NIBOU NDIG NYA GI NICAN 19:15 - ALLAH NIHYET MEM TUNGWATU NYA

¹⁵ Lene noni ngat nadi bipai “tuhan di nok Allah mem nye di mben Israel e, agwam ei Ade banggo mbrei dip nai njiriek kerub nya. Nangkom ne Allah rin ba, anyeng tak kep nibou ndig nya bidem dihyeisi dini hagom. Apai tes dihyeisi dini kin mpia-bbed him cem.

NIBOU NDIG NYA GI NICAN 19:15 ပူးပေါင်းရင်းမြစ်များ

NITRITI 1:1

Ei nimbie him ngat tirigi Allah kinyon ei nipai tes dihyeisi kin mpia-bbed him kin mun di joti nya hagomti,

NITRITI 2:4

Nok gima tut gi ipui sut mpia-bbed him kin dihyeisi dini kin mun di joti nya hagom tirigi Allah pai tes nya. Tirigi po tuhan Allah pai tes mpia-bbed him kin dihyeisi dini kin mun di joti nya hagom pima lene,

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”

NITRITI 33:20

Lene noni dingug tig nok nimbar hum dok ei sirima bipiga ei mem El ba, Noni ne mben Israel ide Allah ri.

NIBOU NDIG NYA GI NIGOM 18:39

Tirigi tungwatu pima yok yahagom ingat mindur dini bou igyai him lene ikuk yok ba, iba ingwak bikik dihyei lene ikon ighyet nok gom bipai “tuhan ne Allah nijit ri! tuhan Nongkom Allah nijit ri!”

NIBOU NDIG NYA GI NIGOM 8:23

lene ngat nadi bipai “tuhan di nok mben Israel ide Allah e, hi nok Nani ningat rin ei gwamti kin dihyeisi dini bi! Tirigi ade limwa nya ingon gom tut Nani ba, iba ingon di gom bibit ahyet lene ayai mun bit leu nok apreu ei mem yokti hagom ba, angon ngakei yok cem.

NIBOU NDIG NYA GI NICAN 19:19

tuhan di nok nyende Allah e, ma ateu nye biningwes ngun leu mben Asyur inda nsi leu binhyepo jo nibreisi mem mben dihyeisi dini hagom bipia Nangkom ne Allah nijit ri.”

NIBOU NDIG NYA GI NICAN 5:15

Lene noni kin yo di igya kui noni yahagom ingkwei hanyen ug ei Elisa de biyati bipai binoni “Nogindini jo nibreisi mem da bipia mben Israel ide Allah Nongkom nok Allah di nijit. Andigpoi e, gino ace tut lene midikwas mun di kei ninyeng gom tut na.”

NIBOHON MBEN ISRAEL GI NIGOM 13:6

Leu api Daud ya tut yok ba, yuug ei minu ndig Baala di ninyeng hi Kiryat-Yearim ei keret Yehuda ide hanjop nsi leu binhyepo ikon Brua Gi Preu kwei. Ijem Brua Gi Preu dima ninyeng hi tuhan di kui bigwam ei banggo mbrei di jo nai kerub nya dip.

NIBOHON MBEN ISRAEL GI NIGOM 4:10

Mpe di gom ne Yabes ngat nadi bak mben Israel ide Allah bipai “Allah e, handei kon ba, anjei mun di kei bak dani lene abindei ba, ditde dihyei hanjop nsi bres binindig bibor bu cem. Anyohou da ba, mun di buhun jo minu ting leu da leu binhyepo diyai dinghuisi wei drek dip bi.” Leu api Allah buhup bak bit leu naharati dima.

NIBOHON MBEN ISRAEL GI NICAN 14:11

Leu api Asa ngat nadi bak nide tuhan Allah bipai “tuhan e, Nangkom ngat he rino ampu kep tentara di isindem bi nya ba, ibindei timek tentara di isindem bibor. Nyende tuhan Allah e, ma ampu nye nogindini! Nyeni niba ningon com Nani ba, ninjei kwei tug hon anyeng mem gima nikon pran bit nimpung tentara di nindig bibor dini. tuhan e, Nani ne nyende Allah ri. Jo nibreisi bipia bit bon tungwatu nya ibindei timek Nani kan bi.”

