NIBOU NDIG NYA GI NICAN 23:30 - ALLAH NIHYET MEM TUNGWATU NYA

³⁰ Lene yo di igya kui noni ikon ningut bikes ei kroba pranti bingkwei sut hanyen kwei ei minu ndig Yerusalem leu api itig ei jui dip nibou ndig nya ide. Lene timiei Yehuda nya idimig Yoahas di Yosia nipmot bita noni nok nibou ndig nijep bu.

NIBOU NDIG NYA GI NICAN 23:30 ပူးပေါင်းရင်းမြစ်များ

NIBOU NDIG NYA GI NICAN 21:24

Noro timiei Yehuda nya ikes hukum nimai ei yo di igyai nimai bak Nibou Ndig Amon dima dip. Leu api ita nipmot Yosia nok nibou ndig bu.

NIBOU NDIG NYA GI NICAN 22:20

Gima rino midibet hukum di micut ei minu ndig Yerusalem dip dima ei bibou ayaijo ngwig hon ug e leu binhyepo abong kei agwam kei kikau ug bipek ayaijo ningwig honti.’ ” Lene yo dima ingkwei sut nimbot kepti dima bipai sut bak nibou ndig Yosia.

NIBOU NDIG NYA GI NICAN 9:28

Lene nibou nya di igya kui noni ikon ningut ba, iba kroba pran bittei hanyen ug ei minu ndig Yerusalem. Leu api itig ei jui nsi di ibet ei mem itig kep nibou ndig Yehuda nya eisi ei Daud De Minu Ndig.

NIBOHON MBEN ISRAEL GI NICAN 35:20

Tirigi Nibou Ndig Yosia bon gima yok hagom mem tuhan De Ig leu su lene Nibou Ndig Nekho ya tut nide tentara nya mem gima ikon pran bit nide siceu nya ei Karkemis di jo dideu Minyei Efrat. Lene Yosia njei siceu bipi bikon pran bit noni.

NIBOHON MBEN ISRAEL GI NICAN 35:24

Ikon noni leu nide kroba pran ba, ikes ei kroba pran hiter bibuwak noni hanyen ug ei minu ndig Yerusalem. Lene niyaijo ngwig hon bimai ei minu ndig Yerusalem ba, itig ei nibou ndig nya ijui dip. Lene timiei Yehuda nya kin timiei minu ndig Yerusalem nya yahagom ingon ngguk bram noni ei nimaisi dima.

YEREMIA 22:10

Je di timiei Yehuda nya e, ma jingon ngguk tut Nibou Ndig Yosia nimaisi au. Noro ma jipim tut nipmot Yoahas he. Lewo siceu nya ikat Yoahas biyuug sut ug ei ningkiaisi tu. Noni mingkwei hanyen kwei bingat nitimieisi bou niyai him bu bi sren.

YEREMIA 22:11

tuhan pai sut Yoahas di Yosia nipmot di kui bigwam nok nibou ndig ei minu Yehuda biya luei Yosia nohoti “Yoahas ug leu minu dini tu ba, mingkwei hanyen kwei bu bi sren.

YEHEZKIEL 19:1

Bit leu Allah nicuk dati ne dipai doia nibwos-bwos nyenti dini mem nibou ndig Israel ibou can di igya luei icig bat nya yohoti. Dibipai,