NIBOU NDIG NYA GI NICAN 2:23 - ALLAH NIHYET MEM TUNGWATU NYA

²³ Tirigi Elisa jo leu minu ndig Yerikho buug ei minu ndig Betel lene munggwom pinai nya nimpung gom yehei leu minu ndig gom ei puig sinon lene iba Elisa bikek. Yoni isrep huk noni “He na di abou le e, na di abou le e, ma aug leu mpia dini hak ug!”

NIBOU NDIG NYA GI NICAN 2:23 ပူးပေါင်းရင်းမြစ်များ

NITRITI 21:9

Mpe di gom lene Ismael di Abraham kin Hagar po mben Mesir pima ipmot kek bit Ishak di Sara nipmot.

NIBOU NDIG NYA GI NICAN 2:11

Yahacem imbrap bit yam kak puig dima. Lene kuda nya di ikri kroba pran gom tau kros ei ikieti lo, kuda kin kroba dima dem kep nok hum di ninjeng srei. Lene tuhan ba hou di sibui-sibui nyen bikon Elia ug ei gwamti.

NIBOU NDIG NYA GI NICAN 2:2

Yoni yuug ei puig sinon lene Elia kuk Elisa bipai binoni “Ma agwam nyahan ei mpia dini mem nituti poi lewo tuhan cuk da ba, duug ei minu ndig Betel ug ri.” Noro Elisa buhup “E bi! Deheng bitug hon dingon di gom tut tuhan di niyaijo cem bitug hon dingon di gom tut nani cem bidipai bipia midikes nani bihigom ei bi sren.” Gima rino yahacem ikak puig kikau ug ei minu ndig Betel.

NIBOU NDIG NYA GI NICAN 2:22

Hon kep njap dima kui lene minyei dima kwes-kwau bit leu nok Elisa nipaisi nya.

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

AYUB 19:18

Tirigi dikiju bidiya-ya nyen ne munggwom nya di ingat da iba da bikek.

AYUB 30:1

Noro tini bu ne yo di igyati nddong bigyo nya iba da bikek. Icig bat nya inok nikinei-kinau di idem mem gima inyohou ditde domba nya bimpu ditde nsien di igya ser domba dima yok bi.

MAZMUR 31:17

Dijoi sut gima ajoi sut da. Ateu da bidingwes ngun tug hon angon ngakei dati.

MAZMUR 31:18

tuhan e, ma asindui sut ba, nimmai kui dati au. Lewo dahara bak Nani. Handei kon ba, yo di isibut nya itug ndei nimmai biborti leu api acom yok ug ei minu nimai nya ide ba, ei sirima ne hi nihyet tibim bi.

MAZMUR 35:15

Noro mpe dino dingon buhun lene yoni ingon kei drek dip ba, ingwig kep da mem gima ihwen bit da. Iba intig di kibou-kibou yam bimbut nok yo di iba ighyet bicig da.

NIPINGOK NINGONTI 20:11

Munggwom nya indo ide ningon kwes keisi kin ningon srenti tug hon igyai kepti nya.

NIPINGOK NINGONTI 22:15

Munggwom nya ibon kep mun ningon mbum de ngan-ngan bijo. Noro iba biap tindak bingginau yok bibijji igyai kepti leu yok.

NIPINGOK NINGONTI 22:6

Ma jipingok jimunggwom bat nya ingonti tut igyai munti di singat kei nya leu api yoni migyok ngon kep nipingokti dima ei mpe di yuug krau indig-ndausi.

NIBA NINGON SRIP HUKTI 11:10

Ma acom ningon bos-bos nyenti kin ningon buhunti leu angon bei hak ug. Lewo nijam di apilei minjiriek na haninyai yo.

YESAYA 1:4

Je di jirom ndok ba, jimbuk e, mun di binggek micut igkep je drek dip jide sisar! Lewo jide sisar buhun tak je bibindei ba, jimig buhun. Jirok tuhan ei jitta ba, jiba jinghim bak No Di Kwes-Kwau di suar jikuk je bak cem.

