NIBOU NDIG NYA GI NICAN 18:26 - ALLAH NIHYET MEM TUNGWATU NYA

²⁶ Lene Elyakim kin Sebna kin Yoah ipai bak nibou pima “Andigpoi e, ma aba nihyet Aram bimbrap bit nye lewo nimiap nihyet dima. Ma aba nihyet Ibrani au. Lewo nyende limwa di igwam ngug tig dip dima yahagom imiap ahyet.”

NIBOU NDIG NYA GI NICAN 18:26 ပူးပေါင်းရင်းမြစ်များ

NIBOU NDIG NYA GI NICAN 18:18

Lene isok ighyet mem Hizkia kwei ngat yok lo, Hizkia pinak nitom nya ibou ningai biyuug ngat yok. Yoni ne Elyakim di nibou ig bei Hilkia nipmot kin Sebna di sekertaris gi gom kin Yoah di Asaf nipmot di sekertaris gi can ri.

NIBOU NDIG NYA GI NICAN 18:25

Jikan bipia nikwei kon pran bit je bininggek tut jide minu dini hagom lo, tuhan hati tut nye bi e? tuhan Nonti cuk nye kwei leu binhyepo nikon pran bit je ba, nico kep jide minu dini hagom bingwig.”

NIBOU NDIG NYA GI NICAN 18:27

Lene nibou buhup “Jikan bipia nibou ndig mben Asyur sok nihyet kwei bak jeni kin jide nibou ndig jengkom e? E bi! Ditri tut dihyet dini bak jide limwa nya di igwam ngug tig dip dima cem. Jei bi lene suar yo dima yahagom igyem yonti yooi kep inggum bidut yonti imbon kep inggobiausi cem.”

NIBOU NDIG NYA GI NICAN 18:37

Elyakim kin Sebna kin Yoah irik ide sinsun lewo ingon buhun bibor leu api ingkwei hanyen bitri tut nibou mem mben Asyur nisrep huk yokti hagom bak Hizkia.

EZRA 4:7

Mpe di gom bu ei nijam di Kaisar Artahsasta ninyeng tak kep minu Persia ne Bislam kin Mitredat kin Tabeel yoni igya tut isut bat nya bipas srat bak nibou ndig dima bu. Iba nihyet Aram bipas srat dima. Gima rino mpe di ikwop srat dima bak nibou ndig lene suar hi luei nihyet di iba nihyet Aram bipas dima ei nihyet di nibou ndig ningon dor niti.

YESAYA 22:15

tuhan Di Ninyeng Jei Bibor di Sindem Bibor cem cuk da biduug ngat Sebna di nok nibou di ninyeng tak kep nimpung awak nya ei nibou ndig de ig leu binhyepo dipai sut tuhan nisok mem noti dini bak,

DANIEL 2:4

Yo dima iba nihyet Aram bibuhup “Nnaba na di Nibou Ndig ayaijo ninno! Na di Andigpoi e, apui sut ade mumpriem binye leu api minipai igbit bina tut ningat a.”