NIBOU NDIG NYA GI NICAN 17:6 - ALLAH NIHYET MEM TUNGWATU NYA

⁶ tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

NIBOU NDIG NYA GI NICAN 17:6 ပူးပေါင်းရင်းမြစ်များ

NIBOHON MBEN ISRAEL GI NIGOM 5:26

Gima rino Allah pingok ei Pul di nok nibou ndig mem Asyur ningonti dino njei siceu di hwen yoni ug a. Pul ninyeng hi rino Tiglat-Pileser. Noni kat keret Ruben kin Gad kin Manasye nite hi di ibong ei Minyei Yordan nite bei mpia nipriti bicom yok ug ei ingkiaisi bibong ei minu mien Halah kin Habor kin Hara kikau ug ei mpia ttou nsi gom di jo dideu Minyei Gozan nyai cem. Lene keret dima yok ibibong timiei ei sirima kikau kwei bipek ammani kep.

NINDAT KEP TUHAN NICUKTI NYA 28:64

tuhan mibindei ntek gimahap je ug ei ngkiai nya ikieti ei dihyei nisurti-nipekti. Ei sirima lene mijikuk je bak nung nya di iba biei kin tig bibon. Kwar dima ne gi hi di jigikan tut bi rin ba, jidigup bat-jidigai bat nya cem igikan tut bi.

AMOS 5:27

tirigi dicom je ug ei minu ting ei minu ndig Damsyik nite dima kwei. Da di tuhan di dinyeng rino Allah Di Sindem Bibor disimbot dat tu.”

YESAYA 21:2

Dingat ningat-hi-ngat tut mun di cut igkep tungwatu nya di bibon ingon di ttin bibor kin naham nimbuk kep yamti kin nibindei sar yamti cem. Tentara Elam e, ma jikiju bijinjei siceu bijihwen! Tentara Madai e, ma jiyon ttai! Allah mibindei ba, ninghuisi wei hagom di minu Babel bindei mbut nya mikes hon.

YESAYA 13:17

tuhan pai “Mporo dipingok mben Madai ingonti leu api injei bihwen mben Babel. Dem tut gima hi ba mas kin perak bingot kep yok bi.

NINDAT KEP TUHAN NICUKTI NYA 28:36

tuhan micom jeni kin jide nibou ndig ug ei jingkiaisi di jeni kin jidigup bat-jidigai bat nya ikan tut bi. Ei sirima lene ngkiai nya mikuk je nok awak mem nung di ikuk yok bak di iba biei kin tig bibon.

NINDAT KEP TUHAN NICUKTI NYA 30:18

lene disok kep je bipia tuhan micok tut je bijingwig. Mijibong jei bibor ei dihyei hanjop nsi di sindi mijiyati ei Minyei Yordan nite dima ug bi.

IMAM NYA IDE MIDYAI 26:38

Mijimai bijingwig ei jingkiaisi di dicom je ug eisi nya lewo minu dima mipinde je bijisar hak ug.

HOSEA 1:9

tuhan pai bida “Ma ajem ninyeng ‘Ditde Limwa Bi’ lewo dihig mben Israel nok Ditde limwa nya bi lene dinok ide Allah bu bi.”

HOSEA 1:6

Jei bi lene Gomer srek tut nipmisop ba, nok nimunggwom gom kin bu. Leu api tuhan pai bida “Ma ajem ninyeng ‘No Di Hi Ngondut Bi’ lewo dingondut mben Israel bidikos ser ide sisar bu bi.

DANIEL 5:28

‘Ikwas hacan’ ndo tut gi Allah bindei ba, anyeng tak kepti kwas hacan tu ba, mben Media inyeng mitak kep igdo hi lene mben Persia inyeng mitak kep igdo hi bu.”

NIBOU NDIG NYA GI NICAN 19:12

Didigup bat-didigai bat nya ikon pran bit minu ndig Gozan kin Haran kin Rezef ba, icok tut hagom bingwig lene ihwen mben Eden di ibong ei Telasar cem. Bit bon yo dima ide kwar di ikuk yok bak nya iteu yok bingwes ngun kan bi.

NITRITI 10:2

Yafet nimunggwom bat di intun noni him inyeng rino Gomer kin Magog kin Madai kin Yawan kin Tubal kin Mesekh kin Tiras.