YESAYA 3:5

Tungwatu nya yonti mico kep yam nyen. Pilei nya igimiap ndigpoi nya ighyet bi lene nikinei-kinau nya igikuk yok bak ndigpoi ndig nya ba, igibit ighyet bi.

YEREMIA 20:7

tuhan e, disindui sut ba, aba ninsi di mmau biris da tu. Asindem bibor dor njiriek da ba, aom kep da tu. Tungwatu nya yahagom iba da bikek ba, ipa ndip da kikau njap jei cem.

YEREMIA 20:8

Mpe dino ditri tut nihyet lene suar dahara “Nimbuk biborti o! Nibuhun biborti o!” Leu api tungwatu nya ingwes pri gau da ba, ingon mpo tut da lewo ditri tut ahyet.

YEREMIA 7:18

Munggwom nya irop biei ba, pinai nya ibindig hum. Leu api sop nya ibon tepun nok roti mem ide kwar di ikuk yok bak di ijem ninyeng bipia Nibou Ndig Sop Gwamti. Lene ibon midut nisiber ba anggur ningei bak nung nindigsi nya cem leu binhyepo ibindei ba, dingon buhun.

HOSEA 10:15

Timiei minu ndig Betel e, mun di buhun dima micut igkep je drek dip mun di kinei nindig bibor di jibon nya. Tirigi ikon pran bit yam mem mpia nipriti rino jide nibou ndig mitug ndei nimai.”

HOSEA 10:5

Timiei minu ndig Samaria nya ittin. Yoni kin imam di ide nya di igyai midyai mem kwar sapi di iba mas bibon ei Betel ingon ngguk bipim. Lewo ide kwar di ikuk yok bak ninyeng jeisi sar yon tu.

HOSEA 4:15

Mbro nok gino je di mben Israel jingon gom tut Da bi lo, diyok dingon mem gima mben Yehuda ibon sisar di noyam ba, ingon mui bi. Ma jikuk je biDa ei minu ndig Gilgal kin Betel au. Ma jeheng bitug hon Da di tuhan di niyaijo dinyeng ei minu ndig dima yok au.

IMAM NYA IDE MIDYAI 13:40

Gino no di pinai nibou llet leu nibou nggram him lene gima bindei ba, map kui noti bi.

AMOS 3:14

Njap dino dikes hukum ei mben Israel dip drek dip ide sisar ne midinggek nimbar hum dok nya ei minu ndig Betel. Midibindei ba, nimbar hum ndok ninggai di tug bidem nimbar hum dok nuhuisi nya hagom micut ug ei dihyeisi.

AMOS 4:4

tuhan Di Ninyeng Jei Bibor pai “Je di mben Israel e, nnaba jimbut ug ei gumihyep di jikuk je biDa eisi ei minu ndig Betel hak ug leu api ma jibon kep jide sisar ei sirima! Nnaba juug ei hanjop Gilgal bijibrim jingkek mem sisar ei mpia dima cem hak ug! Nnaba jijem mindhe-ndhe kwei mem jide midut nya bikwop njap tekti lene ma jipwoi mun di jikwas tut Da gom leu ningot gom lene nok mbigom mem njap nitindur ningai hak ug.

AMOS 5:5

Ma juug ei hanjop Bersyeba mem gima jikuk je biDani ei sirima au. Ma jinggok Da ei minu ndig Betel au. Lewo minu ndig dima misar bingwig. Ma juug ei hanjop Gilgal cem au. Lewo siceu nya mikat timiei minu dima ug ei ingkiaisi.”

AMOS 7:13

Ma atri tut ahyet ei minu ndig Betel bu au. Lewo nibou ndig bet minu ndig dini ei mem nonti ba, gini ne nibousi mem noni kin nide limwa nya dima ikuk yok eisi ri.”

GALATIA 4:29

Nipou ne nipmot di nipmem srek tut bit leu tungwatu nya ingut kanti hwen bit nipmot di nipmem srek tut bit leu Allah Ninnei ningon kanti. Nok gima kikau kwei bipek ammani kep.

IBRANI 11:36

Yo di isibut nya iba ighyet bicig yok cem imbas yok cem iba lante biteu yok ug ei ig bui nsi cem.