NIBOU NDIG NYA GI NICAN 24:12 - ALLAH NIHYET MEM TUNGWATU NYA

¹² leu api Nibou Ndig Yoyakhin kin nipmem kin nimunggwom bat nya kin nide nibou pran nya kin yo di igya kui noni yahagom ikes yonti ei mben Babel indati ba, Yoyakhin sima hukum. Mun dini cut igkep yok tirigi Nebukadnezar ninyeng tak kep mben Babel mem ari bingwam muhwindaningai su.

NIBOU NDIG NYA GI NICAN 24:12 ပူးပေါင်းရင်းမြစ်များ

NIBOU NDIG NYA GI NICAN 20:18

Mporo yo dima mikat yo di intun nani him ibou poi lene yuubon yok mem gima igyai midyai ei nibou ndig mem mben Babel de ig nibou ndig.”

NIBOU NDIG NYA GI NICAN 24:11

Jei bi lene Nebukadnezar nonti kwei ya tut nide tentara di igyon ttai minu ndig dima,

NIBOU NDIG NYA GI NICAN 25:27

Tirigi mben Babel ita Ewil-Merodakh nok ide nibou ndig nijep bu lene noni ningon nggriu sut Nibou Ndig Yoyakhin leu minu Yehuda bikes noni leu ig bui nsi. Mun dini pek kep mem noni ei njap nyatungwagom ba, muhwindacan ei bed simnaibrimigcan mem ari bingwam ningot ningai ba, muhwindacan niabiati noni sima hukum ei ig bui nsi.

NIBOU NDIG NYA GI NICAN 25:8

Nibou Ndig Nebukadnezar ninyeng tak kep mben Babel mem ari bingwam simnaimuhwidip brimigtehibitai tu lene Nebuzaradan di pingok kep nibou ndig ningonti ba, nok nibou pran cem kwei ei minu ndig Yerusalem ei njap nimuhwindacan mem bed nimuhwi bicoi ug ei minu dima.

NIBOHON MBEN ISRAEL GI NICAN 36:10

Ug cut ari bingwam nikwas yamti lene Nibou Ndig Nebukadnezar kri Yoyakhin ug ei minu Babel leu api noni sima ei sirima. Lene Nebukadnezar ya kep ndigban di nibok kak ei tuhan De Ig nya hanyen bu bicat leu api mbut tut krebou-krebai. Leu api noni kon Zedekia di Yoyakhin nipmum kui bigwam nok nibou ndig ba, ninyeng tak kep timiei Yehuda nya kin timiei minu ndig Yerusalem.

ESTER 2:5

Mpe dima lene Mordekhai di mben Yahudi gom di Yair nipmot cem no bong ei minu ndig pmem Susan. No dini ntun keret Benyamin him ba, jem Kis kin Simei nok nidigup bat-nidigai bat nya.

ESTER 2:6

Tirigi po Nebukadnezar di nok nibou ndig mem Babel bindei timek Yerusalem nipou pima lene kat Mordekhai kin Yoyakin di nibou ndig Yehuda kin imang bibor bu bikri yok ug ei ingkiaisi ei minu Babel.

YESAYA 24:6

Gima rino tuhan sigion dihyeisi dini bikes hukum ei yahagom dip. Yoni mibiang ide sisar nibuhunti. Noni bindei ngkiong yoni leu ba, poi mien he rima ingwes ngun a.

YEREMIA 13:18

tuhan pai bida “Acuk nibou ndig kin nitnem ba, ijuk kwei leu ide nibou ndig de banggo mbrei lewo ide topi nibou ndig di kei bibor cut leu ibou nggramhim tu.

YEREMIA 24:1

Mpe di gom bu tirigi Nebukadnezar di nok nibou ndig mem minu Babel kat Yoyakhin di Yoyakim nipmot di nok nibou ndig mem minu Yehuda bitut nibou Yehuda nya di igya kui noni kin tukan di ibon mun bou inda him nya kin nibon kep ngkimom cig nya ba, kri yok leu minu ndig Yerusalem ug ei minu Babel ba, isima ei ingkiaisi lene tuhan yai ningat-hi-ngat hi bida. Dingat bansi can di biei ara ningat jo niti di jo hak ei tuhan De Ig nuhuigya.

