NIBOU NDIG NYA GI NICAN 20:3 - ALLAH NIHYET MEM TUNGWATU NYA

³ “tuhan e, ma ayok ngon kep bipia diba dingon gom kin dingon sren biyai midyai nok awak mem Na kikau. Dibrim dingkek ba, dita dibou ei gima dibit angon kanti kikau.” Pai nok leu api ba ningon di ngguk bibor bipim nggruet.

NIBOU NDIG NYA GI NICAN 20:3 ပူးပေါင်းရင်းမြစ်များ

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 5:22

Henokh yai Metusalah lene nide njap ug ei ari bingwam sratus ningai bu ba, ningon kwes kin Allah kikau. Noni yai nimunggwom bat nya hi kin bu ba,

NITRITI 5:24

Henokh kin Allah ingon ce yam bi. Gima rino Allah teu noni tut niyaisi jo leu dihyeisi bipror bihigom hak.

NITRITI 8:1

Noro Allah yok ngon kep Nuh bitut mindhe-ndhe di ingat rin bit noni ei kibar nsi. Gima rino Noni bindei ba, hou kui minyei ngwa dip bibindei minyei sindi sri hanyen.

NIBOU NDIG NYA GI NIGOM 11:4

kikau bipek mpe di noni wer andig-ndau leu su lene nitnem bat nya ihwen ningon bibindei ba, Salomo kuk no bak mben ngkiai dima yok ide nung nya. Salomo nicig Daud ningon gom tut nide tuhan Allah kikau noro Salomo yai bram nicig Daud niyai kepti nya bi.

NIBOU NDIG NYA GI NIGOM 15:14

Mbro nok gino Asa cok tut mpia di ikuk yo bak kwar nya eisi hagom bi lo, noni ba ningon di gom bibit tuhan nihyet kikau buug bimai kep.

NIBOU NDIG NYA GI NIGOM 2:4

Gino abit tuhan nihyet lene Noni miyai hagom bit leu nok Noni preu ei mem da tut ditde nintun him yamti di bram yam nya. Gino iba ingon gom bibit tuhan nihyet lene inyeng mitak kep mben Israel bram yam kikau.

NIBOU NDIG NYA GI NIGOM 3:6

Lene Salomo buhup “tuhan e, angon ngakei Ade awak di dicig Daud ninno tu. Ningon kwes ba, ningon sren cem ba, ningon gom tut na di tuhan cem. Ando bindo tut Ade ningon ngakei noti kikau tirigi abindei ba, nipmot ya luei nohoti binok nibou ndig bu.

NIBOU NDIG NYA GI NIGOM 8:23

lene ngat nadi bipai “tuhan di nok mben Israel ide Allah e, hi nok Nani ningat rin ei gwamti kin dihyeisi dini bi! Tirigi ade limwa nya ingon gom tut Nani ba, iba ingon di gom bibit ahyet lene ayai mun bit leu nok apreu ei mem yokti hagom ba, angon ngakei yok cem.

NIBOU NDIG NYA GI NIGOM 8:61

Nnaba je di Nide limwa nya mijingon gom tut jide tuhan Allah ba, jibit Nide nikos tutti kin nicuk jeti nya hagom bit leu nok gi jiyai kep ei ammani tu.”

NIBOU NDIG NYA GI NIGOM 9:4

Gino aba angon di sren kin angon di gom bikuk na biDa bit leu nok acig Daud niyai kepti ba, abit Ditde niggai serti kin dicuk nati nya hagom lene,

NIBOU NDIG NYA GI NICAN 20:2

Lene Hizkia kiek noho birok dring lene ngat nadi bipai,

NIBOU NDIG NYA GI NICAN 20:4

Tirigi Yesaya kiju bikes Hizkia ei bimbut leu noni lene tirigi hei leu nibou ndig de ig him gi nahacanti bigyo lene tuhan cuk,

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

NEHEMIA 13:14

Lene dingat nadi “Ditde Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:22

Leu api dicuk Lewi nya leu binhyepo ibon midut nibindei kwes yonti leu api suar igya ser dimbou pmem nya leu binhyepo map kui Njap Nigwam Kep Ninghuisiti bi.” Lene dingat nadi “Allah e, ma ayok ngon kep mun nyeng hagom di dibon dima. Aba Ade ningon ngakeisi di nindig bibor bingondut da.”

NEHEMIA 13:31

Dinyohou dimig nikos tutti leu binhyepo limwa nya irop biei mui mem imam nya ibindig mindhe-ndhe ei humti bak tuhan bikwop njap ba, limwa nya ittei ide ningat gi nimbie him leu ide miaisi ba, ibikuk yok bak tuhan. Lene dingat nadi “Ditde Allah e, ma ayok ngon kep mun nyeng hagom di dibon dini ba, anjei mun di kei bak dani drek dip.”

