NIBOU NDIG NYA GI NICAN 23:4 - ALLAH NIHYET MEM TUNGWATU NYA

⁴ Lene Yosia cuk Imam Nibou Ndig Hilkia kin imam di igya kui noni kin yo di igya ser dimbou hui dima leu binhyepo icat kwar Baal kin kwar Asyera kin kwar ham mpia-bbed him nya bitut imbumbati nya hagom leu tuhan De Ig. Noni bindei ba, indig imbumbati dima yok hagom kep hum ei minu ndig Yerusalem nisai ma kwei dideu Mbang Briep Kidron biket hum pimbang dima hagom biyuug sut ug ei minu ndig Betel.

NIBOU NDIG NYA GI NICAN 23:4 ပူးပေါင်းရင်းမြစ်များ

SAMUEL GI NICAN 15:23

Lene timiei minu ndig Yerusalem nya yahagom ipim kui jei sut Daud kin nide limwa nya tirigi yehei leu minu ndig dima. Noni bie tut nide limwa nya ba, isigon Minyei Kidron biyuug dihip ei nite dima ug lene imbut kikau ug ei iggum ndigsi.

NIBOU NDIG NYA GI NIGOM 12:29

Lene noni ta sapi nikre di ba mas bibon ningut gom ei minu ndig Betel lene ningut gom bu ei Dan.

NIBOU NDIG NYA GI NIGOM 15:13

Lene bindei cut Maakha ninyeng leu nibou ndig sop cem. Lewo nidrot dima bon kwar di kinei bibor mem kwar sop Asyera di tungwatu nya ikan bipia bindei mun nyeng hagom nnum kei. Asa nggek kwar di ikuk yok bak dima bindig kep hum ei Mbang Briep Kidron.

NIBOU NDIG NYA GI NIGOM 16:31

Noni bon sisar noyam kin Nibou Ndig Yerobeam nide sisar he bi noro kum eisi bu tirigi noni wak Izebel di Nibou Ndig Etbaal leu Sidon nipmisop ba, kuk no bak kwar Baal cem.

NIBOU NDIG NYA GI NIGOM 18:19

Nogindini ma anduk mben Israel yahagom ba, ikwei um da ei Nungug Karmel. Ma abuwak nabi Baal nya ibou sratus bitai ningot muhwi kin nabi Asyera ibou sratus bitai di nibou ndig sop Izebel hati tut yok nya cem yahagom kwei.”

NIBOU NDIG NYA GI NIGOM 18:26

Yoni idimig sapi nikre ningut gom ei bitin ei bidem tu. Lene ingat nadi bak kwar Baal leu njap bigyoti kikau bipek mpia huk pijum. Iba ighyet nindig bibor pai “Na di kwar Baal e, ma abuhup nyeni nihyet o!” Lene ipri-pri nyen bibikrop ttai ide nimbar hum dok noro kwar Baal di ikuk yok bak buhup ighyet bi.

NIBOU NDIG NYA GI NIGOM 18:40

Lene Elia cuk limwa nya “Ma jikat nabi kwar Baal nya yahagom leu binhyepo hi nang biningwes ngun bi!” Gima rino tungwatu pima yok ikat nabi Baal yahagom leu api Elia buwak yok ug ei Minyei Kisyon nyai biyai nimai bak yahagom ei sirima.

NIBOU NDIG NYA GI NIGOM 19:18

Noro midinyohou mben Israel ibou sribu muhwindacan bingwes ngun lewo ingon gom tut Da lene ikuk yok bak Baal bi ba, imei nide kwar cem bi sren.”

NIBOU NDIG NYA GI NICAN 10:26

ibindei hei kwar Baal ug ei nisai bindig kep hum hak.

NIBOU NDIG NYA GI NICAN 12:10

Bikwop mpe dino mitiei di icom ei brua nsi dima mang bibor tu lene nibou ndig de sekertaris gom kin Imam Nibou Nindig ikwei kau brua dima leu ba, igyai mitiei dima hagom bikwop nimangti leu api inggai kep bigyok ei.

