NIBOU NDIG NYA GI NICAN 19:9 - ALLAH NIHYET MEM TUNGWATU NYA

⁹ Noro nibou ndig mem mben Asyur sindi miap nihyet gom tut Tirhaka di nok nibou ndig mem Sudan di bie tut tentara Mesir kwei ba, ikon pran bit noni. Tirigi noni miap tu lene pas srat nimeng gom bak Hizkia di nok nibou ndig mem timiei Yehuda nya,

NIBOU NDIG NYA GI NICAN 19:9 ပူးပေါင်းရင်းမြစ်များ

SAMUEL GI NIGOM 23:27

Noro Saul de limwa gom tau kwei sut nihyet gom kros bikwei ngat noni lene pai bak “Suar na di Andigpoi angkwei hanyen lewo mben Filistin ihwen ide minu tu!”

YESAYA 37:9

Nibou ndig Asyur miap nibimbiti tut Tirhaka nibou tentara Mesir di njei sut nide tentara nya leu minu Sudan kwei mem gima ikon pran bit tentara Asyur. Gima rino nibou ndig Asyur pinak srat nimeng gom bak Hizkia di nok nibou ndig mem minu Yehuda.

NIBOU NDIG NYA GI NICAN 18:17

Lene nibou ndig mem mben Asyur cuk nide tentara nya imang bibor ba, ijo leu Lakhis ba, ihwen timiei minu ndig Yerusalem nya. Nide nibou pran di inyeng jei ibou ningai ibie tut tentara dima yok. Ba, yo dini ne Tartan kin Rabsaris kin Rabsaki ri. Tirigi ikwei krau minu ndig Yerusalem lene idis yam ei mpia gom di ijem ninyeng bipia Mpia Yo Di Itot Sinsun Igkei di jo simiak minyei di yehek kwei leu minyei bousi gom di jo nai nindenti dima.

NIBOU NDIG NYA GI NICAN 19:8

Mpe dima lene nibou tentara Asyur pima miap tut bipia nibou ndig mem mben Asyur jo leu Lakhis bikon pran bit mben Libna. Gima rino noni ug ei sirima bipi bimbrap bit noni.

NIBOU NDIG NYA GI NICAN 19:10

bipai bak “Allah di jiba jingon com pai bije bipia mijicut bak dani ei nijam dini bi. Noro ma jingon jo kep nihyet dima au lewo Noni ris bije.

YESAYA 18:1

Mindhe ninyehei nibimbiti mitibim kwei leu minu gom ei minyei Sudan nya ite dima ug.

NIBOU NDIG NYA GI NIGOM 20:2

Leu api sok nihyet bak Ahab di nok nibou ndig mem mben Israel di bong ei minu ndig dima bipai,