NIBOU NDIG NYA GI NICAN 24:1 - ALLAH NIHYET MEM TUNGWATU NYA

¹ Nebukadnezar di nok nibou ndig mem mben Babel kwei bindei timek timiei Yehuda nya mem nijam di Nibou Ndig Yoyakim ninyeng tak kepti dima. Apino Yoyakim ne Nibou Ndig Nebukadnezar de awak kikau mem nijam ari bingwam ningai ri. Niabiati bu lene kiek nimig jou tut noni.

NIBOU NDIG NYA GI NICAN 24:1 ပူးပေါင်းရင်းမြစ်များ

NIBOU NDIG NYA GI NICAN 17:5

Leu api Salmaneser di nok nibou ndig mem mben Asyur hwen mben Israel lene bindei ba, tentara nya igyon ttai minu ndig Samaria. Igyon ttai minu ndig Samaria mem nijam ari bingwam ningai,

NIBOU NDIG NYA GI NICAN 24:20

Gima rino tuhan ningon sibui sut timiei Yehuda kin minu ndig Yerusalem nya nindig bibor bijji yok bingwig leu niyai him.

NIBOHON MBEN ISRAEL GI NICAN 36:1

Timiei Yehuda nya ikon Yoahas ba, kui bigwam nok nibou ndig biya luei Yosia nohoti bu.

EZRA 4:12

Nimbot kep biNa Di Anyeng Jei leu binhyepo akan tut bipia nogindini limwa Yahudi nya di imbut leu hanjop nsi nya ei anyeng tak kepti dima ikwei bibong timiei ei minu ndig Yerusalem hanyen bu tu. Inda jo kep niwin minu ndig di mpung tut yo di isibut di yaham imbuk kep Na Di Andigpoi hanyen cem. Ikinyon eisi ba, ikinding ngug tig hanyen tu. Ba, jei bi ne ikes inda tut midyai dima ri.

YESAYA 36:5

Akan bipia nihyet he sindem njiriek tentara ide mimbri di kui ingkek kin ide nisindemti e? Tou riba ningon com je gino jaham jimbuk kep nye di tentara Asyur i?

YEREMIA 25:1

Tirigi Yoyakim di Yosia nipmot kui bigwam nok nibou ndig minu Yehuda ba, ug ei ari bingwam gi nibitai lene diyai nisokti leu tuhan tut timiei Yehuda nya yahagom. Mpe dima lene Nebukadnezar gwam nok nibou ndig mem minu Babel ei nijam ari bingwam gi nimbie him ri.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 35:1

Tirigi Yoyakim di Yosia nipmot gwam nok nibou ndig minu Yehuda lene tuhan pai bida,

YEREMIA 35:11

Noro tirigi Nibou Ndig Nebukadnezar coi minu dini bihwen lene nikos tut ningon kanti mem ninang leu tentara Babel kin Siria. Nipri binibong ei minu ndig Yerusalem bitig dino nogindini nibong ei sirini.”

YEREMIA 36:1

Tirigi Yoyakim di Yosia nipmot ninyeng tak kep minu Yehuda mem ari bingwam bitai su lene tuhan pai bida,

YEREMIA 45:1

Yoyakim di Yosia nipmot ninyeng tak kep Yehuda buug cut ari bingwam gi nibitai leu lene Barukh pas kep mun di dindat kep bak nya. Leu api dipai,

YEREMIA 46:2

kinyon ei nimbrap tut mben Mesirti bibie. Noni pai bida tut Nekho di nok nibou ndig mem minu Mesir de tentara di Nebukadnezar di nok nibou ndig mem minu Babel hwen yok di icut bak ei Karkemis. Minu ndig dima jo dideu Minyei Pmem Ndig Efrat. Mpe dima lene Yoyakim di nok nibou ndig mem minu Yehuda ninyeng tak kep limwa nya buug cut ari bingwam gi nibitai tu ri. tuhan pai sut mun nyeng dima,

YEREMIA 50:17

tuhan pai “Mben Israel idem kep nimpung domba di singa huk yok di bindei di intek gimahap a. Nibou ndig minu Asyur coi bihwen yok nimbie him ngat. Leu api Nebukadnezar di nok nibou ndig mem minu Babel kinam injum nya mien-mien.

YEHEZKIEL 19:8

Noro ngkiai di ibong gahai nya injei siceu bihwen noni kros leu nima kwei-nima kwei bicom ide jala kep bibikat noni. Iba ide jala bikat.

YEHEZKIEL 21:14

Na di tungwatu di ayaijo kikau bi e, ma atri tut mun di mipek kep ei nidipti bu. Ma attem anda ba, abitto singau simeda dima leu binhyepo kinyon ei niyai nimai bak tungwatuti. Singau simeda dima biyai ningon ttin biborti,

DANIEL 1:1

Tirigi Yoyakim ninyeng tak kep timiei Yehuda nya mem ari bingwam ningai leu su lene Nebukadnezar di nibou ndig minu Babel kon pran bit timiei minu ndig Yerusalem ba, nide tentara nya igyon ttai minu ndig Yerusalem.

DANIEL 1:2

tuhan sindui sut ba, Nibou Ndig Yoyakim cut bak Nebukadnezar di cat ndigban di nibok kak nya nite hi leu tuhan De Ig. Noni njei bikat timiei Yehuda nya bikri yok hanyen ug ei nide ig kwar nibousi ei minu Babel leu api ttei ndigban di nibok kak di pos nya hagom buug sut ei nibousi mem nide kwar di kuk no bak binju hagom ei ig gudanti.

HABAKUK 1:6

Midiyai nisindemti bak mben Babel di iten-pos bimbuk bibor cem. Yoni sindi injei siceu bimbut bidem dihyei nisurti-nipekti leu binhyepo ikon pran bit mben dihyeisi dini bihwen yok.