NIBOU NDIG NYA GI NICAN 23:3 - ALLAH NIHYET MEM TUNGWATU NYA

³ Tirigi noni ya kui dihim gom di ipigig sut ei mem nibou ndig bipreu ei mem tuhan bipia miba ningon titut kin ninnei titut bibit tuhan nihyet kin nicuk Nide limwa nyati hagom. Lene preu ei bipia noni miyai kep midyai po nidigup bat-nidigai bat nya ipreu sut ei nipou su pima bit leu nok gi ipas ei srat niggai serti dima. Lene nide limwa nya cem ipreu sut ei mem tuhan bipia yoni mibit Nide gi preu ei mem yoti.

NIBOU NDIG NYA GI NICAN 23:3 ပူးပေါင်းရင်းမြစ်များ

NIBOU NDIG NYA GI NICAN 11:14

Tirigi ug krau bingat lo, nibou ndig nijep dima ya ei Tuhan De Ig nimbou ba, imam nya iba mini nibon midut bita noni lene ikon noni kui bigwam nok nibou ndig cem ba, nibou tentara nya kin yo di imiep pun mbrei igya ttai noni. Limwa nya yahagom imbos-hi-mbos ba, ibiyai nillei lene ibimiep ide pun mbrei nya cem. Atalya ba ningon di digit birik nide sinsun lene ba nihyet ndig bisrep “Jaham jimbuk kep da o! Jaham jimbuk kep da o!”

NIBOU NDIG NYA GI NICAN 11:17

Mpe dima lene Imam Yoyada cuk nibou ndig kin limwa nya leu binhyepo iba neheng bipreu ei bak tuhan bipia yoni ne tuhan de limwa nya ri. Lene cuk nibou ndig nonti cem leu binhyepo ba neheng dima bipreu ei bak nide limwa nya.

NIBOHON MBEN ISRAEL GI NICAN 15:15

Limwa nya yahagom igyai nillei noyam. Lewo iba ingon titut yam bicom ighyet tug hon neheng dima tu. Iba ingon di llei bikuk yok bak tuhan bitig dino tuhan cem joi sut yok. tuhan bindei ba, nibong kei nigwam kei kieng kep ide minu di inyeng tak kepti nya hagom.

NIBOHON MBEN ISRAEL GI NICAN 23:13

Ug krau su lene ngat nibou ndig nijep di ya hak ei dimbou hui ei tuhan De Ig nuhui bingat nibou tentara nya kin yo di imiep pun mbrei di igya ser mpia di ibindei kui Yoas binok nibou ndig eisi pima. Lene limwa nya yahagom iba ingon di llei bimbos-hi-mbos bibimiep pun mbrei cem ser. Yo di ikek kep musik ei tuhan De Ig cem iba musik hi gom hi gom bikon njap midut dima. Lene Atalya ba ningon di digit birik nide sinsun lene bahara pia “Jikinei sut da bijitri da o! Jikinei sut da bijitri da o!”

NIBOHON MBEN ISRAEL GI NICAN 23:16

Lene Imam Yoyada hara mem Nibou Ndig Yoas kin nide limwa nya yahagom bitut nonti leu api ipreu ei tuhan Noho bei bipia yoni mingon gom tut tuhan.

NIBOHON MBEN ISRAEL GI NICAN 29:10

Nogindini diyok dingon mem gima dipreu mun ei mem mben Israel ide tuhan Allah leu binhyepo Noni gga nye bu bi.

EZRA 10:3

Jikwei ba, iba neheng bipreu ei mem Allah bipia mporo ikes sop dima yok yahagom bitut imunggwom bat nya cem ba, ingkwei hanyen ug ei itimieisi. Minibit ade nipingok nyeni ningonti nya kin limwa hiter di ibit Allah nicukti nya kin nipingok ningonti nya cem.

NEHEMIA 10:1

No di tak buk nimbie him ngat rino nibou hanjop di Nehemia di Hakhalya nipmot. Leu api Zedekia tak buk bram bu. Cin dini itak buk bibie leu api limwa dini yok itak buk bram yok bram yam bu.

NEHEMIA 5:13

Leu api dikwek minghas nibou di jo dintig bou bidimpig bidipai biyok “Bikwop tungwagom-gom di bon mun bipek kep nipreu eisi dima bi lene ma Allah mpig no dima nok minghas di dimpig dini. Allah miyai mun di nyeng tut nya hagom leu no dima leu api noni minok nikinei-kinau hak.” Yo di idem yam ei dima ibuhup “Igbit rin o!” Leu api yahagom ikon tuhan ninyeng a. Apino nibou nya yahagom ibon mun bipek kep ide nipreu eisi.

