NIBOU NDIG NYA GI NICAN 23:10 - ALLAH NIHYET MEM TUNGWATU NYA

¹⁰ Noni bindei ba, map kui Tofet ei Mbang Briep Hinom di nok mpia di mem ibon midut bak kwar Molokh eisi ser nhyepo hi ndig nimunggwom kep hum eisi bak kwar dima bu bi.

NIBOU NDIG NYA GI NICAN 23:10 ပူးပေါင်းရင်းမြစ်များ

YESAYA 30:33

tuhan tin ei mpia di mem nindig hum eisi mem nibou ndig Asyur ningut habiei nipou yo tu. Mpia dima jut cem nyan cem ba, mpung tut biei nindig di kui sur mpia eisi tu. tuhan miba ninnei di miep dem kep aspal ngei di biam bipindei biei dima binjeng.

YEREMIA 19:6

Gima rino ei nidipti bu ne tungwatu nya mijem mpia dini ninyeng Tofet kin Mbang Briep Hinom bu bi noro mijem ninyeng Mbang Briep Nibui Mikwau.

IMAM NYA IDE MIDYAI 18:21

Harin dima akes amunggwom bat hi ei mem gima ibui ba, ibikuk yok bak kwar Molokh a. Lewo nibon munti dima binim kep tuhan di nok jide Allah ninyenga.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YOSUA 15:8

Lene minu niya kwas yamti dima mbut kak Mbang Briep Hinom ba, sir mbigdip gom nibiho di birok kik mben Yebus ide minu ndig di Yerusalem. Lene jo leu sirima ndam mbigdip dima ninggram him ei Mbang Briep Hinom nite bei mpia nicutti hammi Mbang Briep Refaim nohon keti bei mpia nijjai.

NINDAT KEP TUHAN NICUKTI NYA 18:10

Ma tungwa hi kwas nimunggwom bat nya nok mun di ibui bindig kep hum ei nimbar hum dokti au. Ma hi bon midut nikrau kep nihyet di dut ba, hi ninda dut ba, hi ba seig ngei bipijuk tungwatu nya ba,

MATIUS 5:22

Noro tini bu ne Da dipai bije bipia no di ningon sibui sut hiter miya ei nikei noho bei. No di pai hiter kinei miya ei Nikei Puig Yahudi nya yoho bei. No di pai bak hiter ‘Arom ndok!’ dima ningwes ngun leu hum njengti bi.

YEHEZKIEL 20:31

Jibindei ba, map kui jeti tug hon midut nikwas mun tut Da kin midut nindig jimunggwom bat nya ei nimbar hum dokti bak kwar di jikuk je bak cem kikau kwei bipek njap di ammani kep. Leu api jibrim jingkek kep da bijihig ser Da tut dingon kanti mem jeni e? Dipai tug hon Da di Allah di niyaijo kin tuhan Di Ninyeng Jei Bibor dinyeng bipia midice tut gima jahara da bidindo puig bije bi.

YEHEZKIEL 20:26

Disindui sut ba, ibindei bimap kui yokti tug hon ide midut di indig ei nimbar hum dokti nya. Ba, ibui ide munggwom pinai mighumbou nya bindig yok ei nimbar hum dokti bak ide kwar di ikuk yok bak nya. Dikes hukum ei yok dip tug hon nisinati dima leu binhyepo ikan tut bipia Ide tuhan riDani.

YEHEZKIEL 16:21

Suar ma ayai dimunggwom bat nya cem ba, abui yok ba, andig yok ei nimbar hum dokti mem abikuk na bak kwar pima yok e?

YEREMIA 19:2

dibie tut yok kak Dimbou Pmem Den Sra ug ei Mbang Briep Hinom. Noni pai bida bipia ditri tut nihyet di Noni pai bida.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

NIBOHON MBEN ISRAEL GI NICAN 28:3

bindig biei nggrai di ui-gwang kei ei Mbang Briep Hinom cem. Noni bui nonti nipmot bindig ei nimbar hum dokti ba, bikuk no bak kwar nya. Bon nok gima ba, bibit leu yo po tuhan jji yok leu minu Kanaan pima ibon kepti di kinei bibor nya. tuhan jji yok mpe di po mben Israel icoi bikieng kep minu Kanaan.

NIBOU NDIG NYA GI NICAN 21:6

Lene bibui nipmot hi bindig ei nimbar hum dok dimati ba, bikuk no bak kwar nya cem. Noni brim ningkek mem nung nya igyai kepti nya kin nipui mun nimbot kepti tug hon ham mpia-bbed him nya kin nikan tut nisindemti nya di jo nding leu tungwatu nya igyai him kin ninggok tut ninnei nitrowai nya leu binhyepo indo bindo binoni cem. Manasye bon sisar nindig bibor tut tuhan apino tuhan gga bibor drek dip nide sisar di nindig bibor di noni bon dima.

NIBOU NDIG NYA GI NICAN 17:17

Iba imunggwom bat nya di idat bindig kep hum ei nimbar hum dokti bikuk yok bak kwar nya cem. Ita ibou ei niyai nisindemti di bindei ba, ikan tut mimun nya tug hon gi yuug ngat yo di nung kui yok di imbrap bit ninnei di kinei nya leu binhyepo ninnei dima yok indo ingon kanti biyok. Ibrim ingkek mem mun nyeng mang bibor di bindei ba, tuhan ningon kei sut yok bi.

NIBOU NDIG NYA GI NICAN 16:3

Noni yai bram nibou ndig mben Israel di nipou nya igyai munti nya ba, bon mun di tunggwei tug hon nidat nipmot bindig ningut ei nimbar hum dokti bak kwar nya noyam kin yo po tuhan jji yok leu minu Kanaan ei mpe di po mben Israel icoi ug ei minu dima nimbie him pima ide nibon kepti.

NIBOU NDIG NYA GI NIGOM 11:7

Noni win mpia ttou nsi gom mem ide kwar Kamos di mben Moab ikuk yok bak ide kwar kin mpia ttou nsi ei mbigdip gom ei minu ndig Yerusalem nite bei mpia nipriti mem Molokh di mben Amon ide kwar cem. Kwar cin dima bindei ba, nide limwa nya ingon him muwei sut.

YOSUA 18:16

Leu api juk bipek kin nungug kiou di jo bikik Mbang Briep Hinom sur Mbang Briep Refaim nohon keti nite bei mpia nijjai ngig-ngat. Gima leu lene minu niya kwas yamti dima juk bei mpia nibiho bikak Mbang Briep Hinom bikriau mben Yebus ide minu ndig ei pimbien bou pima kikau bipek kin En-Rogel.

YESAYA 57:5

Jikuk je bak kwar nibindei nnum njita kioi nya lene jibisindui sut jenti ba, jicut tut yam ei biei pigig behei kin biei ndig di nimeng nggrou nibehei nya. Jiba jimunggwom bat nya bibon midut nindig yok ei nimbar hum dokti ei tig nggreti ei minyei mbangti nya.

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.