NIBOU NDIG NYA GI NICAN 24:14 - ALLAH NIHYET MEM TUNGWATU NYA

¹⁴ Nebukadnezar kat timiei minu ndig Yerusalem nya kin nibou ndig nipmot bat nya kin yo di inyeng jei nya yahagom ba, isima ei ingkiaisi. Lene noni kat tukan ngkimom nitu nya kin tukan nindigsi nya cem ba, isima ei ingkiaisi. Noni buwak yok bingkwei sut yok hanyen ug ei minu Babel ba, yahagom imangti ibou sribu simnai. Noro Nebukadnezar sindui sut yo di yuhui mbum bibor nya ba, yongkom ibong ser minu ndig Yerusalem kikau.

NIBOU NDIG NYA GI NICAN 24:14 ပူးပေါင်းရင်းမြစ်များ

NIBOU NDIG NYA GI NICAN 24:16

Noni kat andigpoi di inyeng jei nya ibou sribu muhwindacan kin tukan ngkimom nitu nya kin tukan nindigsi nya yahagom ibou sribu gom di isindem ba, ikon pran kan cem bingkwei sut yok ug ei minu Babel.

NIBOU NDIG NYA GI NICAN 25:12

Noro noni sindui sut yo di yuhui mbum bibor ibou poi di inyeng tut dihyei hanjop nsi hi bi bicuk yok leu binhyepo inyohou miai ba anggur nghousi kin beisi nya hagom.

NIBOHON MBEN ISRAEL GI NIGOM 9:1

Daptar limwa Israel yahagom inyeng jo ei srat Nibohon Nibou Ndig mben Israelti ibibit leu ide ig bei nsi gom-gom. Mben Babel ikat timiei Yehuda nya ba, icom yok ug ei ingkiaisi ba, isima ei sirima drek dip ide sisar di ibon nya.

EZRA 2:1

Imang bibor leu yo di inok awak ei ingkiaisi ei mben Babel ikieti ikiju bimbut hak leu minu Babel bijo hak ei. Lene ingkwei hanyen ug ei minu ndig Yerusalem kin hanjop Yehuda cem. Bikwop tungwagom-gom ngkwei hanyen ug ei nonti nide minu ndig. Inok awak ei ingkiaisi ei minu Babel dima habiei leu mpe di po Nibou Ndig Nebukadnezar kat yok bikri yok ug ei sirima tu pima.

NEHEMIA 1:2

Mpe dima lene dide bat di Hanani bitut pinai nya nimpung gom sindi ikwei leu Yehuda ninyeng tak kepti leu api dihig ser yok tut minu ndig Yerusalem kin disut bat mben Israel di ingkwei leu ingkiaisi ei minu Babel biyuug ei itimieisi hanyen tu.

ESTER 2:6

Tirigi po Nebukadnezar di nok nibou ndig mem Babel bindei timek Yerusalem nipou pima lene kat Mordekhai kin Yoyakin di nibou ndig Yehuda kin imang bibor bu bikri yok ug ei ingkiaisi ei minu Babel.

YESAYA 3:2

pinjoi ndig nihwen kep mun cig nya kin tentara nya kin nikei nya kin nabi nya kin nimbot kep tut mun di mipek kep ei nidipti bu cig nya kin yo di ipingok yam ngonti,

YEREMIA 27:20

Mpe di po Nibou Ndig Nebukadnezar nya ikat Yoyakhin di Yoyakim nipmot di nibou ndig minu Yehuda kin timiei minu Yehuda kin nibou minu ndig Yerusalem nya di ikri yahagom ug ei minu Babel pima ne igipos ndigban dima yok bittei ug ei minu Babel bi.)

YEREMIA 28:4

Midingkwei Yoyakhin di Yoyakim nipmot di nok nibou ndig mem minu Yehuda bitut limwa Yehuda di ikri yok ug ei minu Babel nya cem yahagom hanyen kwei ri. Dipai nijit bipia midicut minu Babel de nisindemti. Da di tuhan disimbot dat tu.”