NEHEMIA 9:38

Mun di cut igkep nye di mben Israel hagom bindei ba, niba neheng bi preu ei tug hon srat bokti dini leu api nyende nibou nya kin Lewi nya kin imam nya yahagom itak buk ser srat dima ninggrupti.

NEHEI LEUSI 24:3

Lene Musa ug tri tut tuhan nicukti kin nikos tutti nya hagom bak nide limwa nya apino yahagom ibuhup nihyet nok gi gom bipai “Minibit leu nok tuhan nicuk nyeti hagom hak ug.”

NIBA NINGON SRIP HUKTI 8:2

Gino nibou ndig cuk na lene ma abit nihyet lewo Allah preu ei mem noni tug hon neheng tu.

YEREMIA 34:15

Njap poi pini jug ne jinggek tut jibon mun ngan-nganti ba, jibon kep mun di bipwoi dingon tug hon gi jice tut yam bipia mijikwek je di mben gom leu nuubon yok nok awakti. Jipreu ei nok gima bit Da ei Ditde Ig tu.

YEREMIA 34:8

Nibou Ndig Zedekia kin timiei minu ndig Yerusalem nya ipreu ei mem gima ikwek,

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEREMIA 50:5

Yoni ihig ser puig di ug ei Sion leu api imbut hallu ndam minu ndig dima. Mpe dima lene ibon gi preu di jo ninghig-niker bit Da bikrau kep gi preu dima bijo ninno bijo kikau.

NINDAT KEP TUHAN NICUKTI NYA 10:12

“Je di mben Israel e, nogindini ma jingig jitingou mem mun di tuhan di nok jide Allah joi sut leu je. Ma jiba jibou coi mem Noni ba, jibit nicuk jeti nya ba, jingon ngakei Noni ba, jiba jingon titut biyai kep Nide midyai nya cem.

NINDAT KEP TUHAN NICUKTI NYA 11:13

Gima rino ma jibit nicukti nya di ditri tut bijeni njap di ammani. Ma jingon ngakei jide tuhan Allah lene ma jiba jingon titut kin jinnei titut bikuk je bak Noni.

NINDAT KEP TUHAN NICUKTI NYA 13:4

Ma jitti kin tuhan di nok jide Allah bijiba jibou coi mem Noni ba, jibit nihyet cem jiyok ngon kep nicuk jeti nya cem jikuk je bak Noni cem jingon gom tut Noni cem.

NINDAT KEP TUHAN NICUKTI NYA 29:1

Gini ne nicuk yokti nya di Musa tri tut bak mben Israel ei minu Moab leu binhyepo igyai hagom bit leu tuhan nipreu ei mem yoti ri. Gi preu dini bikum ei gi preu di tuhan bon bit yok ei Nungug Sinai.

NINDAT KEP TUHAN NICUKTI NYA 4:45

Noni tri tut Allah ningon kanti dini tirigi yehei leu minu Mesir ba, ingat rin ei mbang briep di jo Minyei Yordan nite bei mpia nipriti di birok kik minu ndig Bet-Peor. Nipou ne Nibou Ndig Sihon di ninyeng tak kep mben Amori nyeng tut mpia dini bibon minu ndig Hesybon nok nibousi bibong ei sirima. Musa kin mben Israel ibindei timek noni mpe di po yehei leu minu Mesir pima.

NINDAT KEP TUHAN NICUKTI NYA 6:1

“tuhan di nok jide Allah cuk da bipia suar dingginau je tut Nide nicukti nya. Lene hagom ndia ri. Ma jibit nihyet hagom tirigi jibong kei jigwam kei ei minu di jitin ei mem jiya bidem eisi.

NINDAT KEP TUHAN NICUKTI NYA 6:5

Ma jiba jingonti titut kin jinnei titut kin jide nisindemti titut bingon ngakei tuhan di nok jide Allah.

NINDAT KEP TUHAN NICUKTI NYA 8:19

Ma jingon prion ser tuhan di nok jide Allah ba, jikuk je bak nung nya bijibon jenti nok awak mem nung nya cem au. Disok kep je njap di ammani bipia gino jiyai nok gima lene tuhan mikes hukum ei je dip bijimai bijingwig.

IBRANI 12:24

Jikwei ya hon Yesus di nyohou dimig gi preu nijep. Ninggrom di silipti biei salib preu ei mem nye tut mun di kei bibor dor njiriek mun di Habel ninggrom ndo tut.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.