gom kwei leu binhyepo yoni cem injei bibindei ngwig Ditde limwa nya hak ug.

YEREMIA 25:1

Tirigi Yoyakim di Yosia nipmot kui bigwam nok nibou ndig minu Yehuda ba, ug ei ari bingwam gi nibitai lene diyai nisokti leu tuhan tut timiei Yehuda nya yahagom. Mpe dima lene Nebukadnezar gwam nok nibou ndig mem minu Babel ei nijam ari bingwam gi nimbie him ri.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 26:20

Nipou ne tungwagom nihyet wer mpiahi tut minu ndig dini kin timiei Yehuda nya tug hon tuhan ninyeng noyam kin Yeremia. No dima ne Uria di Semaya nipmot di kwei leu Kiryat-Yearim ri.

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 32:28

Midisindui sut minu ndig dini ba, Nebukadnezar di nok nibou ndig mem minu Babel miya tut nide tentara nya ba, inyeng tak kep. Yoni migyai bigyati,

YEREMIA 35:11

Noro tirigi Nibou Ndig Nebukadnezar coi minu dini bihwen lene nikos tut ningon kanti mem ninang leu tentara Babel kin Siria. Nipri binibong ei minu ndig Yerusalem bitig dino nogindini nibong ei sirini.”

YEREMIA 52:28

Gino ikwop kep yo di Nebukadnezar kat yok di yuug sima ei ingkiaisi dima imangti ne imangti rinok gini. Tirigi Nebukadnezar ninyeng tak kep limwa nya mem ari bingwam muhwindacan tu lene noni kat ibou sribu ningai ba, nyatungwagom ningai leu api yahagom isima ei ingkiaisi.

NIBWOS-BWOS NYENTI 1:17

Disu dinda bak tungwatu bidinggiuk huk yok lo, hi di kwei mpu da bi o! tuhan pinak siceu leu nima kwei-nima kwei bikwei kon pran bit da o! Yoni ibibon da nok mumpiang di map kui ei ikieti o!

YEHEZKIEL 19:8

Noro ngkiai di ibong gahai nya injei siceu bihwen noni kros leu nima kwei-nima kwei bicom ide jala kep bibikat noni. Iba ide jala bikat.

YEHEZKIEL 23:23

Midinduk yok keyam kwei leu minu Babel kin Pekod kin Soa kin Koa kin Asyur kin mben Kaldea kwei bingwig kep na. Dibuwak pinai pilei po ubbu ngat pima di inyeng jei nya kin pinjoi ndig nya kin yo di ibon inyeng nya kin nibou tentara di ibri kuda kan nya kwei bingwig kep na.

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

HABAKUK 1:6

Midiyai nisindemti bak mben Babel di iten-pos bimbuk bibor cem. Yoni sindi injei siceu bimbut bidem dihyei nisurti-nipekti leu binhyepo ikon pran bit mben dihyeisi dini bihwen yok.