NIBOU NDIG NYA GI NICAN 17:27 - ALLAH NIHYET MEM TUNGWATU NYA

²⁷ Gima rino nibou ndig mben Asyur cuk yok leu binhyepo ikes imam gom leu yo di isima ei minu Asyur pima ikieti ba, pinak noni hanyen ug ei Samaria. Noni pai “Jicuk noni bingkwei hanyen bibong ei minu Israel leu binhyepo ngginau yo di ibong ser minu dima tut kwar dima nicuk yokti nya apino mikuk yok bak igbit.”

NIBOU NDIG NYA GI NICAN 17:27 ပူးပေါင်းရင်းမြစ်များ

NIBOU NDIG NYA GI NIGOM 12:31

Yerobeam ngot ig nikuk no bak kwar eisi nya ei mbigdip nya leu api dimig yo di ugwai-gwai di intun Lewi him bi nya bita yok nok imam nya bu.

NIBOU NDIG NYA GI NIGOM 13:2

Nabi dima pai kep nimbar hum dok dima bit leu tuhan nicuk noti bipai “Na di nimbar hum dok e! Na di nimbar hum dok e! tuhan tri tut bipia Yosia mintun Daud de ig bei nsi nya him. Noni miyai nimai bak imam ngot di ibon midut ei mpia di ikuk yo bak kwar eisi nya kin imam di ibon midut nindig mindhe titut kep humti ei na di nimbar hum dok dip nya cem. Noni mindig tungwatu nya injum cem ei dip.”

NIBOU NDIG NYA GI NICAN 17:26

Leu api tungwatu nya yuug pai bak Nibou Ndig mben Asyur bipia yo po noni cuk yok bibong timiei ei minu mien nya ei Samaria pima ikuk yok bak kwar di ninyeng tak kep minu ndig dima ba, ibit niggai ser yokti nya kan bi. Gima rino kwar dima kes mindhe singa nya kwei kep yok dino ham nite hi bisar.

NIBOU NDIG NYA GI NICAN 17:28

Lene imam mben Israel gom ngkwei hanyen ba, bong ei minu ndig Betel. Imam dima ne imam mben Israel gom po ikat ei Samaria bisima ei minu Asyur pima ri. Noni ngkwei hanyen leu api ngginau tungwatu nya ei sirima tut nikuk yo bak tuhan igbitti.

NIBOHON MBEN ISRAEL GI NICAN 11:15

Yerobeam nonti kon nide imam nya mem gima igyai midyai ei mpia di ikuk yo bak kwar nya eisi cem mpia di ikuk yok bak ninnei rom nya kin kwar sapi di nonti bon ei su nya cem.

EZRA 7:25

Na di Andigpoi Ezra e, suar aba ningon di ki di Allah yai bina bita nibou hanjop nya kin nikei nya leu binhyepo inyeng tak kep ide limwa nya di ibong ei hanjop Efrat-Ei-Mpia-Nikimbasti di igyai munti nya bit leu nok ade Allah nicuk yokti hagom. Ne gino bihi ingon mbum tut nicukti dima lene suar na di Andigpoi angginau yok tut.

NIJAM NIKEI NYA 17:13

Leu api Mikha pai “Nogindini dikan tut bipia tuhan minjei mun di kei bak dani drek dip no di ntun keret Lewi him di nok imam mem da.”