NIBOHON MBEN ISRAEL GI NICAN 20:6

lene ba nihyet ndig bingat nadi bak tuhan bipai “Nidigup bat-nidigai bat nya ide tuhan Allah e, Nani ne Allah ei gwamti ba, anyeng tak kep mben di dihyeisi dini hagom. Anyeng jei bibor ba, asindem bibor cem. Ba, tungwa hi di sindem bibor mem gima bindei timek Nani kan bi.

NIBOHON MBEN ISRAEL GI NICAN 32:20

Leu api Nibou Ndig Hizkia kin Nabi Yesaya di Amos nipmot ikiju bingat nadi ba, yahara Allah leu binhyepo Noni mpu yok.

NEHEMIA 9:6

Lene mben Israel ingat nadi, “tuhan e, Nangkom anyeng jei bibor. Apai tes mpia-bbed him bitut ham di joti nya kin dihyeisi kin muk ngeisi bitut mun di joti nya hagom leu api abindei ba, igyai niyaijo ba, anyohou yok cem. Nisindemti nya ei mpia-bbed him hagom ikuk yok binggei sut Na.

MAZMUR 102:25

Leu api dahara Noni “Allah e, ma ayai dinnei leu da mem ditde njap nahacanti dini au.” Na di tuhan ayaijo ninno bijo kikau.

MAZMUR 102:26

Nipou yo lene apai tes dihyeisi dini ba, mpia-bbed him cem anda ceti di abiyai ri.

MAZMUR 146:6

Noni ne Allah di pai tes gwamti kin dihyeisi kin muk ndigsi kin mun di joti nya cem rin ba ningon gom bijo ninno bijo kikau.

MAZMUR 33:9

Noni hap niji bipai tes dihyeisi dini hagom. Tirigi Noni kes nicukti lene nipai testi hagom tau hak ei nibreisi.

MAZMUR 80:1

Doia Asaf mem no di bie tut doia nimpung bit leu nihyet nibikiek Mitou Bakung.

MAZMUR 80:2

Na di Gembala di anyohou mben Israel e, ma angig atingou mem nyeni nihyet. Na di abie tut Ade domba nya e, ma antu kep nye. Na di agwam nai kerub nya ei Ade banggo mbrei dip e,

MAZMUR 99:1

tuhan ne Nibou Ndig ri. Gima rino ngkiai nya yahagom igwam nidigitti. Noni gwam ei Nide banggo mbrei di jo anai kerub nya dip ba, dihyeisi dini ugwa-kwei.

NEHEI LEUSI 25:22

Midiya um na hammi Brua dima nibeng lene midimbot kep tut Ditde niggai serti nya mem mben Israel bina tirigi dingat rin ei nai Brua dima nibeng dip ei kerub nya ikieti.”

YESAYA 37:14

Lene Hizkia yai srat dima leu indati bikwop leu api pwoi buug sut ei tuhan De Ig ba, kieng nimeng bikes ei tuhan Noho bei.

YESAYA 41:17

Mpe dino Ditde limwa di indwau nya inggobiau sut minyei binggok ser lene Da di tuhan midibuhup ide nadi. Dinok mben Israel ide Allah. Dikes yok ei bihigom bi sren.

YESAYA 43:10

Ditde limwa jen e, jingat diyai munti nya bou jiyai him tu. Didimig je ei nok Ditde awak nya leu binhyepo jikan tut Da bijingon jo kep Da ba, jingon hukti tut Da lewo Dani ne Allah ri. Dangkom ngat he rino Allah. Leu nipou kwei bipek ammani kep ba, njap di ammani kui ug bipek ningwig honti ne Allah hiter nya hi bi.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

SAMUEL GI NIGOM 4:4

Gima rino ipinak tungwatu nya bingkwei hanyen ug ei Silo leu api yo dima ikon Brua Gi Preu di nok tuhan Di Sindem Bibor Nide banggo mbrei di dia-diau kei kwei. Lene Eli nipmot bat cin di Hofni kin Pinehas cem injei bit Brua dima kwei.