NIBOU NDIG NYA GI NICAN 18:11 - ALLAH NIHYET MEM TUNGWATU NYA

¹¹ Nibou ndig mem mben Asyur kat mben Israel dima ba, isima ug ei minu Asyur. Noni kwas yok ei nimpung ningai ba, nimpung gom isima ei Halah lene nimpung gom isima ei Gozan dideu Minyei Habor lene nimpung gom isima ei timiei Madai ide minu ndig gom-gom.

NIBOU NDIG NYA GI NICAN 18:11 ပူးပေါင်းရင်းမြစ်များ

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

NIBOU NDIG NYA GI NICAN 19:11

Jo nibreisi mem je bipia gino nibou ndig mem mben Asyur kon pran bit minu di tou minu di tou lene timiei minu dima yahagom icut bak noni hak ug. Ma jikan bipia mijingwes ngun au.

NIBOU NDIG NYA GI NICAN 21:8

Gino limwa Israel ice tut bibit Ditde nicuk yokti nya hagom ba, ibit Ditde niggai serti nya po Ditde awak Musa yai biyok pima cem lene midisindui sut ba, tungwatu nya mijji yok leu minu di diyai bak idigup bat-idigai bat nya bi.”

NIBOU NDIG NYA GI NICAN 23:27

Noni tri tut “Midibibon timiei Yehuda nya bit leu nok gi dibibon mben Israel pima. Midijji yok bingwig leu diyai him lene midikou sut minu ndig Yerusalem po didimig ei mem Danti kin tuhan De Ig po dipai sut bipia suar tungwatu ikuk yok biDa eisi.”

NIBOHON MBEN ISRAEL GI NIGOM 5:26

Gima rino Allah pingok ei Pul di nok nibou ndig mem Asyur ningonti dino njei siceu di hwen yoni ug a. Pul ninyeng hi rino Tiglat-Pileser. Noni kat keret Ruben kin Gad kin Manasye nite hi di ibong ei Minyei Yordan nite bei mpia nipriti bicom yok ug ei ingkiaisi bibong ei minu mien Halah kin Habor kin Hara kikau ug ei mpia ttou nsi gom di jo dideu Minyei Gozan nyai cem. Lene keret dima yok ibibong timiei ei sirima kikau kwei bipek ammani kep.

NEHEMIA 9:30

Aba angon di jo nyahan sok kep yok bikwop ari bingwam hagom sindam ba, Ade Ninnei pingok ei ingonti tug hon nabi nya ighyet cem noro Ade limwa nya itingou nam ser. Gima rino asindui sut yok ba, icut bak tentara ngkiai.

YESAYA 10:11

Dibindei sar minu Samaria kin nide kwar di ikuk yok bak nya tu. Midiyai nok gima tut minu ndig Yerusalem bitut kwar di ikuk yok bak cem hagom.”

YESAYA 10:5

tuhan pai “Buhun bibor mem minu Asyur! Minu Asyur nok kuk di dikrop kin yam kin biei nibibui ba, dibimbas yo di itug ndei Ditde nigga yoti.

YESAYA 36:2

Gima leu api pinak nide nibou tentara di ninyeng jei kwei leu minu ndig Lakhis ug ei minu ndig Yerusalem. Nibou tentara dima njei sut nide tentara di nindig bibor dima kwei mem gima ibidip huk Nibou Ndig Hizkia leu binhyepo kes nonti ei indati hak ug. Ikwei krau minu ndig dima tu lene idis yam ei Gumihyep Nitot Kep Sinsun Cig nya ide di jo simiak minyei di yehek kwei leu minyei bousi gom ei nai nindenti dima.

YESAYA 37:12

Mpe di po didigup bat-didigai bat nya ihwen minu ndig Gozan kin Haran kin Resef bitimek ba, ibiyai nimai bak mben Eden di ibong ei minu ndig Telasar ne yo dima ide kwar di ikuk yok bak nya hi di teu yo dima bingwes ngun bi.

YESAYA 7:8

lewo mben Siria ibon ide minu ndig nibousi ei Damsyik ba, Nibou Ndig Rezin ninyeng tak kep minu ndig Damsyik sri bibou mben Israel icut bak ide siceu nya di mihwen yok bitimek bingwig ei nijam ari bingwam ningot muhwindagom ba, muhwi ngwig ug e.

YESAYA 8:4

Lewo nipou tirigi noni hara ‘Arig e, amei e,’ kan bigyo lene nibou ndig Asyur mikwei kon pran bit mben Damsyik kin mben Samaria bipos ide ndigban kin mitiei hagom bingwig leu yok.”

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

AMOS 2:6

tuhan pai “Timiei minu Israel ibon sisar ninyen. Ide sisar bindei ba, dikes hukum ei yok dip. Lewo yo di inyeng nya itri no di ningon gom di bit bon kum ningwam di dahat kan bi nok awak kin no di nuhui mbum di bit bon kum ningwam di dahat di nimangti dem sandal can nibok kan bi cem.

AMOS 5:6

Ma jingkwei hanyen ndam tuhan leu binhyepo jiyai niyaijo. Gino jingkwei hanyen ndam Noni bi ne Noni mijuk kwei noyam kin hum di cig-cai biyem mben Israel bingwig. Bit bon timiei minu ndig Betel nya imu hum dima kan bi.

KISAH 7:43

Jibiang prak meng di jibikuk je bak jide kwar Molokh eisi kin ham Refan di nok jide kwar cem ba, jibibon kwar dima yok hagom bou jinda him mem jikuk je bak. Gima rino midicom je ug ei jingkiaisi njiriek minu Babel.’