NEHEMIA 5:19

Allah e, handei kon ba, ayok ngon kep mun di dibon mem limwa dini yok ba, anjei mun di kei bida drek dip.

AYUB 1:1

Ayub bong ei Us. Noni kuk no bak Allah biningon gom tut Noni. Ayub ningon sren bimbres no leu mun di kinei hagom.

AYUB 1:8

tuhan hig ser noni “Angig ayai kep Ditde awak di Ayub tu e? No dima ningon gom ba, ningon kwes dor njiriek tungwatu dihyeisi dini hagom. Noni kuk no biDa bimbres no leu mun di kinei hagom cem.”

AYUB 16:20

Disut bat nya iba ighyet bicig da bipa tut da cem. Diba nipim bisau ndam Allah ba, dahara Noni bimpu da.

AYUB 4:6

Akuk na bak Allah lene abon mun tunggwei sut Noni hi bi sren. Gi nok lene gi igbit rino aba angon com ba, ayok angon mem Noni.

MAZMUR 102:9

Siceu nya iba ighyet bicig da ei njap jei ba, yo di igga da iba dinyeng bisigion yam.

MAZMUR 119:26

Dipai jit ditde nibon munti nya leu api abuhup dihyet tu. Angginau da tut Ade nimbrap tutti nya.

MAZMUR 119:49

Ma ayok ngon kep Ade nipreu ei mem dati di bindei ba, diyok dingon mem Na.

MAZMUR 145:18

Noni kwei ya kui yo di yahara Noni kin yo di iba ingon gom bingat nadi biNoni cem.

MAZMUR 25:7

Akos ser ditde sisar kin ditunggweisi nya di dibon habiei leu dipilei kwei su nya. Ayok ngon kep da lewo Nani ne Na di angon ngakei Ade limwa nya rin ba, asingat bibor.

MAZMUR 26:1

Doia Daud. tuhan e, asimbot dat bipia dingon sren lewo diba dingon com Nani. Dihig dingon ei Nati poi mien cem bi.

MAZMUR 26:3

Diyok ngon kep angon ngakei dati bidingon gom tut Na kikau.

MAZMUR 32:2

Bikwop yo di ibon sisar lo, tuhan yok ngon kep ide sisar bu bi lene yo dima ingon nggei-hi-nggei lewo iba ingon can biris ei hiterti bu bi.

MAZMUR 39:13

tuhan e, amiap kep ditde nadi di dingat bak Nani. Angig atingou mem nadi di dahara bak Nani. Gino dipim lene ma agwam hak ba, ammou he au. Digwam bit Na mem nituti poi noyam kin didigup bat-didigai bat nya.

MAZMUR 6:6

Lewo yo di ibong ei minu nimai nya ide igyok ngon kep Nani bu bi. Hi dima nggei sut Nani ei yo di imai nya idihyei cem bi.

MAZMUR 6:7

Dinghuisi jet-jop leu su drek dip gi duun bijo ninno. Diyai nggwei kibor bikwop mmun ngwa ba, diyai nggwei hwen nghim di dibong niti bindot bibor.

MAZMUR 89:47

tuhan e, aku Na leu nye kikau e? Angon sibui sut nye dem kep nok hum di cig-cai ba, ug bipek apig bu i?

MAZMUR 89:50

tuhan e, gi preu po bindo tut angon ngakei dati nimbie him po aba angon gomti bipreu ei mem Daud pima jo tirigi tou i?

YESAYA 38:14

Sinnam ba, sihyet mbris bisidem kep hakimoi mbrei ba, siduhug-duhug nyen. Siyai nggrop mbris lewo sitou kep kui mpia-bbed him. tuhan e, akwek da leu mun di buhun dini.

YESAYA 63:11

Mpe dima lene igyok ngon kep nijam timiei Musa po tuhan de awak pima leu api ihig yam ser “tuhan po bie tut Nide limwa nya ide nibou nya di imbut ei muk nikieti pima no ritou i? tuhan po kes ninnei ei Musa dip pima no ritou i?

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

AMOS 5:4

tuhan pai bak mben Israel “Ma jingkwei hanyen ndam Da leu api mijiyai niyaijo.

LUKAS 1:6

Ba, yahacem iba ingon di sren biyai mun di bindei ba, Allah joi sut yok. Iba ingon di gom bibit Allah nihyet kin nicuk yokti nya hagom.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

KORINTUS GI NICAN 1:12

Ningon llei bibor lewo ningon mien ngkiem tut bipia niyai munti nya ei dihyeisi dini cem ei jiyai him hagom tug hon ningon di gom kin ningon di pimbai kei di Allah yai binye. Niyai munti nya hagom tug hon Nide nisingat tut nyeti di sindem tut nye lene tug hon ningon di ki di ntun dihyeisi dini him bi.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.