NIBOU NDIG NYA GI NICAN 21:14 - ALLAH NIHYET MEM TUNGWATU NYA

¹⁴ Midikes Ditde limwa niken-ken di igwam yo nya ei ba, yoni minok mikwau mem ide siceu nya di igyem kep yok bisar ba, igya bidem ide minu nya hagom bipos ide ndigban nya hagom ningwig cem.

NIBOU NDIG NYA GI NICAN 21:14 ပူးပေါင်းရင်းမြစ်များ

YEREMIA 23:33

tuhan pai bida “Yeremia e, gino Ditde limwa hi e, he nabi hi e, he imam hi e, kwei hig ser na ‘Apai tuhan nihyet bida’ lene ma abuhup ‘Nanti rino abuhun tak tuhan. Gima rino Noni micom na hak ei.’

NIBOU NDIG NYA GI NICAN 19:4

Nibou ndig mben Asyur cuk nide nibou pran di sindem bibor kwei leu binhyepo nihyet wer mpiahi tut Allah di niyaijo. Handei kon ba, ade tuhan Allah miap kep nihyet dima bikes hukum ei no di pai nok gima dip. Gima rino ma angat nadi tindei ide limwa nya di itug ndei nimai bigyo.”

AMOS 5:2

Mben Israel nok sop gwam nitta pilei di cut tu bikiju hanyen bu bi sren! Tungwatu nya isindui sut noni ei nide dihyei ba, kiju leu nicut eisi bi. Hi brim ningkek mem gima kon noni bikiju hanyen bi.

NIBWOS-BWOS NYENTI 5:20

Nggon rima akes nye ei ninno nok i? Mpaba abbwe ser nye bihigom tu e?

NIBWOS-BWOS NYENTI 1:10

Siceu di ibindei timek no ipos nide ndigban ningwig tu o! Nok gima cem noni ngat gi siceu nya icoi ug ei tuhan De Ig bou niyai him o! Gima ne niyai munti gom di tuhan ggai ser ngkiai nya tut rin o!

NIBWOS-BWOS NYENTI 1:5

Siceu nya iba ide nisindemti boom kep noni tu o! tuhan bindei ba, noni tug ndei ninghuisi wei drek dip nide sisar di nindig bibor! Ikat timiei nya bisima ug ei ingkiaisi tu o!

YEREMIA 12:7

tuhan pai “Dikes Ditde Ig ei su. Dikou sut mben Israel di didimig yok tu. Dikes Ditde limwa di dingon ngakei yok nya ei ide siceu indati tu.

YESAYA 10:6

Dinduk mben Asyur mem gima ikwei hwen Ditde limwa nya di ingkwei hanyen leu ide niba ningon com Dati kin gi ibindei bidigga yok. Dinduk mben Asyur kwei mem gima ipos binggimang mun di Ditde limwa nya inyeng tut nya hagom bico kep yok nyen-nyen nok dihyei ndung di ico kep nyen kak puigsi.”

MAZMUR 37:28

Lewo tuhan ningon llei ndam niyai munti di sren kei nya. Noni mikes Nide limwa di ingon gom nya bihigom ei bi sren. Noni nyohou yok bijo ninno bijo kikau. Noro Noni mibindei timek yo di isibut ide nintun him yamti di bram yam bingwig.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOU NDIG NYA GI NICAN 24:2

tuhan pinak nimpung nikon minggwen nya leu minu Babel kin Siria kin Moab kin Amon hagom mem gima ikon pran bit Yoyakim ba, ibindei timek timiei Yehuda nya. Gima dem igbit mun di tuhan pai nipou su tug hon nide awak di nabi nya.

NINDAT KEP TUHAN NICUKTI NYA 31:17

Gino igyai hagom nok lene dingon misibui sut yok ba, midikes yok ei apino yoni micut bak ide siceu nya bingwig. Mun di buhun mang bibor micut igkep yok apino mijo nibreisi mem yok bipia itug ndei mun di buhun dima hagom drek dip gi Da di tuhan di dinok ide Allah dingat rin ei ikieti bu bi.

NINDAT KEP TUHAN NICUKTI NYA 28:48

Gima rino suar jikuk je bak siceu di tuhan mipinak yok kwei mem gima ihwen bit je. Mijicut ei ninggumti kin ninggobiauti kin ninda ngwakti cem ba, juhui mbum nindig bibor. tuhan mico kep jeni sindem kikau ba, jibisar.

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

NIBOU NDIG NYA GI NICAN 21:13

Midikes hukum ei minu ndig Yerusalem dip noyam kin gi dikes ei Samaria kin Ahab di nok Nibou Ndig mem mben Israel bitut yo di intun noni him nya dip cem. Midicok tut minu ndig Yerusalem bipwoi-pwau noyam kin den di ipiap bipwoi bikiek bidis hek mpia.

NIBOU NDIG NYA GI NICAN 21:15

Midikes hukum dima yok ei Ditde limwa nya dip drek dip sisar di ibon tut Da cem. Ibibon Ditde nigga biborti habiei tirigi idigup bat-idigai bat nya yehei leu minu Mesir kikau kwei bipek ammani kep cem.”

NIBOU NDIG NYA GI NICAN 23:27

Noni tri tut “Midibibon timiei Yehuda nya bit leu nok gi dibibon mben Israel pima. Midijji yok bingwig leu diyai him lene midikou sut minu ndig Yerusalem po didimig ei mem Danti kin tuhan De Ig po dipai sut bipia suar tungwatu ikuk yok biDa eisi.”

YEREMIA 44:27

Midibindei ba, jitug ndei mun di buhun ba, jibong kei jigwam kei bi kikau bibou jahagom jimai ningwig ug e. Jimai ei pranti ba, jimai tug hon nsuwer ajar cem.

NIBOU NDIG NYA GI NICAN 17:18

Apino tuhan gga yok bibor di nyohou yok cem bu bi. Leu api com yok leu dihyei di Noni yai biyok. Gi jo ndia rino nibou ndig timiei Yehuda nya inyeng tak kepti he.

NIBOU NDIG NYA GI NICAN 17:19

Timiei Yehuda nya cem igibit ide tuhan Allah niggai serti nya bi. Noro igyai bram mben Israel igyai kepti nya.

NIBOU NDIG NYA GI NICAN 17:20

Apino tuhan rok Nide limwa di Israel yahagom bikes hukum di buhun ei yok dip tug hon gima kes yok ei ide siceu di iten-pos nya inda nsi. tuhan ningon cun di nyohou yok bu bi lo, com yok leu dihyei di yai biyok tu.

NIBOU NDIG NYA GI NICAN 17:23

apino tuhan ningon cun di nyohou yok bu bi ba, com yok leu dihyei di yai biyok. Ba, gima dem igbit tuhan nisok kep yokti tug hon Nide awak di nabi nya. Lene ide siceu nya ikat limwa Israel bicom yok ug ei ingkiaisi ei minu Asyur ba, ibong ei sirima kikau kwei bipek ammani kep.

MAZMUR 74:1

Asaf de doia nibingginausi. Allah e, nggon rino akes nye bihigom ei i? Nggon rino agga Nanti Ade limwa nya kikau i?

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.