NIBOU NDIG NYA GI NICAN 23:11 - ALLAH NIHYET MEM TUNGWATU NYA

¹¹ Noni bindei ba, ijji kuda nya di nibou ndig mem timiei Yehuda nya tin ei mem gima ibikuk yok bak mpia njap pima hagom bingwig leu api ndig kroba pran di ibikuk yok bak kwar dima cem. (Kroba pran dima jo keyam ei mpia di jo bas hak ei tuhan De Ig dideu dimbou pmem kin Natan Melekh di ya kui nibou ndig de nghim.)

NIBOU NDIG NYA GI NICAN 23:11 ပူးပေါင်းရင်းမြစ်များ

YEHEZKIEL 8:16

Lene Noni buwak da ug ei mpia di jo bas hak gom di jo ei tuhan De Ig ninsi bidingat lo, ibou nyatungwagom muhwi ingat rin ei nimbar hum dok kin bisai di ibicoi kwei ei Ig dima nikieti. Iba inghim bak ninsi di kwes lene iba ibiau bicom mpia bikuk yok biba ingwak bikik mpia ndam bei mpia nipriti ba, ikuk yok bak mpia njap di pri kwei.

NIBOHON MBEN ISRAEL GI NICAN 34:4

Yosia de limwa nya inggek kwar dima yok ba, idram hagom bindung-diem leu api ikam nindung ba, ibigimahap ug ei yo di indig mindhe-ndhe ei nimbar hum dokti bak kwar nya dima ijui dip nya. Ibinggek Baal de nimbar hum dok nya kin nimbar di indig biei nggrai di ui-gwang kei ei niti nya ei mpia dima cem.

NIBOHON MBEN ISRAEL GI NICAN 14:5

Noni nggek mpia di ikuk yo bak kwar eisi kin mpia di indig kep biei nggrai di ui-gwang kei eisi nya hagom ei minu ndig nya ei minu Yehuda cem. Apino mpia mbum-bra ei ninda behei mem nijam di ninyeng tak kep dima.

NIBOU NDIG NYA GI NICAN 23:5

Lene noni nduk imam di nibou ndig timiei Yehuda nya ita yok mem gima ibon midut ei nimbar hum dok di kwar pima ideti bidem minu Yehuda kin minu di gahai minu ndig Yerusalem cem kwei bicut inyeng imam leu yok. Imam dini yok ibon midut bak Baal kin mpia njap kin bed mmun kin singmur kin hambong kin ham nindigsi nya hagom tu.

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

NIBOHON MBEN ISRAEL GI NIGOM 26:18

Lene ibou bitai itug ndei midyai niya ser puig di bie ug ei mpia di jo bas hak di iba ngug tig bikrop ttai bei mpia nicutti ba, ibou can bu itug ndei midyai niya ser mpia di jo bas hak di iba ngug tig bikrop ttai nijoti.

AYUB 31:26

Dikuk da bak mpia njap di kwes kei kin bed mmun di tungwatu nya igyai ngat kei bi sren.

YEHEZKIEL 40:17

Leu api no dima buwak da binicoi kak dimbou pmem ba, nehei ug ei mpia di jo bas hak di iba ngug tig bikrop ttai di jo nisai ma kwei. Itap ninsi ningot ningai sir dring tig ninghim ba, ibigahai Tuhan De Ig dima. Ig jou di iba tig ma bibon no jo ttai mpia di jo bas hak dima buum yam. Mpia di jo bas hak dima jo nimo jug leu mpia di jo bas hak di jo ninsi a.