NIBOU NDIG NYA GI NICAN 17:34 - ALLAH NIHYET MEM TUNGWATU NYA

³⁴ Niyai kepti di jo ninghig-niker dima yok jo kikau kwei bipek ammani kep. Ikuk yok bak tuhan Nongkom bi. Igibit tuhan niggai serti nya di Noni yai bak yo di intun Yakub him nya di Noni jem ninyeng Israel pima cem bi.

NIBOU NDIG NYA GI NICAN 17:34 ပူးပေါင်းရင်းမြစ်များ

NITRITI 35:10

Lene Allah pai binoni “Anyeng rino Yakub bu bi. Hon kep ammani kui lene anyeng rino Israel.” Nok rino Allah jem Yakub ninyeng Israel.

NITRITI 32:28

Lene no dima pai “Anyeng rino Yakub bu bi. Adahat kukwei Allah kin tungwatu nya cem ba, abindei timek yok tu. Gima rino suar ijem anyeng Israel bu.”

YESAYA 48:1

Je di jintun Yakub him e, ma jingig jitingou mem dihyet. Je di jintun keret Yehuda him di jikrau kep ninyeng Israel e, jipai bipia jiba jingon com Da di Allah Israel ba, jeheng bitug hon dinyeng lo, jiba jingon gom bipai jihyet dima yok bi.

NIBOU NDIG NYA GI NICAN 17:33

Ba, ikuk yok bak tuhan noro ikuk yok bak yonti ide kwar di ibon bou inda him bit leu nok igyai kepti nya di jo habiei kwei leu itimiesi di ikwei leusi nya.

NIBOU NDIG NYA GI NICAN 17:25

Nimbie him ngat di ibong ei sirima lene ikuk yok bak tuhan bi. Gima rino tuhan kes mindhe singa nya kwei kep yok ba, ham tungwatu dima yok nite hi bisar.

NIBOU NDIG NYA GI NIGOM 18:31

Noni bei tig nindig nindak simnaibrimigcan. Tig nindak gom mem bibikwop Yakub po tuhan jem ninyeng Israel pima nipmot bat nya lene nok.

NIBOU NDIG NYA GI NIGOM 18:11

Nogindini acuk da ba, duug pai binoni bipia akwei krau minu dini tu e?

NIBOU NDIG NYA GI NIGOM 11:31

bipai bak Yerobeam “Asu anda ba, ayai sinsun ninghas nimeng simnai mem nanti lewo mben Israel ide tuhan Allah pai bina ‘Midipos Salomo de ninyeng tak kepti bingwig leu noni leu api midibindei ba, anyeng mitak kep keret simnai.

NITRITI 33:20

Lene noni dingug tig nok nimbar hum dok ei sirima bipiga ei mem El ba, Noni ne mben Israel ide Allah ri.

NITRITI 32:29

Lene Yakub hig ser noni “Anyeng tou i?” Leu api no dima buhup “Ahig ser dinyeng tut nggon i?” Leu api noni njei mun di kei bak Yakub.

NIBOU NDIG NYA GI NICAN 17:40

Noro yo di ibong ser Samaria nya igimiap Nihyet bi ba, ikrau kep igyai kepti nya di jo habiei kwei su dima bingkiem.

MAZMUR 55:20

Allah di ninyeng tak kep mun nyeng hagom habiei ei nimbie him kikau kwei bipek ammani kep mimiap dihyet ba, bindei timek yok. Lewo ikou sut gi ittin ser ide sisar. Iba yoho rok Allah ba, igittin tut Noni cem bi.

NIPINGOK NINGONTI 14:2

No di ningon gom ttin tut tuhan Allah binggei sut ninyeng noro no di ningon mang ningwes om Noni.