NIBOU NDIG NYA GI NICAN 16:8 - ALLAH NIHYET MEM TUNGWATU NYA

⁸ Lene Ahas cat ndigban di iba mas kin perak bibon leu Tuhan De Ig bicat ndigban ngot leu ig nibou ndig de cem lene pinak hagom nok munkwas di biyai ningon kei bak nibou ndig mben Asyur.

NIBOU NDIG NYA GI NICAN 16:8 ပူးပေါင်းရင်းမြစ်များ

YESAYA 7:17

tuhan micuk nibou ndig Asyur kwei bihwen je. Gima bindei ba, nani kin ade ig bei nsi nya kin ade limwa nya jahagom mijitug ndei mun di buhun bibor dor njiriek mun di buhun di nipou cut igkep je ei mpe di po mben Israel kin timiei Yehuda nya ikwas yam pima kikau kwei bipek ammani kep.

NIBOHON MBEN ISRAEL GI NICAN 16:2

Apino Nibou Ndig Asa yai mas kin perak leu ig gudan di inju mas kin perak keyam eisi ei tuhan De Ig kin gi jo ei nibou ndig de ig cem. Leu api pinak hagom ug ei Damsyik bak Benhadad di nibou ndig mben Siria. Lene bisok ei gima dip,

YESAYA 2:6

Allah e, akes Ade limwa di Yakub de nintun him yamti di bram yam nya ei su! Lewo nikan tut mun di jo nding di kwei leu mben ngkiai ei nite bei mpia nipriti nya kin mben Filistin cem kieng kep minu dini tu. Ade limwa nya igyai bram mben ngkiai ide niyai munti di kinei nya.

MIKHA 1:14

Je di mben Yehuda e, ma jikes timiei minu mien Moresyet-Gat ei bijiba jingon com yok bu au. Timiei minu mien Akhzib mimpu nibou ndig Israel bu bi.

NIBOU NDIG NYA GI NICAN 12:19

Leu api nibou nya di igya kui Nibou Ndig Yoas igyok ingon gom mem gima igyai nimai binoni. Cin di igyai nimai bak Yoas rino Yozakar di Simeat nipmot kin Yozabad di Somer nipmot. Igyai nimai bak Nibou Ndig Yoas ei ig gom di ingot ei mpia di iji kep ba, sur yam kei ei minu ndig Yerusalem nite bei mpia nipriti dideu puig di juk ug ei Sila. Leu api itig Yoas ei jui nsi di ibet ei mem itig kep nibou ndig nya eisi ei Daud De Minu Ndig. Lene nipmot Amazia kui bigwam nok nibou ndig biya luei nohoti. Nipui mun tut Nibou Ndig Yoas niyai munti nindigsi nya hagom jo ei srat Nibohon Nibou Ndig Mben Yehuda Nyati.

NIBOU NDIG NYA GI NICAN 15:19

Tirigi Pul di nok nibou ndig mem mben Asyur ya tut nide tentara ba, injei bihwen mben Israel lene Menahem kiju bimbus perak di nibuhunti kilo sribu ningot ningai bitai biyai bak. Tug hon nisinati dima ne Menahem bindei sindem nide ninyeng tak kep mben Israelti.

NIBOU NDIG NYA GI NICAN 17:3

Salmaneser di nok nibou ndig mem mben Asyur kon pran bit nibou ndig Hosea ba, bindei timek noni. Noni cuk Hosea bigo belasten bak noni bikwop ari bingwam hagom.