NIBOU NDIG NYA GI NICAN 21:16 - ALLAH NIHYET MEM TUNGWATU NYA

¹⁶ Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

NIBOU NDIG NYA GI NICAN 21:16 ပူးပေါင်းရင်းမြစ်များ

NIBOU NDIG NYA GI NICAN 21:11

“Nibou Ndig Manasye niyai munti nya kinei bibor. Niyai munti nya kinei bibor dor njiriek mben Kanaan ibon munti nya bu. Noni bindei ba, timiei Yehuda nya icut ei sisarti tug hon kwar di ikuk yok bak nya.

NIBOU NDIG NYA GI NICAN 21:15

Midikes hukum dima yok ei Ditde limwa nya dip drek dip sisar di ibon tut Da cem. Ibibon Ditde nigga biborti habiei tirigi idigup bat-idigai bat nya yehei leu minu Mesir kikau kwei bipek ammani kep cem.”

NIBOU NDIG NYA GI NICAN 21:2

Manasye bon sisar tut tuhan. Lewo noni yai bram mben di tuhan jji yok leu minu Kanaan ei mpe di po mben Israel icoi ei minu dima igyai kepti di kinei bibor nya.

NIBOU NDIG NYA GI NICAN 21:7

Manasye ttei kwar sop Asyera ningwes bitas pijum ei tuhan De Ig. Noro tuhan pai sut Nide Ig dima bak Daud kin nipmot Salomo nipou su “Ditde ig kin minu ndig Yerusalem di didimig leu keret Israel simnai brimigcan ide hanjop nya dini ne mpia di dindo ei nok gumihyep nibon midut eisi bak Dani ri.

NIBOU NDIG NYA GI NICAN 3:3

Mbro nok gima lo, noni yai bram Nibou Ndig Yerobeam di Nebat nipmot po ninyeng tak kep mben Israel nipou tirigi noni bigyo pima niyai kepti nya lene bindei ba, mben Israel cem ibon kep sisar ba, igikes hon bi.

NIBOHON MBEN ISRAEL GI NICAN 33:9

Mbro nok gima lo, Manasye bindei ba, timiei Yehuda nya ibon kep sisar di kinei bibor nya dor tunggwei mben po tuhan jji yok leu minu Kanaan ei mpe di po Nide limwa nya icoi ug ei minu dini pima ide sisar di ibon kep nya bu.

NEHEI LEUSI 32:21

Lene noni hig ser Harun “Yo dini inggon ndei nani bitig dino asindui sut yok ba, ibon sisar nindig dini yok i?”

NIPINGOK NINGONTI 6:16

Mun nyeng muhwindacan dini bindei ba, tuhan ningon sibui gima rino Noni miba niyai ngat gima kan bi.

NIPINGOK NINGONTI 6:17

Ningon jei kin nuhui di buwei sut nihyet di igbit bi kin ninda di kimukep yo di ingon ngun nya,

YEREMIA 15:4

Midibindei ba, tungwatu dihyeisi dini hagom igyai ngkek ttin ser yok drek dip Manasye di Hizkia nipmot niyai munti nya ei minu ndig Yerusalem tirigi ninyeng tak kep timiei Yehuda binok nibou ndig mem yok.”

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 2:34

Yo di yuhui mbum kin yo di ingon ngun di jibui yok nya inggrom rus jide sinsun bibor tu. Noro yo dima ne ninggimang kep mun cig nya di ikat yok inggrom rino rus jide sinsun bibor bi. Mbro nok gima lo,

YEREMIA 32:31

Habiei leu nimbie him di iwin minu ndig dini ne timiei nya ibindei bidigga bibor. Dikos tut mem gima dibindei sar minu ndig dini,

YEREMIA 7:6

Ma jico kep ngkiai nya kin moibihi nya kin sop kibom nya yahagom bu au. Ma jiyai nimai bak no di ningon ngun ei jide minu dini au. Ma jikes hon ba, jikuk je bak nung nya bu au lewo jiyai munti dima mibindei ba, jisar bijingwig.

YEHEZKIEL 22:2

“Na di tungwatu di ayaijo kikau bi e, atin ei mem gima agwam nok nikei mem minu ndig di mpung tut nihwen mun cig dima tu e? Ma ando nide nibon munti di igyai kou ningat nya bak.”

YEHEZKIEL 22:4

Ade niyaijoti mingwig hon didiyam. Ba, angon mui drek dip gi ayai nimai bak timiei nya tu ba, map kui jeti tug hon kwar di jibon bou jinda him. Gima rino disindui sut na ba, anok mun di ngkiai nya kin ide minu nya yahagom ikig bipa ndip nyen cem.

YEHEZKIEL 23:45

Noro yo di ingon sren nya migwam nok nikei mem yok bimbus yahacem ingonti drek dip ide nicut tut pinaisi nya kin niyai nimai bak tungwatuti nya cem. Ningat ne yoni igyai mun tunggwei su.”

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.

MBEN ISRAEL IMBUT-MBUT NYEN 35:33

Gino jisindui sut noni nok gima lene jibindei ba, map kui dihyei di jibong niti. Nihwen nimbiam ninggrom bindei ba, map kui minuti. Ba, puig hiter mem gima jibon midut di bindei kwes dihyei dima ningat rin bi noro tug hon gi jikus no di hwen nimbiam dima ninnei leu he.

MATIUS 27:6

Imam nindig nya imbus mitiei dima keyam leu api isimbot kep biyam tut bipai “Mitiei dini ne mitiei rindin ri. Allah niggai serti pai ser nye bipia ma nicom mitiei rindin ei brua mem munkwas di jo ei Tuhan De Igti au.”

LUKAS 13:34

Ayo! Je di mben Yerusalem e, jikimukep nabi nya! Jiba tig bihwen yo di Allah cuk yok kwei ndam je! Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

IBRANI 11:37

Igyai nimai tug hon yo di iba tig bihwen yok kin yo di iba segigi bisra yok hacan kin yo di iba singau simeda bitot yok cem. Bihi ijuk domba kin kambir ninta bibong-bong wai ba, inok yo di indwau nya drek dip yo di isibut nya di igyai ninghuisi wei biyok bihwen bit yok cem.