NIBOU NDIG NYA GI NICAN 17:16

Lene igyai mun tunggwei ide tuhan Allah nicuk yokti nya hagom. Iba ngkimom-tembaga di indig bijet bibon kwar sapi ningut can bikuk yok bak ba, ibon kwar nisop Asyera cem ikuk yok bak ham mpia-bbed him nya ba, ikuk yok bak kwar Baal cem hagom.

NIBOU NDIG NYA GI NICAN 21:3

Manasye win mpia di tungwatu nya ikuk yok bak kwar eisi nya hagom di nicig Hizkia ya kep binggek ningwig pima hanyen. Lene win nimbar hum dok nya mem gima bibon midut nya bak Baal. Lene bibon kwar sop Asyera bit leu nok Ahab di nok Nibou Ndig mem mben Israel nibon kepti pima cem. Manasye kuk no bak ham mpia-bbed him nya cem.

NIBOU NDIG NYA GI NICAN 21:5

Manasye win nimbar hum dok nya ei mpia di jo bas hak can ei tuhan De Ig nibiho mem gima bikuk no bak ham mpia-bbed him nya.

NIBOU NDIG NYA GI NICAN 21:7

Manasye ttei kwar sop Asyera ningwes bitas pijum ei tuhan De Ig. Noro tuhan pai sut Nide Ig dima bak Daud kin nipmot Salomo nipou su “Ditde ig kin minu ndig Yerusalem di didimig leu keret Israel simnai brimigcan ide hanjop nya dini ne mpia di dindo ei nok gumihyep nibon midut eisi bak Dani ri.

NIBOU NDIG NYA GI NICAN 22:4

“Aug ngat Imam Nibou Ndig Hilkia ba, ahig ser noni tut mitiei di imam nya itug ndei tirigi itindei ser tungwatu nya ei dimbou hui ei tuhan De Ig dima nimangti.

NIBOU NDIG NYA GI NICAN 23:12

Noni bindei ba, tungwatu nya inggek nimbar hum dok nya di nibou ndig timiei Yehuda nya di nipou nya ibon ei nibou ndig Ahas de ig bou ninjek dip kin nimbar hum dok di Nibou Ndig Manasye bon ei mpia di jo bas hak ei tuhan De Ig hacem. Noni bindei ba, idram nimbar hum dok dini yok binnir-wap leu api icom hagom ug ei Mbang Briep Kidron.

NIBOU NDIG NYA GI NICAN 23:15

Yosia nggek mpia di ipigig sut ei di Nibou Ndig Yerobeam di Nebat nipmot bon ei minu ndig Betel pima. Noni ne nibou ndig di ris mben Israel ug ei sisarti habiei ei nimbie him pima ri. Yosia nggek nimbar hum dok dima lene dram tig nikiou nya hagom binnir-wap ba, ndig ide kwar nisop Asyera cem.

NIBOU NDIG NYA GI NICAN 25:18

Nibou pran Nebuzaradan kat Imam Nibou Ndig Seraya kin imam Sefanya di ya kui Seraya kin nibou mem tuhan De Ig di inyeng jei nya ibou ningai yahagom ba, isima ug ei minu Babel.

NIBOHON MBEN ISRAEL GI NICAN 15:16

Tut gima cem Nibou Ndig Asa bicut nidrot Maakha ninyeng leu gi gwam nok Nipmem Sop Nibou Ndig. Lewo noni bon cou dihim noyam kin kwar di kinei bibor ba, bikuk no bak kwar Sop Asyera di ipai bipia bindei nnum njita kioi nya. Asa bindei tti cou dihim dima lene bindei binnir wap leu api ndig hagom ei Mbang Briep Kidron.

