NIBOU NDIG NYA GI NICAN 19:31 - ALLAH NIHYET MEM TUNGWATU NYA

³¹ Timiei minu ndig Yerusalem kin timiei Nungug Sion nya mporo ingwes ngun ba, imai bi. tuhan kos tut mem gima mun dini yok mipek kep mem yok tu.

NIBOU NDIG NYA GI NICAN 19:31 ပူးပေါင်းရင်းမြစ်များ

NIBOU NDIG NYA GI NICAN 19:37

Jei bi lene noni coi ug ei ig kwar nibousi bikuk no bak nide kwar Nisrokh lene nipmot bat cin di Adramelekh kin Sarezer iba ide simeda bitot noni bimai leu api inang ug ei minu Ararat. Apino Esarhadon di nipmot hi kin bu ya luei nohoti nok nibou ndig.

NIBOU NDIG NYA GI NICAN 19:4

Nibou ndig mben Asyur cuk nide nibou pran di sindem bibor kwei leu binhyepo nihyet wer mpiahi tut Allah di niyaijo. Handei kon ba, ade tuhan Allah miap kep nihyet dima bikes hukum ei no di pai nok gima dip. Gima rino ma angat nadi tindei ide limwa nya di itug ndei nimai bigyo.”

YESAYA 10:12

Noro tuhan pai “Tirigi diyai midyai di dijoi sut dibon ei Nungug Sion kin minu ndig Yerusalem biput tu ne midikes hukum ei nibou ndig Asyur dip cem drek dip gi kon nonti biningon jei.”

YESAYA 10:20

Njap ngon bou midem leu api mben Israel niken-ken di ingwes ngun nya iba ingon com mben ngkiai di inyeng jei di mbigom mibindei sar yok ningwig bu bi. Noro iba ingon com tuhan di mben Israel ide Allah di kwes-kwau a.

YESAYA 10:22

Mbro nok gino nogindini mben Israel idem kep iggum ndung ei muk nipimat lo, ibou poi he rima ingkwei hanyen a. tuhan de hukum dideu kwei su ba, nibindei sar mben dimati ne suar dem igbit.

YESAYA 37:32

Yo di ingwes ngun nya mingat rin ei minu ndig Yerusalem cem ei Nungug Sion dip cem. Lewo tuhan Di Ninyeng Jei Bibor kos tut bak yok tu bipia mun dima mipek kep mem yok.

YESAYA 59:17

Noni miba ningon sren-srausi kin niteu yok bingwes ngunti bijuk No dem kep sinsun pran kin topi yeng ngkuong di ngkiem kei. Noni mibrim ningkek bipui nihyet tut gima ngkwei mun di hagom bijo nijoti nok gi nipou noro buhup niyai munti di igbit bi nya hanyen.

YESAYA 63:15

Na di tuhan di agwam anai ei Ade ig di kwes-kwau ba, kei-kau-kei cem ei gwamti e, ma ayok ayai kep nye. Angon ngakeisi kin mimbri di kui angkekti kin angon nemti kin angondutti no ritou i? Ma aba angha bak nye bu au.

YESAYA 9:7

tuhan simbot dat tut hukum di Noni mikes ei mben Israel dip tu.

YEREMIA 44:14

Timiei Yehuda niken-ken di igyaijo nya di yuug bong ei minu Mesir hi dima ningwes ngun ba, niyaijo cem bi. Mbro nok gino yahagom igyok ingon mem gima ingkwei hanyen ug ei itimieisi ei Yehuda lo, ingkwei hanyen bi sren. Ibou poi di ingkwei hanyen rino yo di inang bipri bibie.”

YEHEZKIEL 20:9

Lo, digiyai nok ditin eisi mem yok dima bi. Leu binhyepo mben Mesir di ibong ei minu di Ditde limwa nya ibong eisi dima ighyet kinei sut dinyeng bi. Lewo dipai bak Ditde limwa nya ei mben Mesir dima yahagom yoho bei bipia midibuwak yok biyehei leu minu Mesir.

YEHEZKIEL 5:13

Mporo atug ndei diggati kin dingon mpo tut nati kikau kep dingon bibou dingon cut ug e. Tirigi mun dima yok hagom cut igkep na leu su lene aba angon com bipia Da di tuhan dimbrap bit na ba, digga bibor drek dip ade ningon di gom tut Dati bi.

YOEL 2:18

Mpe dima lene tuhan ningon buhun tut Nide dihyei bingondut Nide limwa nya.

ZAKHARIA 1:14

lene malaikati dima cuk da biditri tut nihyet di tuhan Di Sindem Bibor pai dima. Noni pai bida “Da di tuhan dingondut minu ndig Yerusalem di kwes kei dima bibor ba, dingon ngguk bibor tut cem.

YOHANES 2:17

Gima rino yo di igya kui Noni ikan kep Allah nihyet di pai “Allah e, dingon ngakei Ade Ig ba, gima dem kep nok hum di cig-cai ei dingonti.”

ROMA 11:5

Tini bu ne nok gima cem. Yo di Allah dimig ei su nya nimangti ibou poi yo rinaha lewo Noni singat tut yok.

ROMA 9:27

Lene Nabi Yesaya simbot dat tut mben Israel bipai “Mbro nok gino mben Israel imangti dem kep iggum ei muk nipimat lo, ibou poi he migyai niteu leu sisarti kin niyaijo nijep.