NIBOU NDIG NYA GI NICAN 17:24 - ALLAH NIHYET MEM TUNGWATU NYA

²⁴ Tirigi Nibou Ndig mem mben Asyur kat mben Israel ba, inok awak ei minu Asyur tu lene noni cuk timiei Babel kin Kuta kin Awa kin Hamat kin Sefarwaim nya imang bibor ba, kes yok bigya luei mben Israel yohoti ei minu mien hagom ei Samaria. Yo dima igyai minu mien ngot dima bigyati lene ibibong timiei ei niti cem.

NIBOU NDIG NYA GI NICAN 17:24 ပူးပေါင်းရင်းမြစ်များ

NIBOU NDIG NYA GI NIGOM 8:65

Gima rino Salomo kin mben Israel yahagom ibon Njap Ndig Ig Jibei Mpam Meng ei sirima mem njap muhwindacan. Yo di idem yam ei su imangti ningot ndig. Ikwei leu minu ting ei Puig Hamat bei mpia nijjai kikau ug bipek hanjop minu Mesir bei mpia nibiho.

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

NIBOU NDIG NYA GI NICAN 18:31

Ma jingig jitingou mem Hizkia nihyet au. Da di nibou ndig mem mben Asyur dipingok jingonti leu binhyepo jehei kwei leu jide minu dima ba, jikes jenti ei dindati. Mbigom lene midisindui je ba, jiyem ba anggur ningat kin biei ara ningat ei jide beisi ba, jidut minyei leu jide minyei bousi nya cem.

NIBOU NDIG NYA GI NICAN 18:34

Mben Hamat kin Arpad kin Sefarwaim kin Hena kin Iwa ide kwar di ikuk yok bak nya ingat rin ei siritou njap di ammani i? Apo tou rikwei teu mben Samaria bingwes ngun i?

NIBOU NDIG NYA GI NICAN 19:13

Nibou ndig Hamat kin Arpad kin Sefarwaim kin Hena kin Iwa yahagom ingat rin ei siritou njap di ammani i?”

NIBOHON MBEN ISRAEL GI NICAN 33:11

Gima rino tuhan bindei di nibou pran mben Asyur nya ikwei coi minu Yehuda di ihwen ug a. Lene iba simper nindig bipos Manasye ba, iba lante biteu nimig-ninda lene ikri ug ei minu Babel.

YESAYA 10:9

Diyai minu ndig Kalno kin Karkemis kin minu ndig Hamat kin Arpad bidiyati tu. Diyai minu ndig Samaria kin Damsyik bidiyati tu.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 36:19

Mben Hamat kin mben Arpad kin mben Sefarwaim ide kwar di ikuk yok bak nya yo no hantou i? Hi dima kwei teu mben Samaria bingwes ngun tu e?

YESAYA 37:13

Nibou ndig minu ndig Hamat kin Arpad kin Sefarwaim kin Hena kin Iwa yo no hantou i?”

YESAYA 37:18

Nahagom nikan tut bipia nibou ndig Asyur nya ibindei sar mben imang bibor ba, bindei timek ide minu nya cem ba,

YEREMIA 21:2

“Ma ahara tuhan mem gima ndo ningon kanti binye. Lewo Nebukadnezar di nibou ndig minu Babel ya tut nide tentara nya ba, igyon ttai ide minu ndig tu. Leu hi rima tuhan mibon mindur mem nye bibindei ba, Nebukadnezar brim nide tentara nya bingkwei leu nye a.”

YEREMIA 50:1

tuhan sok kep da tut minu ndig Babel bitut timiei Babel nya bipai,

MATIUS 10:5

Lene Yesus cuk ibou simnaibrimigcan dima bisok kep yok “Jimbut bijuug ei ngkiai nya kin timiei Samaria nya ide minu ndig au.