NIBOU NDIG NYA GI NICAN 19:21 - ALLAH NIHYET MEM TUNGWATU NYA

²¹ Bisimbot dat “Na di Sanherib e, timiei minu ndig Yerusalem ipa ndip nani ba, iba na bikek.

NIBOU NDIG NYA GI NICAN 19:21 ပူးပေါင်းရင်းမြစ်များ

AYUB 16:4

Gino siluei yam hoti lene bon dani cem dimbrap nok ambrapti dima apino dimbrapti dima misu kep ambrapti leu api midikit-kit nyen dibou tut nani cem ba,

MAZMUR 109:25

Yo di ingat da ingwes om da ba, ibikit-kit nyen ibou tut da cem.

MAZMUR 137:8

Je di mben Babel e, mijimai bijiwer nimbiam! No di birop kin hukum hanyen bije dem igbit jide nikinei sut nyeti ne ningon nggei-hi-nggei.

MAZMUR 44:14

Ngkiai nya di ibong ttai nye iba nye bikek ba, ipa ndip nye cem drek dip abibon nyeti dima.

MAZMUR 9:14

tuhan e, angat i! Ditde siceu nya ihwen bit da! Angondut da ba, ateu da bidingwes ngun leu nimai,

YESAYA 1:8

Minu ndig Yerusalem nongkom he rino jo a. Noro jo nok minu di tentara igyon ttai di sindem bi noyam kin ig jibei di tungwatu nya yohok ei ba anggur nghousi kin ig jibei di yohok ei miai bimen nghousi cem.

YESAYA 23:10

Timiei minu Spanyol e, ma juug yai jide miai nya. Lewo mun di jibisigi jide kibar nijou nya jo bu bi.

YESAYA 23:12

tuhan pai “Minu ndig Sidon e! Ayai nillei bu bi. Siceu nya ico kep timiei ade nya tu. Mbro nok gino ipri ug ei Mios Siprus lo, mibong kei igwam kei ei sirima cem bi.” (

YESAYA 47:1

tuhan pai “Minu Babel e, ajuk kwei leu ade banggo mbrei ba, agwam ei dihyei ndung dip. Agisindem ba, anok no di ubbu ngat nok gi nipou yo bu bi.

YESAYA 47:5

tuhan pai bak minu Babel “Ma akimut ahui ba, agwam ei nidinditi. Anyeng rino ‘Sop Nibou Ndig mem minu ninyeng tak kepti nya’ bu bi!

YEREMIA 14:17

tuhan cuk da ba, ditri tut dingon di buhun bibor bak Nide limwa nya. Suar dipai biyok, “Nna ba diyai nggwei kibor ug hon nohonti bidikes hon kan bi lewo ditde limwa nya ibok-ba ba, inghuisi wei nindig bibor.

YEREMIA 18:13

tuhan pai “Ma ahig ser bikwop mben dihyeisi dini hagom bipia mun di nok gini pek kep nipou su e, he bigyo e? Mben Israel ibon mun di kinei bibor tu!

YEREMIA 31:4

Mpe dima lene dibindei ba, jinyeng jei nok gi nipou. Mijimpig jide mun di nggileng leu api jiba jingon di llei bibor bipri-pri nyen noyam kin gi nipou.

YEREMIA 46:11

Je di timiei minu Mesir e, ma juug ei Gilead mem gima jinggok obat a! Mbro nok gima lo, obat hi di mimpu jibokti nya bijikei hanyen bi.

NIBWOS-BWOS NYENTI 1:15

tuhan ngat ditde tentara di mimbri kui ingkek nya nok yo di ibon inyeng bi o! Noni njei tentara ngkiai kwei leu binhyepo bindei ba, ditde pinai pilei nya yahagom isar ningwig o! Noni co kep ditde timiei nya ninyen ba, inem-nnai bidem kep ba anggur ngat di tungwatu nya ikimut o!

NIBWOS-BWOS NYENTI 2:13

Ayo! Na di minu ndig Yerusalem di minu ndig Sion di dingon ngakei e, ade ninggekti kui sur mpia bidem kep muk ndigsi o! Dipai mindei mem gima dibigwam ser angon e? Lewo minu ndig hi giyai ninghuisi wei noyam kin gi na di minu ndig Yerusalem ayai bi sren o! Jit o! Bit bon hi dima miwin nani hanyen kan bi sren o!

NIBWOS-BWOS NYENTI 2:15

Yo di yahagom di injiriek kep na nya ighyet wer mpiahi tut na lewo atimek titut yam tu o! Ikit ibou nyen leu bipai “Gima ne minu ndig di kei bibor kei di tungwatu dihyeisi dini hagom inggap leu rin e?”

NIBWOS-BWOS NYENTI 4:21

Je di mben Edom kin mben Us e, tirigi bon nituti mem je lene ma jingon llei bibor hak ug o! Mun di buhun micut igkep jeni cem lewo jibou ngwak sibui sut mun di pu je ba, mun dima biyai ningat nguti bijenti rin o!

AMOS 5:2

Mben Israel nok sop gwam nitta pilei di cut tu bikiju hanyen bu bi sren! Tungwatu nya isindui sut noni ei nide dihyei ba, kiju leu nicut eisi bi. Hi brim ningkek mem gima kon noni bikiju hanyen bi.

MIKHA 4:8

He minu ndig Yerusalem e, anok gumihyep gom di Allah ya ser Nide limwa nya eisi dem kep nok gembala di ya ser nide domba nya. Na di minu ndig Yerusalem e, mporo anok minu ndig pmem mem jinyeng bitak kep jide limwa nya hanyen noyam kin gi nipou yo.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 27:39

Yo di injiriek mpia ttou nsi dima ighyet wer mpiahi tut Yesus ba, ikit-kit nyen ibou leu Noni.