NIBOU NDIG NYA GI NICAN 22:1 - ALLAH NIHYET MEM TUNGWATU NYA

¹ Tirigi Yosia de njap ug ei ari bingwam muhwindaningai lene ita noni nok nibou ndig mem timiei Yehuda nya. Ninyeng tak kep yok ei minu ndig Yerusalem mem ari bingwam ningot ningai ba, gom. Nipmem ninyeng Yedida ba, Yedida nicig ninyeng Adaya leu Bozkat.

NIBOU NDIG NYA GI NICAN 22:1 ပူးပေါင်းရင်းမြစ်များ

NIBOU NDIG NYA GI NIGOM 13:2

Nabi dima pai kep nimbar hum dok dima bit leu tuhan nicuk noti bipai “Na di nimbar hum dok e! Na di nimbar hum dok e! tuhan tri tut bipia Yosia mintun Daud de ig bei nsi nya him. Noni miyai nimai bak imam ngot di ibon midut ei mpia di ikuk yo bak kwar eisi nya kin imam di ibon midut nindig mindhe titut kep humti ei na di nimbar hum dok dip nya cem. Noni mindig tungwatu nya injum cem ei dip.”

NIBOU NDIG NYA GI NICAN 11:21

Yoas kui bigwam nok nibou ndig mem timiei Yehuda nya ei mpe dino nide njap ug ei ari bingwam muhwindacan.

NIBOU NDIG NYA GI NICAN 21:1

Mpe di Manasye kui bigwam nok nibou ndig mem timiei Yehuda nya lene nide njap ug ei ari bingwam simnaibrimigcan tu. Noni bong ei minu ndig Yerusalem leu api ninyeng tak kep timiei Yehuda nya kikau mem nijam ari bingwam ningot muhwi ba, muhwi. Nipmem ninyeng Hefzibah.

NIBOU NDIG NYA GI NICAN 21:24

Noro timiei Yehuda nya ikes hukum nimai ei yo di igyai nimai bak Nibou Ndig Amon dima dip. Leu api ita nipmot Yosia nok nibou ndig bu.

NIBOU NDIG NYA GI NICAN 21:26

Lene itig Amon ei Uza de miai mitou nghousi leu api nipmot Yosia kui bigwam nok nibou ndig mem mben Israel biya luei nohoti.

MAZMUR 8:2

tuhan e, he nyende Allah e, Ade nisindemti jo brei bou tungwatu nya yahagom igyai him! Ade nikei-kau-keisi kui sur mpia-bbed him tug hon,

NIBA NINGON SRIP HUKTI 10:16

Ayo! Buhun mem minu di bon nide nibou ndig di pinjoi pilei he di nide nibou di igya kui noni ibon pesta bijo kikau ug bipek njap kep.

YESAYA 3:4

Leu api Noni misindui sut ba, pinai pilei di imahan bigyo nya inok nibou di ibie tut limwa nya.

YEREMIA 1:2

tuhan mbrap bit Yeremia mem nijam di Yosia di Amon nipmot nok nibou ndig mem minu Yehuda ba, ninyeng tak kep limwa nya ei ari bingwam simnaibrimigningai su.

YEHEZKIEL 18:14

Mpaba no dini yai nipmot ba, nipmot ngat nicig nide sisar hagom brei bou niyai him noro yai bram niyai kepti dima bi.

ZEFANYA 1:1

Zefanya ne Kusyi nipmot ri. Nide pung di ntun him gi ikwop sindam leu bijehei bikui ne inyeng rino Gedalya kin Amazia kin Nibou Ndig Hizkia. tuhan sok nihyet ei Zefanya dip ei mpe di Nibou Ndig Yosia di Amon nipmot ninyeng tak kep minu Yehuda.

MATIUS 1:10

Hizkia yai nipmot Manasye lene Manasye yai nipmot Amon lene Amon yai nipmot Yosia.