NIBOU NDIG NYA GI NICAN 17:17 - ALLAH NIHYET MEM TUNGWATU NYA

¹⁷ Iba imunggwom bat nya di idat bindig kep hum ei nimbar hum dokti bikuk yok bak kwar nya cem. Ita ibou ei niyai nisindemti di bindei ba, ikan tut mimun nya tug hon gi yuug ngat yo di nung kui yok di imbrap bit ninnei di kinei nya leu binhyepo ninnei dima yok indo ingon kanti biyok. Ibrim ingkek mem mun nyeng mang bibor di bindei ba, tuhan ningon kei sut yok bi.

NIBOU NDIG NYA GI NICAN 17:17 ပူးပေါင်းရင်းမြစ်များ

NIBOU NDIG NYA GI NIGOM 14:15

tuhan kinyon ei midyai nikes hukum ei mben Israel dipti tu. Apino yoni midem kep krun di kit-kit nyen ei minyei di biam sindemti. tuhan mohom mben Israel leu minu di nnum kei di Noni yai bak idigup bat-idigai bat nya nipou su dini. Noni mibindei ntek gimahap yok ug ei Minyei Efrat nite dima ug. Lewo ibindei ba, tuhan gga yok drek dip kwar sop Asyera ngot di ibon nya.

NIBOU NDIG NYA GI NIGOM 21:20

Tirigi Ahab ngat Elia di tau kep noni lene noni pai bak “Ditde siceu hatap da tu e?” Lene Elia buhup “Igbit ri! Lewo na di Andigpoi ampig bou kep ade niyai munti di mbuk bibor ei Allah niyai him wer ninno tu.

NIBOU NDIG NYA GI NIGOM 21:25

Tungwatu dihyeisi dini hi mpig bou kep mun di mbuk bibor ei Allah niyai him noyam kin nibou ndig Ahab de niyai munti dimbuk bibor bi sren. Nitnem Izebel dor pip noni bitig dino noni bon mun di mbuk bibor dima hagom.

NIBOU NDIG NYA GI NICAN 16:3

Noni yai bram nibou ndig mben Israel di nipou nya igyai munti nya ba, bon mun di tunggwei tug hon nidat nipmot bindig ningut ei nimbar hum dokti bak kwar nya noyam kin yo po tuhan jji yok leu minu Kanaan ei mpe di po mben Israel icoi ug ei minu dima nimbie him pima ide nibon kepti.

NIBOU NDIG NYA GI NICAN 17:11

Indig biei nggrai di ui-gwang kei ei nimbar hum ndok hagomti bak ide kwar noyam kin mben nya di tuhan jji yok leu minu Kanaan tu ibon kepti nya. Mbro nok gino tuhan ggai ser nikuk yo bak kwar nyati lo, ibisinggre bikuk yok bak. Ibon munti di kinei bibor nya hagom bindei ba, tuhan gga yok nindig bibor.

NIBOU NDIG NYA GI NICAN 17:31

Nimpung Awa nya ibon kwar Nibhas kin Tartak. Nimpung Sefarwaim nya ibui imunggwom bat nya bindig kep hum ei nimbar hum dokti ba, ibikuk yok bak kwar Adramelekh kin Anamelekh.

NIBOU NDIG NYA GI NICAN 21:6

Lene bibui nipmot hi bindig ei nimbar hum dok dimati ba, bikuk no bak kwar nya cem. Noni brim ningkek mem nung nya igyai kepti nya kin nipui mun nimbot kepti tug hon ham mpia-bbed him nya kin nikan tut nisindemti nya di jo nding leu tungwatu nya igyai him kin ninggok tut ninnei nitrowai nya leu binhyepo indo bindo binoni cem. Manasye bon sisar nindig bibor tut tuhan apino tuhan gga bibor drek dip nide sisar di nindig bibor di noni bon dima.

NIBOHON MBEN ISRAEL GI NICAN 28:3

bindig biei nggrai di ui-gwang kei ei Mbang Briep Hinom cem. Noni bui nonti nipmot bindig ei nimbar hum dokti ba, bikuk no bak kwar nya. Bon nok gima ba, bibit leu yo po tuhan jji yok leu minu Kanaan pima ibon kepti di kinei bibor nya. tuhan jji yok mpe di po mben Israel icoi bikieng kep minu Kanaan.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

YESAYA 47:9

Noro mun nyeng can dini micut igkep nani ba, hacem mibit yam mbigom ngat mem njap gom ngat. Mbro nok gino asindui sut nung di nihyet dut kui na lo, nimai maham ajjep kin amunggwom bat nya kindok.

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YESAYA 8:19

Noro limwa dima yok micuk je ndam yo di nung kui yok kin yo di inda dut nya di yahamui nyahan ba, inggimu-nggimei leu binhyepo indo bindo bije. Yo dima mipai bije “Suar nyeni iko binggok tut nimai ingwes nya tut mun di bitut yo di igyaijo nya.”

YEREMIA 19:5

Ba, ibon nimbar hum dok mem Baal leu binhyepo ibon midut nindig imunggwom bat nya tut igyai noha kep hum. Dicuk yok tut ba, dingon kanti di nok gima hi bi sren.

