NIBOU NDIG NYA GI NICAN 17:4 - ALLAH NIHYET MEM TUNGWATU NYA

⁴ Noro mpe di gom bu ne Hosea cuk tungwatu nya biyuug ngat So di nok nibou ndig mem mben Mesir leu binhyepo kwei bahati tut noni. Mpe dima cem Hosea kes ninda tut gima go kep belasten bak minu Asyur. Tirigi Salmaneser kan tut Hosea niyai munti dima lene kat noni ba, bindei coi ug ei ig bui nsi.

NIBOU NDIG NYA GI NICAN 17:4 ပူးပေါင်းရင်းမြစ်များ

NIBOU NDIG NYA GI NICAN 17:3

Salmaneser di nok nibou ndig mem mben Asyur kon pran bit nibou ndig Hosea ba, bindei timek noni. Noni cuk Hosea bigo belasten bak noni bikwop ari bingwam hagom.

NIBOU NDIG NYA GI NICAN 17:5

Leu api Salmaneser di nok nibou ndig mem mben Asyur hwen mben Israel lene bindei ba, tentara nya igyon ttai minu ndig Samaria. Igyon ttai minu ndig Samaria mem nijam ari bingwam ningai,

NIBOU NDIG NYA GI NICAN 18:21

Ningat ne jiba jingon com mben Mesir noro gima dem kep nok no di ba bika bitom no leu api dahat bidat ninda bia bei. Nibou ndig mem mben Mesir dem kep nok bika dima mem yo di iba ingon com noni.’ ”

NIBOU NDIG NYA GI NICAN 24:1

Nebukadnezar di nok nibou ndig mem mben Babel kwei bindei timek timiei Yehuda nya mem nijam di Nibou Ndig Yoyakim ninyeng tak kepti dima. Apino Yoyakim ne Nibou Ndig Nebukadnezar de awak kikau mem nijam ari bingwam ningai ri. Niabiati bu lene kiek nimig jou tut noni.

NIBOU NDIG NYA GI NICAN 24:20

Gima rino tuhan ningon sibui sut timiei Yehuda kin minu ndig Yerusalem nya nindig bibor bijji yok bingwig leu niyai him.

NIBOU NDIG NYA GI NICAN 25:7

Noni bindei ba, Zedekia nipmot bat nya itug ndei nimai bou icig niyai him leu api noni cuk tentara itak Zedekia niyai. Lene iba lante biteu noni ug ei minu Babel.

NIBOHON MBEN ISRAEL GI NICAN 32:11

Apo Hizkia pai bije bipia jide tuhan Allah miteu je leu nyende nisindemti e? Ma jiba jingon com noni au lewo ris mun bije hak ug. Noni misindui sut je ba, jimai jinggum kin jinggobiau cem.

HOSEA 10:4

Isuglai mun bipreu-preu gwai biyam ba, ingot kep yam bingkiem kei tut gi preu di ipreu biyam di bon ninyeng bi cem. Ikiek-kiek nyen nikos tutti di sren kei di jo tu bibindei ba, mun di sren kei bi hei. Ba, gima dem kep krisieu kioi di hei ei miai di ikkin mingau ei su.

HOSEA 12:2

Mun nyeng hagom di mben Israel ibon leu mpia tekti kikau ug bipek mmun bon ninyeng bi ba, mun nyeng hagom di bon ninyeng bi dima niyai munti mibindei sar yok bidem kep hou mpia priti. Ide niris munti kin ide nisibutti kum eisi ei ikieti. Ipreu mun ei bit minu Asyur lene ipwoi mini biyuug sut ug ei minu Mesir leu binhyepo ibijem isut bit yam.”

HOSEA 13:10

Jahara Da tut nibou ndig kin no di bie tut je nipou su noro nogindini yoni yuug ei siritou i? Isindem mem gima iteu je bijingwes ngun e?

HOSEA 8:10

Mbro nok gima lo, midinduk yok keyam bidikes hukum ei yoni dip yo. Jei bi ne yahara inghuisi di wei drek dip nibou ndig minu Asyur di co kep yok.

NINDAT KEP TUHAN NICUKTI NYA 28:36

tuhan micom jeni kin jide nibou ndig ug ei jingkiaisi di jeni kin jidigup bat-jidigai bat nya ikan tut bi. Ei sirima lene ngkiai nya mikuk je nok awak mem nung di ikuk yok bak di iba biei kin tig bibon.