NIBOHON MBEN ISRAEL GI NICAN 33:3

Noni win mpia di tungwatu nya ikuk yok bak kwar eisi nya po nicig Hizkia cok tut tu pima biwin hanyen ba, win nimbar hum dok nya cem mem gima tungwatu nya ikuk yok bak Baal eisi. Noni bibon kwar Sop Asyera nya bikuk no bak ham mpia-bbed him nya cem.

NIBOHON MBEN ISRAEL GI NICAN 33:7

Noni ttei kwar Sop Asyera ningwes bitas ei tuhan De Ig. Noro Allah pai sut Nide Ig dima bak Daud kin nipmot Salomo nipou su. Noni pai “Ditde Ig ei minu ndig Yerusalem di didimig ei leu keret Israel simnaibrimigcan ide hanjop nsi dini ne mpia di dindo ei nok gumihyep nibon midut eisi bak Dani ri.

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YEREMIA 52:24

Gima leu lene nibou pran Nebuzaradan kat Imam Nibou Ndig Seraya kin Imam Sefanya di ya kui Seraya kin nibou tuhan De Ig di inyeng jei nya ibou ningai yahagom bikri yok ug ei minu Babel.

YEREMIA 7:9

Jinggimang cem jihwen mun cem jicut tut yam cem jiba neheng om ser mun ei nikei noho bei cem jindig mindhe ei Baal de nimbar hum dokti cem jikuk je bak ngkiai nya ide kwar nya cem.

YEHEZKIEL 8:6

Allah pai bida “Na di tungwatu di ayaijo kikau bi e, angat mindei di pek kep dima i? Angig ayai kep nibon munti di kinei bibor di bindei ba, diyai ttin di mben Israel igyai kep nya. Mun di igyai dima boom Da ei minu ting leu Ditde Ig tu. Noro akwei ba, midindo mun di kinei bibor bu hi kin bu bina.”

HOSEA 4:15

Mbro nok gino je di mben Israel jingon gom tut Da bi lo, diyok dingon mem gima mben Yehuda ibon sisar di noyam ba, ingon mui bi. Ma jikuk je biDa ei minu ndig Gilgal kin Betel au. Ma jeheng bitug hon Da di tuhan di niyaijo dinyeng ei minu ndig dima yok au.

AMOS 4:4

tuhan Di Ninyeng Jei Bibor pai “Je di mben Israel e, nnaba jimbut ug ei gumihyep di jikuk je biDa eisi ei minu ndig Betel hak ug leu api ma jibon kep jide sisar ei sirima! Nnaba juug ei hanjop Gilgal bijibrim jingkek mem sisar ei mpia dima cem hak ug! Nnaba jijem mindhe-ndhe kwei mem jide midut nya bikwop njap tekti lene ma jipwoi mun di jikwas tut Da gom leu ningot gom lene nok mbigom mem njap nitindur ningai hak ug.

ZEFANYA 1:4

Midikes hukum ei timiei minu ndig Yerusalem kin minu Yehuda titut yam dip. Midicok tut yo di ikuk yok bak Baal niken-ken nya yahagom leu mpia dima yok. Apino tungwatu nya ibbwe ser imam nya di igyai midyai mem Baal nya krebou hak.

MATIUS 26:3

Mpe dima ne imam nindig nya kin nibou mben Yahudi nya induk yam kwei ei Kayafas di Imam Nibou Ndig de ig.

MATIUS 27:1

Njap bigyoti ne imam nindig nya kin nibou mben Yahudi nya yahagom isimbot kep Yesus ninghapti biyam leu binhyepo ijem nimai gau Noni.

YOHANES 18:1

Niabiati Yesus kes nadi hon leu api Noni kin yo di igya kui Noni isigon Minyei Kidron bicoi ug ei mpia ttou nsi di bon biei nghousi.

NIJAM NIKEI NYA 2:13

Lewo ikuk yok biNoni bu bi lo, ikuk yok bak Baal kin Asytoret kin kwar nindigsi nya.