YEREMIA 25:7

Noro tuhan Nonti pai bipia jikou sut nihyet leu api jiba jide kwar nya bibibon kep Nide niggati. Jenti rino jibindei di Nide hukum cut igkep je a.

YEREMIA 27:9

Ma jimiap kep nabi nya kin tungwa hi dino cuon ser je leu binhyepo joom je bak mben Babel bi nya au. Mbro nok gino ipai sut yonti bipia igyai bindo tug hon mumpriem nya kin njungwes di ingat ei igyai him bi nya kin gi iba mimbrei biris mun bou jiyai him nya lo, ma jiyok ngon kep ighyet au.

YEREMIA 7:31

Ba, ibon nimbar hum dok Tofet ei Mbang Briep Hinom leu binhyepo indig imunggwom bat nya tut igyai noha kep hum eisi. Dicuk yok tut nibon munti dima bi ba, ningon kanti dima jo dibou ngwakti cem bi sren.

YEHEZKIEL 16:21

Suar ma ayai dimunggwom bat nya cem ba, abui yok ba, andig yok ei nimbar hum dokti mem abikuk na bak kwar pima yok e?

YEHEZKIEL 20:26

Disindui sut ba, ibindei bimap kui yokti tug hon ide midut di indig ei nimbar hum dokti nya. Ba, ibui ide munggwom pinai mighumbou nya bindig yok ei nimbar hum dokti bak ide kwar di ikuk yok bak nya. Dikes hukum ei yok dip tug hon nisinati dima leu binhyepo ikan tut bipia Ide tuhan riDani.

YEHEZKIEL 20:31

Jibindei ba, map kui jeti tug hon midut nikwas mun tut Da kin midut nindig jimunggwom bat nya ei nimbar hum dokti bak kwar di jikuk je bak cem kikau kwei bipek njap di ammani kep. Leu api jibrim jingkek kep da bijihig ser Da tut dingon kanti mem jeni e? Dipai tug hon Da di Allah di niyaijo kin tuhan Di Ninyeng Jei Bibor dinyeng bipia midice tut gima jahara da bidindo puig bije bi.

YEHEZKIEL 23:37

Icut ei sisar nicut tut yamti ba, ibiyai nimai bak tungwatu nya. Icut tut kwar nya di ikuk yok bak ba, ibiyai nimai bak munggwom nya di igyai biDa cem tu. Iba munggwom dima yok bibon midut nindig yok ei nimbar hum dokti bak ide kwar di ikuk yok bak nya.

YEHEZKIEL 23:39

Lene njap di igyai nimai bak imunggwom bat nya di igyai biDa pima ba, indig ingut ei nimbar hum dokti bak ide kwar nya di ikuk yok bak pima rino nikindig-nikinjoi nya dima ikwei ei Ditde Ig bibindei ba, map kuisi!

IMAM NYA IDE MIDYAI 18:21

Harin dima akes amunggwom bat hi ei mem gima ibui ba, ibikuk yok bak kwar Molokh a. Lewo nibon munti dima binim kep tuhan di nok jide Allah ninyenga.

IMAM NYA IDE MIDYAI 19:26

Harin dima jiyem kep mikwau di ninggrom hugsi a. Harin dima jikrau kep yo di inda dut nya ingon kanti a.

IMAM NYA IDE MIDYAI 19:31

Harin dima juug cem kep yo di nung kui yok nya bipingok kep jingonti a. Leu gi nok lene map mikui jeti. Dani ne tuhan bidinok jide Allah ri.

MIKHA 5:12

Midibindei ba, jide kwar nya kin jide cou tig nya di jipigig sut ei mem jide kwar nya hagom timek bingwig. Hon kep njap dima kui ne jikuk je bak mun di jibon bou jinda him bu bi.

KISAH 16:16

Mpe di gom bu tirigi nuug ei mpia ttou nsi di ningat nadi eisi pima hanyen lene nuum awak sop gom. Ninnei rom kui noni ba, mbot kep tut mun di mipek kep ei nidipti bu igkei. Tug hon nisinati dima lene noni bipek mitiei nindig bibor bak niceu bat nya.

ROMA 7:14

Ikan tut bipia Puig Yahudi niggai serti ntun Allah Ninnei him noro dani ne tungwatu dihyeisi dini rin ba, sisar ubon da bidinok awak.

GALATIA 5:26

Noro ma ingon jei cem ingwes pri gau yam cem iboudut ser yam cem bu au.

NINDAT KEP TUHAN NICUKTI NYA 32:16

Gi ikuk yok bak kwar nya bindei ba, tuhan ibou dut ser yok. Gi icut ei sisarti bindei ba, ningon sibui sut yok.

NINDAT KEP TUHAN NICUKTI NYA 4:25

Tirigi jibong kei jigwam kei ei minu dima wer ninno ba, jibon jimunggwom bat nya kin jignyon bat-jidrot bat nya tu lene ma jibon sisar tug hon gima jibon kwar di jikuk je bak hi bou jinda him au. Mun dima ne sisar ei tuhan niyai him rin lene mibindei ba, ningon sibui sut je.