NIBOU NDIG NYA GI NICAN 17:3 - ALLAH NIHYET MEM TUNGWATU NYA

³ Salmaneser di nok nibou ndig mem mben Asyur kon pran bit nibou ndig Hosea ba, bindei timek noni. Noni cuk Hosea bigo belasten bak noni bikwop ari bingwam hagom.

NIBOU NDIG NYA GI NICAN 17:3 ပူးပေါင်းရင်းမြစ်များ

SAMUEL GI NICAN 8:2

Lene noni hwen mben Moab cem ba, bindei timek yok. Noni cuk yok ba, ibong kimus ei dihyeiti leu api yai nimai bak ibou can lene njiriek tungwagom leu api yai nimai bak ibou can kin bu lene njiriek tungwagom bu nok gima kikau ug bipek nipekti. Gima rino mben Moab icut bak Daud lene nindigsi nya igo kep belasten bak noni.

SAMUEL GI NICAN 8:6

Leu api Daud hok prak meng yati di nok tentara nibousi di igya coi nya ei ide minu ndig nya ba, ninyeng tak kep yok. Lene igo kep belasten bak noni. tuhan bindei ba, Daud bindei timek nide siceu nya mem nituti di noni ug kon pran bit yok hagom.

NIBOU NDIG NYA GI NICAN 15:19

Tirigi Pul di nok nibou ndig mem mben Asyur ya tut nide tentara ba, injei bihwen mben Israel lene Menahem kiju bimbus perak di nibuhunti kilo sribu ningot ningai bitai biyai bak. Tug hon nisinati dima ne Menahem bindei sindem nide ninyeng tak kep mben Israelti.

NIBOU NDIG NYA GI NICAN 15:20

Puig di Menahem nggok di biyai mitiei dima rino bidip huk timiei Israel di inyeng tut ndigban. Suar bikwop tungwagom-gom hit mitiei perak ningot muhwi biyai nimui bak. Gima rino Pul kiju bijo leu minu ndig dima bingkwei hanyen ug ei nitimieisi.

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

NIBOU NDIG NYA GI NICAN 17:2

Noni cem bon sisar tut tuhan noro nide sisar di bon dima nimangti noyam kin nibou ndig mben Israel di inyeng tak kep nipou nya ide sisar di ibon nya bi.

NIBOU NDIG NYA GI NICAN 17:4

Noro mpe di gom bu ne Hosea cuk tungwatu nya biyuug ngat So di nok nibou ndig mem mben Mesir leu binhyepo kwei bahati tut noni. Mpe dima cem Hosea kes ninda tut gima go kep belasten bak minu Asyur. Tirigi Salmaneser kan tut Hosea niyai munti dima lene kat noni ba, bindei coi ug ei ig bui nsi.

NIBOU NDIG NYA GI NICAN 18:31

Ma jingig jitingou mem Hizkia nihyet au. Da di nibou ndig mem mben Asyur dipingok jingonti leu binhyepo jehei kwei leu jide minu dima ba, jikes jenti ei dindati. Mbigom lene midisindui je ba, jiyem ba anggur ningat kin biei ara ningat ei jide beisi ba, jidut minyei leu jide minyei bousi nya cem.

NIBOU NDIG NYA GI NICAN 18:7

Gima rino tuhan mpu no kikau apino noni ngat ningat di kei bidem nide midyai di yai nya hagom. Hizkia kiek nimig jou tut nibou ndig mem mben Asyur ba, kou sut gima kon ninyeng cem.

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

YESAYA 17:4

tuhan pai “Njap ngon bou mitau lene minu Israel ninyeng jeisi mingwig hon nohonti. Lene mun nyeng hagom di nyeng tut nya mipror hak.

YESAYA 8:8

Yoni micok tut dihyei Yehuda noyam kin minyei di su di kui sur jikimam behei biprioi mun nyeng hagom.” Allah Ningat rin bit nye! Noni kieng ninyehei gau ide minu dini binyohou nye.

YEHEZKIEL 23:5

Mbro nok gino Ohola nok ditnem tu lo, bon mun nok sop krar bijo kikau. Lene ba noho rok nikrar kep nisut bat di mben Asyur nya.

HOSEA 10:14

apino pran cut igkep jide limwa nya ug a. Siceu nya migya kep jide tentara nibousi di jiya coi nya hagom bibindei ba, timek bingwig. Gima noyam kin mpe di Nibou Ndig Salman bindei sar minu ndig Bet-Arbel ei pranti. Mpe dima lene noni co kep munggwom nya kin ipmem bat nya binem-nnai hak.

HOSEA 10:4

Isuglai mun bipreu-preu gwai biyam ba, ingot kep yam bingkiem kei tut gi preu di ipreu biyam di bon ninyeng bi cem. Ikiek-kiek nyen nikos tutti di sren kei di jo tu bibindei ba, mun di sren kei bi hei. Ba, gima dem kep krisieu kioi di hei ei miai di ikkin mingau ei su.

HOSEA 8:10

Mbro nok gima lo, midinduk yok keyam bidikes hukum ei yoni dip yo. Jei bi ne yahara inghuisi di wei drek dip nibou ndig minu Asyur di co kep yok.

IMAM NYA IDE MIDYAI 26:25

Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.