NIBOU NDIG NYA GI NICAN 18:32 - ALLAH NIHYET MEM TUNGWATU NYA

³² Lene nok gima kikau bibou dibuwak je ug ei ditimieisi di noyam kin jitimieisi dini. Ei sirima lene ba anggur yai ningat mem tungwatu nya ipot bidut ningei lene miai gandum yai ningat mem tungwatu nya ibikang roti. Biei zaitun ningat kin ningei kin ahwei lon ningei cem mpung kei ei minu dima. Gino jibit dihyet lene mijitug ndei nimai bi noro jiyaisi mijo. Ma jingig jitingou mem Hizkia nihyet bu au! Lewo noni ris bije tirigi noni pai tuhan miteu je bijingwes ngun.

NIBOU NDIG NYA GI NICAN 18:32 ပူးပေါင်းရင်းမြစ်များ

NITRITI 49:11

Noni ba nide keledai nehen pap mibikim ba anggur ninjem di kei-kau. Noni mitot nide sinsun ei ba anggur ngei di nggrom-nggrauti.

NIBOU NDIG NYA GI NICAN 17:23

apino tuhan ningon cun di nyohou yok bu bi ba, com yok leu dihyei di yai biyok. Ba, gima dem igbit tuhan nisok kep yokti tug hon Nide awak di nabi nya. Lene ide siceu nya ikat limwa Israel bicom yok ug ei ingkiaisi ei minu Asyur ba, ibong ei sirima kikau kwei bipek ammani kep.

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

NIBOU NDIG NYA GI NICAN 18:11

Nibou ndig mem mben Asyur kat mben Israel dima ba, isima ug ei minu Asyur. Noni kwas yok ei nimpung ningai ba, nimpung gom isima ei Halah lene nimpung gom isima ei Gozan dideu Minyei Habor lene nimpung gom isima ei timiei Madai ide minu ndig gom-gom.

NIBOU NDIG NYA GI NICAN 19:10

bipai bak “Allah di jiba jingon com pai bije bipia mijicut bak dani ei nijam dini bi. Noro ma jingon jo kep nihyet dima au lewo Noni ris bije.

NIBOU NDIG NYA GI NICAN 25:11

lene noni kat timiei nya kin tukan nya kin yo di itti kin nibou ndig mem mben Babel kin yo di ibong ser minu dima bikat yahagom ug ei minu Babel.

MAZMUR 3:3

Imang bibor di ipai bipia Allah kou sut gi mpu dani.

MAZMUR 42:4

Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”

NEHEI LEUSI 3:8

Gima rino dijuk kwei leu binhyepo diteu yok bingwes ngun leu mben Mesir inda nsi leu api midibuwak yok leu minu Mesir ndam minu jep di bon nibresti nindig bibor. Minu jep dima ne ninnumti di kei bibor kei rin lo, nogindini mben Kanaan kin mben Het kin mben Amori kin mben Feris kin mben Hewi kin mben Yebus yahagom ibong ser yo.

YESAYA 36:17

dibuwak je ug ei minu gom di noyam kin jide minu dini. Lewo ba anggur nghousi di ngat ningat mem tungwatu nya bipot bidut ningei kin miai gandum nghousi di ngat ningat mem tungwatu nya ba, ibikang roti cem no jo ei minu dima.

MBEN ISRAEL IMBUT-MBUT NYEN 14:8

Gino tuhan joi sut nye lene Noni mibuwak nye ug ei sirima bikes minu di mpung tut mun di isuar nya di nnum kei cem dima hagom ei nyeni indati.

NINDAT KEP TUHAN NICUKTI NYA 11:12

Jide tuhan Allah nyohou minu dima ba, ya ser kikau bikwop ari bingwam leu nimbie him kikau ug bipek ningwigsi kep.