YEREMIA 25:1

Tirigi Yoyakim di Yosia nipmot kui bigwam nok nibou ndig minu Yehuda ba, ug ei ari bingwam gi nibitai lene diyai nisokti leu tuhan tut timiei Yehuda nya yahagom. Mpe dima lene Nebukadnezar gwam nok nibou ndig mem minu Babel ei nijam ari bingwam gi nimbie him ri.

YEREMIA 27:20

Mpe di po Nibou Ndig Nebukadnezar nya ikat Yoyakhin di Yoyakim nipmot di nibou ndig minu Yehuda kin timiei minu Yehuda kin nibou minu ndig Yerusalem nya di ikri yahagom ug ei minu Babel pima ne igipos ndigban dima yok bittei ug ei minu Babel bi.)

YEREMIA 36:30

Gima rino Da di tuhan dipai brei bak na di Nibou Ndig Yoyakim bipia ade nintun him yamti di bram yam nya migya luei ahoti ba, inyeng mitak kep yo di intun Nibou Ndig Daud him bu bi sren. Tirigi igyai nimai bina ne tungwatu nya minjei angut ug ei nisai hek mpia mem njap kin nggou mmun.

YEREMIA 37:1

Mpe dino Nebukadnezar di nok nibou ndig mem minu Babel cut Yoyakhin di Yoyakim nipmot ninyeng nibou ndig leu noni lene noni ta Zedekia di Yosia nipmot biya luei Yoyakhin nohoti nok nibou ndig minu Yehuda bu.

YEREMIA 52:12

Tirigi Nibou Ndig Nebukadnezar ninyeng tak kep mben Babel mem ari bingwam simnaimuhwidip brimigtehibitai tu lene Nebuzaradan di pingok kep nibou ndig ningonti di nok nibou pran cem kwei ei minu ndig Yerusalem ei njap nisimnai mem bed nimuhwi bicoi ug ei minu dima.

YEREMIA 52:28

Gino ikwop kep yo di Nebukadnezar kat yok di yuug sima ei ingkiaisi dima imangti ne imangti rinok gini. Tirigi Nebukadnezar ninyeng tak kep limwa nya mem ari bingwam muhwindacan tu lene noni kat ibou sribu ningai ba, nyatungwagom ningai leu api yahagom isima ei ingkiaisi.

YEREMIA 52:31

Mpe hi bu tirigi mben Babel ikon Ewil-Merodakh nok ide nibou ndig nijep bu lene ningon nggriu sut Yoyakhin di nibou ndig minu Yehuda bikes noni leu ig bui nsi. Mun dini pek kep mem noni ei njap ningot can ba, muhwi mem bed nisimnaibrimigcan ei ari bingwam ningot ningai ba, muhwindacan ei nijam di noni sima ei ig bui nsi leu su.

YEHEZKIEL 1:2

Mpe dima cem Nibou Ndig Yoyakhin sima ei ig bui nsi ei ningkiaisi mem ari bingwam muhwi tu.

YEHEZKIEL 17:12

“Ahig ser naham nimbuk kep Allahti di nijit cig dima yok bipia ingon huk niti tut nihyet nibiti nindati dima e? Apai biyok bipia nibou ndig minu Babel kwei ei minu ndig Yerusalem bikat nibou ndig Yehuda bitut yo di igya kui noni di ibong ei minu ndig dima yahagom buug sut ug ei minu Babel tu.

YEHEZKIEL 17:4

leu api ttei bikes ei minu ndig di nok nitri-nipek mun bousi di mpung tut nitri-nipek mun cig nya.

YEHEZKIEL 19:1

Bit leu Allah nicuk dati ne dipai doia nibwos-bwos nyenti dini mem nibou ndig Israel ibou can di igya luei icig bat nya yohoti. Dibipai,

YEHEZKIEL 19:13

Tini bu ne yoni ita noni ei iggum ndigsi di bon dihyei ningak-caisi di wer minyei bi.

NINDAT KEP TUHAN NICUKTI NYA 28:36

tuhan micom jeni kin jide nibou ndig ug ei jingkiaisi di jeni kin jidigup bat-jidigai bat nya ikan tut bi. Ei sirima lene ngkiai nya mikuk je nok awak mem nung di ikuk yok bak di iba biei kin tig bibon.