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

EZRA 6:2

Lene hi ngat srat nibohon kijumti gom di bijo ei minu ndig Ahmeta ei hanjop Media. Ikwop srat bokti dima di pai,

YESAYA 10:9

Diyai minu ndig Kalno kin Karkemis kin minu ndig Hamat kin Arpad bidiyati tu. Diyai minu ndig Samaria kin Damsyik bidiyati tu.

YESAYA 36:19

Mben Hamat kin mben Arpad kin mben Sefarwaim ide kwar di ikuk yok bak nya yo no hantou i? Hi dima kwei teu mben Samaria bingwes ngun tu e?

YESAYA 37:18

Nahagom nikan tut bipia nibou ndig Asyur nya ibindei sar mben imang bibor ba, bindei timek ide minu nya cem ba,

HOSEA 8:8

Israel bon ninyeng bu bi ba, idem kep dibijig di kimbo. Yoni ne mben nitu he noyam kin ngkiai nya.

AMOS 7:17

Gima rino tuhan pai bina di Amazia atnem minok sop di nibou buwei di hwou-hwou nyen bidem simpak ei minu dini. Amunggwom bat nya mitug ndei nimai ei pranti ba, ade siceu nya mikwas ade minu dini tut yam. Mporo nanti ayaijoti ug hon nohonti ei angkiaisi. Leu api siceu nya mikat mben Israel bikri yok ug ei ingkiaisi ei ting bibor leu itimieisi.”

NIBOU NDIG NYA GI NIGOM 8:46

Tirigi Ade limwa nya ibon sisar tut Na (jo nibreisi bipia ei dihyeisi dini ne hi ningon sren-srau bi) ba, angon sibui sut yok leu api icut bak ide siceu nya di ikat yok ug ei ingkiaisi ei minu ting bibor,

NIBOU NDIG NYA GI NICAN 17:23

apino tuhan ningon cun di nyohou yok bu bi ba, com yok leu dihyei di yai biyok. Ba, gima dem igbit tuhan nisok kep yokti tug hon Nide awak di nabi nya. Lene ide siceu nya ikat limwa Israel bicom yok ug ei ingkiaisi ei minu Asyur ba, ibong ei sirima kikau kwei bipek ammani kep.

NIBOU NDIG NYA GI NICAN 18:34

Mben Hamat kin Arpad kin Sefarwaim kin Hena kin Iwa ide kwar di ikuk yok bak nya ingat rin ei siritou njap di ammani i? Apo tou rikwei teu mben Samaria bingwes ngun i?

NIBOU NDIG NYA GI NICAN 21:13

Midikes hukum ei minu ndig Yerusalem dip noyam kin gi dikes ei Samaria kin Ahab di nok Nibou Ndig mem mben Israel bitut yo di intun noni him nya dip cem. Midicok tut minu ndig Yerusalem bipwoi-pwau noyam kin den di ipiap bipwoi bikiek bidis hek mpia.

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

YESAYA 8:4

Lewo nipou tirigi noni hara ‘Arig e, amei e,’ kan bigyo lene nibou ndig Asyur mikwei kon pran bit mben Damsyik kin mben Samaria bipos ide ndigban kin mitiei hagom bingwig leu yok.”

YESAYA 17:4

tuhan pai “Njap ngon bou mitau lene minu Israel ninyeng jeisi mingwig hon nohonti. Lene mun nyeng hagom di nyeng tut nya mipror hak.

YESAYA 36:17

dibuwak je ug ei minu gom di noyam kin jide minu dini. Lewo ba anggur nghousi di ngat ningat mem tungwatu nya bipot bidut ningei kin miai gandum nghousi di ngat ningat mem tungwatu nya ba, ibikang roti cem no jo ei minu dima.

YEREMIA 50:17

tuhan pai “Mben Israel idem kep nimpung domba di singa huk yok di bindei di intek gimahap a. Nibou ndig minu Asyur coi bihwen yok nimbie him ngat. Leu api Nebukadnezar di nok nibou ndig mem minu Babel kinam injum nya mien-mien.

HOSEA 1:4

lene tuhan pai bida “Ma ajem ninyeng Yizreel lewo jei bi ne midikes hukum ei nibou ndig Israel dip drek dip nidigup Yehu de mun di yai tunggwei tirigi noni hwen tungwatu nya ei minu ndig Yizreel. Dikos dat bipia midibindei ba, yo di intun Yehu him yahagom imai bingwig.

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.