NIBOU NDIG NYA GI NICAN 17:18 - ALLAH NIHYET MEM TUNGWATU NYA

¹⁸ Apino tuhan gga yok bibor di nyohou yok cem bu bi. Leu api com yok leu dihyei di Noni yai biyok. Gi jo ndia rino nibou ndig timiei Yehuda nya inyeng tak kepti he.

NIBOU NDIG NYA GI NICAN 17:18 ပူးပေါင်းရင်းမြစ်များ

NIBOU NDIG NYA GI NIGOM 11:13

Midipos nide ninyeng tak kepti dima titut yam leu noni bi. Noro midibet mben Israel ide keret nyeng gom ngat mem apmot dima ba, ninyeng mitak kep drek dip gi diyok ngon kep Ditde awak di Daud kin minu ndig Yerusalem di dikon nok Ditde minu ndig pima.”

NIBOU NDIG NYA GI NIGOM 11:32

Salomo ninyeng mitak kep keret gom ngat he lewo dingondut Ditde awak di Daud cem dingondut minu ndig Yerusalem di nok minu ndig gom ngat di didimig nok Ditde minu ndig nibousi leu minu ndig nindigsi nya ei minu Israel.

NIBOU NDIG NYA GI NIGOM 11:36

Noro midisindui sut ba, Salomo nipmot ninyeng mitak kep keret gom ngat leu binhyepo Ditde awak di Daud de nintun him yamti di bram yam nya gom minok nibou ndig mem Da ei minu ndig Yerusalem. Lewo didimig minu ndig dima nok gumihyep gom ngat mem tungwatu nya ikuk yok biDa eisi.

NIBOU NDIG NYA GI NIGOM 12:20

Tirigi mben Israel imiap tut bipia Yerobeam kwei hanyen leu minu Mesir tu lene ihig noni kwei gwam bit yok tirigi imbus yam ei gomti leu api ita noni nok ide nibou ndig. Keret Yehuda nya nongkom he rino ingon gom tut Daud de nintun him yamti di bram yam nya.

NIBOU NDIG NYA GI NIGOM 8:46

Tirigi Ade limwa nya ibon sisar tut Na (jo nibreisi bipia ei dihyeisi dini ne hi ningon sren-srau bi) ba, angon sibui sut yok leu api icut bak ide siceu nya di ikat yok ug ei ingkiaisi ei minu ting bibor,

NIBOU NDIG NYA GI NICAN 13:23

Noro tuhan ngondut Nide limwa nya ba, kos ser igyai munti nya cem. Noni mpu yok bisindui sut ba, isar bi drek dip gi preu di Noni bon bak Abraham kin Ishak kin Yakub. tuhan bbwe ser Nide limwa nya bi sren kikau kwei bipek ammani kep.

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

NIBOU NDIG NYA GI NICAN 21:14

Midikes Ditde limwa niken-ken di igwam yo nya ei ba, yoni minok mikwau mem ide siceu nya di igyem kep yok bisar ba, igya bidem ide minu nya hagom bipos ide ndigban nya hagom ningwig cem.

NIBOU NDIG NYA GI NICAN 23:27

Noni tri tut “Midibibon timiei Yehuda nya bit leu nok gi dibibon mben Israel pima. Midijji yok bingwig leu diyai him lene midikou sut minu ndig Yerusalem po didimig ei mem Danti kin tuhan De Ig po dipai sut bipia suar tungwatu ikuk yok biDa eisi.”

NIBOU NDIG NYA GI NICAN 24:3

Ba, ningat ne suar hukum dima cut igkep yok bit leu tuhan nikos tutti leu binhyepo bijji yok leu minu di Noni yai biyok pima drek dip sisar nyeng hagom di Nibou Ndig Manasye bon kep nya ba,

MAZMUR 51:13

Ma acom da bihigom leu Aho bei ba, akus Ade ninnei gi kwes leu dingonti au.

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEREMIA 52:3

Gima rino tuhan ningon sibui sut timiei minu ndig Yerusalem kin timiei Yehuda nya nindig bibor bijji yok lene gi nyohou yok bu bi. Mpe dima lene Zedekia ham nimbuk kep Nebukadnezar di nok nibou ndig mem minu Babel.

YEREMIA 7:15

Midijji jeni ug ei minu ting leu Doho bei dem kep nok dijji jide bat mben Israel nya nipou su. Da di tuhan disimbot dat tu.”

HOSEA 12:3

tuhan pai kep mben Yehuda drek dip ide munhyet. Noni mikes hukum ei Israel dip drek dip igyai munti nya ba, buhup biyok bit leu ide nibon munti di ibon nya.

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

NINDAT KEP TUHAN NICUKTI NYA 32:20

Bipai ‘Mbro nok gino dingat igbit mun di mipek kep mem yok ei nidipti bu lo, midimpu yok bi sren. Lewo ingkek ndok ba, ingon gom tut Da bi.

YOSUA 23:13

lene jo nibreisi bipia tirigi jinjei siceu bijikon pran lene jide tuhan mijji mben pima yok leu itimieisi dini ei joho bei bu bi. Noro yoni mibindei ba, juum mun di nggruk bibor di noyam kin bon di jibiam kin biap tindak di ibibui jinghim tou kin ndia nggwen di ibidat jiyai njep cem. Mijuum mun di nggruk bibor dima kikau bibou jigom ngat migwam ei minu di kei di tuhan Allah yai bije dini bi ug e.

YOSUA 23:15

Noro jo nibreisi bipia Noni mikes mun di nggruk bibor di Noni sok kep ser je tut nya hagom ei jeni dip noyam kin gi Noni yai mun di kei bije bipek kep Nide nipreu eisi nya pima hagom,

NIJAM NIKEI NYA 18:30

Lene itas kwar di ipos dima ei minu ndig dima. Leu api ikon Yonatan di Gersom nipmot kin Musa nignyon cem binok ide imam. Lene Gersom de nintun him di bram yam dini inok imam mem keret Dan kikau bipek nijam di ngkiai nya ihwen mben Israel ba, icom yok ug ei ingkiaisi.