YEREMIA 29:2

Dipas srat dima niabiati siceu nya ikat Nibou Ndig Yoyakhin kin nipmem kin yo di igya kui noni di ibong ei nibou ndig de ig kin pinjoi ndig di inyeng tak kep minu Yehuda kin minu ndig Yerusalem nya kin tukan nya kin yo di igyai kep midyai igkei di icom yok ug ei ingkiaisi leu su.

YEREMIA 39:10

Noro noni sindui sut ba, limwa di yuhui mbum bibor di ide dihyei hanjop nsi hi nok dihyei ninda rom bi nya ba, ibong ser minu Yehuda. Noni kwas ba anggur nghousi kin ngoi dumti nya tut yok.

YEREMIA 40:7

Nibou ndig minu Babel ta Gedalya ba, kui bigwam nok nibou hanjop Yehuda leu api ninyeng tak kep limwa di yuhui mbum bibor nya di ingat rin ei hanjop dima. Nibou tentara Yehuda nya ibou poi di ingwes ngun leu tentara Babel nya inda nsi imiap tut gino Gedalya kui bigwam nok nibou hanjop dima.

YEREMIA 52:16

Noro noni sindui sut yo di yuhui mbum bibor ibou poi di ide dihyei hanjop nsi ninda rom hi bi ba, icuk yok leu binhyepo inyohou miai ba anggur nghousi kin beisi nya hagom.

YEREMIA 52:28

Gino ikwop kep yo di Nebukadnezar kat yok di yuug sima ei ingkiaisi dima imangti ne imangti rinok gini. Tirigi Nebukadnezar ninyeng tak kep limwa nya mem ari bingwam muhwindacan tu lene noni kat ibou sribu ningai ba, nyatungwagom ningai leu api yahagom isima ei ingkiaisi.

YEHEZKIEL 17:14

ser nhyema timiei Yehuda nya miyaham imbuk kep noni hanyen bi. Noni yai nok gima cem leu binhyepo mun di ipreu ei bit yam micut igbit nijam.

YEHEZKIEL 17:3

di Da di tuhan Di Dinyeng Jei Bibor dipai mem yok tut ha krubri di nindig bibor ningut gom di bon ninta kei-kau-kei ba, ninyehei nyan ba, sindem cem. Ha dima kon ninyehei bidimba ug ei nungug him ei minu Libanon bikot biei buom gom ninggrupti,

MATIUS 1:11

Yosia yai nipmot Yekhonya kin nikinjoi bat nya. Ei mpe dima lene mben Babel icut igkep mben Israel bikat yok bicom yok ug ei minu Babel.

MATIUS 1:12

Niabiati inok awak ei minu Babel bingwig leu su lene Yekhonya yai nipmot Sealtiel lene Sealtiel yai nipmot Zerubabel.

MATIUS 1:17

Gima rino yo di intun Abraham him kikau kwei bipek Daud ide nintun yam himti nimangti simnaibrimigtai. Ba, yo di intun Daud him kikau kwei bipek mpe di mben Babel icut igkep yok ide nintun yam himti nimangti simnaibrimigtai bu. Niabiati inok awak ei Babel kikau kwei bipek Kristus ningwoi-ngwoi cem ide nintun yam himti nimangti simnaibrimigtai.

NINDAT KEP TUHAN NICUKTI NYA 28:36

tuhan micom jeni kin jide nibou ndig ug ei jingkiaisi di jeni kin jidigup bat-jidigai bat nya ikan tut bi. Ei sirima lene ngkiai nya mikuk je nok awak mem nung di ikuk yok bak di iba biei kin tig bibon.

SAMUEL GI NIGOM 13:19

Ei nijam dima ne mben Israel ibon ide tukan ngkimom nitu hi bi lewo mben Filistin ice tut gima mben Israel ibon ide simeda kin micim bi.