NIBOU NDIG NYA GI NICAN 2:19 - ALLAH NIHYET MEM TUNGWATU NYA

¹⁹ Mpe dima lene andigpoi timiei minu ndig Yerikho ibou poi ikwei ngat Elisa bipai binoni “Andigpoi e, akan tut bipia nyende minu dini kei bibor kei noro minyei bousi kinei bibindei ba, sop di inghop tu inggrom ndak ki.”

NIBOU NDIG NYA GI NICAN 2:19 ပူးပေါင်းရင်းမြစ်များ

NIBOU NDIG NYA GI NIGOM 16:34

Ei nijam di Ahab ninyeng tak kep mben Israel lene Hiel di timiei minu ndig Betel gom win minu ndig Yerikho hanyen bu. Hammi tirigi noni kinyon ei minu dima nikiou biwin rino Abiram di nipmot mighumbou tug ndei nimai. Leu api hammi tirigi noni kon dimbou pmem bitas ei ngug tig di bikrop ttai minu dima rino Segub di nipmot nipumiap tug ndei nimai bu bit leu nok mun po tuhan pai sut tug hon Yosua di nicig Nun nipou su pima.

NIBOU NDIG NYA GI NIGOM 18:13

Akan tut bipia tirigi Izebel kinyon ei niyai nimai bak tuhan de nabi nyati lene dijem ibou sratus gom kwei bidikwas yok ei nimpung can bidiku ibou ningot muhwi ei dihyei nyem gom lene diku ibou ningot muhwi bu ei dihyei nyem gom bu. Lene diba njita kin minyei binyohou yok bi e?

NIBOU NDIG NYA GI NIGOM 18:7

Tirigi Obaja mbut kak puig sinon rino noni kin Elia yuum yam kros. Obaja ngat igbit Elia apino ba ningwak bikik dihyei ei nimig him lene hig ser noni “Ningat ne nani Nabi Elia rin e?”

NIBOU NDIG NYA GI NICAN 2:18

Tirigi ikwei tau kep Elisa di gwam ei minu ndig Yerikho hanyen lene noni pai biyok “Gi po disrep tut jingon kanti pima ne igbit bi e?”

NIBOU NDIG NYA GI NICAN 2:20

Lene Elisa buhup “Ma jinden nsim poi mien ei mok di nijep-jauti kwei bida.” Lene igyai hagom bit leu nicuk yoti.

NEHEI LEUSI 15:23

Leu api yuug krau mpia ttou nsi gom di ninyeng Mara noro minyei di biam ei sirima mpo bibor ba, bit bon idut kan bi. Gima rino ijem mpia dima ninyeng “Mara” ba, iba ninyeng dima bindat pia “Mpo Bibor”.

NEHEI LEUSI 23:26

Bikwop jitnem bat di inghop nya misrek kinei ei jide minu dini bi sren. Jitnem bat nya mipijet bi sren. Midibindei ba, jide njap jei bibor.

NEHEI LEUSI 7:19

Lene tuhan pai bu bak Musa “Ma acuk Harun biyai nide tom lene su gau minyei nya kin minyei pmot nya kin igpong nya hagom ningwa dip apino minyei minok nggrom bidem minu Mesir nisurti-nipekti hagom. Minyei ei tong nsi nya kin dibijigsi nya hagom minok inggroma.”

HOSEA 9:14

Suar dahara Na tut mindei mem yo dima i? Ma abindei sop di ide nya bipijet! Ma abindei ba, bit bon igyai ido bak munggwom ngwoi di ide nya kan bi!

MBEN ISRAEL IMBUT-MBUT NYEN 12:11

lene hara bak Musa “Andigpoi e, ampu nye! Asindui sut nye ba, nitug ndei hukum drek dip sisar di niba ningon di mbum bibon dini au.

NINDAT KEP TUHAN NICUKTI NYA 28:11

tuhan miyai munggwom mang-mang bijeni. Mindhe-ndhe nihyen kep jide nya mimang lene jide miai mingat ningat di mpung bipias hagau ei minu di tuhan preu ei mem jidigup bat-jidigai bat nya bipia miyai bijeni.

TIMOTIUS GI NIGOM 5:17

Tut nibou di ibie tut ide mbusyamei mungkun kei lene ma jibirop imuhup hanyen biyok mbican bram yam. Gini bon ninyeng mem yo di ita ibou ei nitri nihyetti kin ningginau tungwatu nyati.

YOSUA 6:17

Ma jinggek minu ndig titut yam bingwig ba, jiyai nimai bak timiei nya yahagom nok mun di jibinggei sut tuhan. Noro ma jingget sop sundal Rahab kin nide bat nya au. Lewo noni nyohou ibou can po igyok itta kep minu ndig Yerikho pima biku yok nyahan.

YOSUA 6:26

Mpe dima lene Yosua sok kep tungwatu nya yahagom bipai “Tungwa tou rino kinyon ei gima win minu ndig Yerikho hanyen mitug ndei tuhan de nisigion noti. Tungwa tou rino tig cou nipmem lene nipmot mighumbou mimai drek dip. Tungwa tou rino kinding dimbou di itu ei ngug tig lene nipmot nipumiap mimai drek dip.”