NIBOU NDIG NYA GI NICAN 19:35 - ALLAH NIHYET MEM TUNGWATU NYA

³⁵ Himmun dima ne tuhan de malaikati gom kwei ya bidem tentara Asyur ide prak meng yati bihwen ibou sribu sratus ningot muhwindaningai sribu muhwi ba, imai. Njap dihyep bu lene nimbiam nya jo sinsiou bidem mpia dima hagom.

NIBOU NDIG NYA GI NICAN 19:35 ပူးပေါင်းရင်းမြစ်များ

SAMUEL GI NICAN 24:16

Tirigi tuhan de malaikati di bindei nsuwer ajar hwen yo dima kwei krau Arauna di timiei minu ndig Yebus de ig gudan di illet gandum ninjep leu nisina bai kikep eisi ei minu ndig Yerusalem lene tuhan ngat lo, malaikati dima tin ei mem gima bindei sar timiei minu ndig dima cem ri. Lene Noni luei ningonti tut nikos tutti ba, kes ninda tut gi ba nsuwer ajar bihwen yo dima bipai bak malaikati dima “Dem tu! Akes hon hak ug!”

NIBOU NDIG NYA GI NICAN 19:7

Lewo tuhan mibindei ba, hou ban bei mitibim ei nibou ndig dima nitingou nsi bibindei ba, noni mingkwei hanyen ug ei nitimieisi leu api mitug midut ei sirima.”

NIBOHON MBEN ISRAEL GI NIGOM 21:12

Ajoi sut gima tuhan ba ninggum di buhun bibor bihwen Israel kikau mem nijam ari bingwam ningai e, he ma siceu nya yuhuk na ba, anang-nang nyen kikau mem nijam bed ningai e, he ma tuhan ba nide malaikati di ba nide simeda di nok nsuwer ajar di buhun di ttei nimai bimbut tut ug ei tirima-tirima bihwen ade limwa nya ei minu dini hagom kikau ei ninsi njap ningai e? Suar adimig mun nyeng gom leu mun nyeng ningai dima ei nogindini leu binhyepo dipai sut abuhupti hanyen bak tuhan.”

NIBOHON MBEN ISRAEL GI NIGOM 21:16

Daud ngat malaikati dima di dwop-dwop nyen ei mpia-bbed him kin dihyeisi dini nikieti bikrau simeda ei nindati lene bitin ei mem gima bindei timek Yerusalem lene noni ya tut limwa nya ide nibou nya yahagom di ijuk sinsun kron noyam bibindo tut gi inso yonti tut itunggweisi pima. Lene yahagom ikuk yok biba ingwak bikik dihyei.

NIBOHON MBEN ISRAEL GI NICAN 20:24

Tirigi tentara timiei Yehuda nya injei ba, yuug krau mpia di timiei minu dima yohok ig jibei nut yam di jo anai ei iggum ndigsi lene ikui ei nidip hu kwei bicap ser siceu nya ibongti leu api ingat lo, siceu ikrop sinsiou ba, ingut tug kep mpia ei dihyei ninjek dip. Siceu ide tentara nya hi di ningwes ngun cem bi.

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

MAZMUR 90:10

Nyeni niyaijo nijeisi dem ari bingwam ningot muhwindacan he. Ne gino niyai nisindemti ne nijeisi dem ari bingwam ningot muhwindaningai. Noro ningon buhunti kin ningon nggukti cut igkep nye mem nijam di nibong ei dihyeisi dini apino nyeni niyaijo ngwig hon leu api nipror hak ug.

MAZMUR 91:6

kin nsuwer ajar di hwen tungwatu nya mem nidinditi kin yo di isibut nya di ihwen kikep tungwatu nya mem mpia nicomti bu bi.

NEHEI LEUSI 12:23

Tirigi tuhan ya bidem minu Mesir nisurti-nipekti biyai nimai bak mben Mesir lene Noni mingat domba dima ninggrom ei jide ighyei cin kin dimbou hui kin biei njiti di jo nai dimbou hui bou niyai him apino minjiriek jide ig dima yok. Noni misindui sut Malaikati Di Bindei Nimai coi ug ei jide ig dima biyai nimai bije bi.

NEHEI LEUSI 9:15

Gino dikes hukum ei yok dip tug hon ninggwen di buhun bibor lene ningat ne yahagom imai bingwig su.

NEHEI LEUSI 9:16

Noro disindui sut noni biniyaijo leu binhyepo dindo Ditde nisindemti binoni apino tungwatu nya mitri tut dinyeng di jei kikau ug bipek minu nohon keti.

YESAYA 10:33

tuhan Di Ninyeng Jei Bibor mibindei timek yoni bidem kep biei di ikui ba, iti ninda leu ninjem pimo. Gi hi di ingon jei bibor kin gi inyeng jei bibor ei ikieti miti yok binjei yok hak.

YESAYA 17:14

Ibindei ba, nittinti di nindig bibor cut igkep tungwatu nya mem mpia nicutti lo, dideu njap tekti lene ipror hak. Mun di buhun dima micut igkep bikwop yo di ipos ndigban leu nye yahagom.

YESAYA 37:36

Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.

DANIEL 5:30

Himmun dima cem nide siceu nya igyai nimai bak Belsyazar di nibou ndig minu Babel.

HOSEA 1:7

Noro dingondut mben Yehuda kikau. Da di tuhan dinok ide Allah. Tirigi ikon pran bit ide siceu nya lene miditeu yok bingwes ngun leu yok lo, tug hon simeda kin tibor kin kuda pran kin tentara di ibri kuda nya bi.”

KISAH 12:23

Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.