NIBOU NDIG NYA GI NICAN 20:10 - ALLAH NIHYET MEM TUNGWATU NYA

¹⁰ Lene Hizkia buhup “Krop kei mem mpia yaisi ningwes dima mbut bei nibiho ug ei niciusi simnai lewo gima bit leu nok niyai kepti. Gima rino ma abindei ba, su jou hanyen kep ninghim dip ug ei niciusi simnai.”

NIBOU NDIG NYA GI NICAN 20:10 ပူးပေါင်းရင်းမြစ်များ

NIBOU NDIG NYA GI NICAN 2:10

Elia pai binoni “Ui! Gima nggruk bibor. Gino angat da bou ayai him tirigi tuhan kon da leu na lene aba nakep nisindemti dima ug. Ne gino angat da bou ayai him bi lene aba nakep mun nyeng hi bi.”

NIBOU NDIG NYA GI NICAN 20:11

Lene Yesaya ngat nadi bak tuhan lene tuhan bindei ba, mun di bindo tut mpia yaisi ningwes dima su jou hanyen kep ninghim dip ug ei niciusi simnai.

NIBOU NDIG NYA GI NICAN 20:9

Lene Yesaya buhup hanyen bak “tuhan miyai bindo biNa Di Anyeng Jei gi bindo tut bipia Noni yai mun bipek kep nipreu eisi mem na. Nogindini ma ando igbit gi tou rino ajoi sut i? Ajoi sut mun di bindo tut jam mpia yaisi di Ahas bibon pima ningwes mbut bei nibiho ug ei niciusi simnai e? He ma ningwes su jou hanyen kep ninghim dip ug ei niciusi simnai e?”

NIBOU NDIG NYA GI NICAN 3:18

Pai nok leu api noni binut nihyet bu “Noro mem tuhan ne niyai munti dima nggruk bi. Noni misindem tut je leu binhyepo jibindei timek tentara Moab nya cem.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YOHANES 14:12

Dipai nijit bije bipia no di ba ningon com Da miyai midyai noyam kin midyai di diyai nya. Ningat ne noni miyai midyai nindig bibor dor njiriek bu lewo duug gwam bit Dicigya.

YOSUA 10:12

Gima rino tuhan bindei ba, tentara Israel ihwen tentara Amori bingwig mem njap dima. Lewo Yosua kiju biya ei tentara Israel yahagom yoho bei lene ngat nadi bak tuhan bipai, “Mpia njap e, ma ahuk pijum anai Gibeon lene ma acut au. Bed mmun e, ma acom ndei Ayalon nyai lene ma acutti au e.”

YOSUA 10:13

Mpe dima lene mpia njap kin bed mmun hacem cut bi bibou tentara Israel ihwen ide siceu nya bingwig ug e. Yasar pas kep tut mun di pek kep mem yok ei nide sratti nok gini tu. Njap dima ne mpia com mem mpia huk pijum bicut bi kikau mem njap nitindur gom.