NIBOU NDIG NYA GI NICAN 18:28 - ALLAH NIHYET MEM TUNGWATU NYA

²⁸ Lene nibou dima kiju biya leu api ba nihyet Ibrani bitri tut nihyet sindem bibor bipai “Ma jahagom jingig jitingou mem nibou ndig mem mben Asyur nihyet!

NIBOU NDIG NYA GI NICAN 18:28 ပူးပေါင်းရင်းမြစ်များ

NIBOU NDIG NYA GI NICAN 18:17

Lene nibou ndig mem mben Asyur cuk nide tentara nya imang bibor ba, ijo leu Lakhis ba, ihwen timiei minu ndig Yerusalem nya. Nide nibou pran di inyeng jei ibou ningai ibie tut tentara dima yok. Ba, yo dini ne Tartan kin Rabsaris kin Rabsaki ri. Tirigi ikwei krau minu ndig Yerusalem lene idis yam ei mpia gom di ijem ninyeng bipia Mpia Yo Di Itot Sinsun Igkei di jo simiak minyei di yehek kwei leu minyei bousi gom di jo nai nindenti dima.

NIBOU NDIG NYA GI NICAN 18:19

Lene nibou pran Asyur gom pai biyok “Ma jitri tut nibou ndig mem mben Asyur nihyet dini bak Hizkia ‘Nggon rino akan bipia asindem bibor i?

NIBOU NDIG NYA GI NICAN 18:27

Lene nibou buhup “Jikan bipia nibou ndig mben Asyur sok nihyet kwei bak jeni kin jide nibou ndig jengkom e? E bi! Ditri tut dihyet dini bak jide limwa nya di igwam ngug tig dip dima cem. Jei bi lene suar yo dima yahagom igyem yonti yooi kep inggum bidut yonti imbon kep inggobiausi cem.”

NIBOU NDIG NYA GI NICAN 18:29

‘Ma jiba jingon com jide nibou ndig Hizkia nihyet au. Lewo bit bon noni teu je bijingwes ngun kan bi.

NIBOHON MBEN ISRAEL GI NICAN 32:18

Lene tentara di Sanherib pinak yok kwei dima iba nihyet Ibrani bitri tut ighyet dima tignam bibor leu binhyepo ibindei ba, timiei minu ndig Yerusalem di idem yam di igwam ei ngug tig dip nya idigit tut ba, ingon dahat leu cem. Leu binhyepo krop kei mem gima tentara dima yok icoi ug ei minu ndig dima ba, ihwen yok leu lene igyai bigyati.

EZRA 7:12

“Srat nisindem dini leu da di Kaisar Artahsasta ba, dikes srat dini ei Imam Ezra nindati lewo ningon ki tut Nicukti nya di kwei leu Allah di ninyeng jei ei gwamti.

MAZMUR 47:2

Jahagom e, ma jiba jingon di llei bibor bittem jinda. Ma jiba nimbos-hi-mbos binggei sut Allah tug hon doia nya!

YEHEZKIEL 29:3

tuhan Di Ninyeng Jei Bibor cuk da biditri tut nisokti dini bak nibou ndig minu Mesir. “Na di unggor ndig bibor di abong ei minyei nggimau yon e, Dani ne ade nitok ri. Asuglai mun bipia ajem Minyei Pmem Nil bou na nok ade lewo nani rino apai tes a.

NINGAT-HI-NGAT NYA 19:6

Leu api dimiap nisu di nok tungwatu ningot ndig ighyet di kui yam noyam kin minyei ninyei di nisu bong nindig bibor kin kru di cut nibimbiti di nindig bibor cem di pai “Jikwei ba, inggei sut ide Allah Di Sindem Bibor lewo Noni ne Nibou Ndig ri!