NIBOU NDIG NYA GI NICAN 16:3 - ALLAH NIHYET MEM TUNGWATU NYA

³ Noni yai bram nibou ndig mben Israel di nipou nya igyai munti nya ba, bon mun di tunggwei tug hon nidat nipmot bindig ningut ei nimbar hum dokti bak kwar nya noyam kin yo po tuhan jji yok leu minu Kanaan ei mpe di po mben Israel icoi ug ei minu dima nimbie him pima ide nibon kepti.

NIBOU NDIG NYA GI NICAN 16:3 ပူးပေါင်းရင်းမြစ်များ

NIBOU NDIG NYA GI NIGOM 14:24

Ibon nicut tut yamti ei mpia ttou nsi dima yok leu binhyepo iba nisinati dima bikuk yok bak kwar nya. Pinai nya cem ibon yonti nok sundal ei mpia dima. Timiei Yehuda ibon kep sisar di kinei bibor ninyeng hagom noyam kin timiei minu dima ibon kepti nya tirigi po tuhan jji yok leu itimieisi ei mpe di mben Israel icoi bigyai bigyati pima.

NIBOU NDIG NYA GI NICAN 17:16

Lene igyai mun tunggwei ide tuhan Allah nicuk yokti nya hagom. Iba ngkimom-tembaga di indig bijet bibon kwar sapi ningut can bikuk yok bak ba, ibon kwar nisop Asyera cem ikuk yok bak ham mpia-bbed him nya ba, ikuk yok bak kwar Baal cem hagom.

NIBOU NDIG NYA GI NICAN 17:17

Iba imunggwom bat nya di idat bindig kep hum ei nimbar hum dokti bikuk yok bak kwar nya cem. Ita ibou ei niyai nisindemti di bindei ba, ikan tut mimun nya tug hon gi yuug ngat yo di nung kui yok di imbrap bit ninnei di kinei nya leu binhyepo ninnei dima yok indo ingon kanti biyok. Ibrim ingkek mem mun nyeng mang bibor di bindei ba, tuhan ningon kei sut yok bi.

NIBOU NDIG NYA GI NICAN 17:19

Timiei Yehuda nya cem igibit ide tuhan Allah niggai serti nya bi. Noro igyai bram mben Israel igyai kepti nya.

NIBOU NDIG NYA GI NICAN 17:8

igyai bram mben nya di tuhan jji yok leu minu Kanaan ei mpe di po mben Israel ihwen yok bibindei timek yok pima igyai kepti nya cem ba, igyai bram nibou ndig mem mben Israel igyai kepti nya di ntun yonti ingon kanti him ba,

NIBOU NDIG NYA GI NICAN 21:11

“Nibou Ndig Manasye niyai munti nya kinei bibor. Niyai munti nya kinei bibor dor njiriek mben Kanaan ibon munti nya bu. Noni bindei ba, timiei Yehuda nya icut ei sisarti tug hon kwar di ikuk yok bak nya.

NIBOU NDIG NYA GI NICAN 21:2

Manasye bon sisar tut tuhan. Lewo noni yai bram mben di tuhan jji yok leu minu Kanaan ei mpe di po mben Israel icoi ei minu dima igyai kepti di kinei bibor nya.

NIBOU NDIG NYA GI NICAN 21:6

Lene bibui nipmot hi bindig ei nimbar hum dok dimati ba, bikuk no bak kwar nya cem. Noni brim ningkek mem nung nya igyai kepti nya kin nipui mun nimbot kepti tug hon ham mpia-bbed him nya kin nikan tut nisindemti nya di jo nding leu tungwatu nya igyai him kin ninggok tut ninnei nitrowai nya leu binhyepo indo bindo binoni cem. Manasye bon sisar nindig bibor tut tuhan apino tuhan gga bibor drek dip nide sisar di nindig bibor di noni bon dima.

NIBOU NDIG NYA GI NICAN 21:9

Noro timiei Yehuda nya igibit tuhan nihyet bi. Manasye bindei ba, ibon kep sisar di kinei bibor nya. Ibon sisarti dima kinei bibor bidor tunggwei mben di tuhan jji yok leu minu Kanaan ei mpe di po limwa Israel icoi ei ide minu pima ide sisar di ibon kep nya.

NIBOU NDIG NYA GI NICAN 23:10

Noni bindei ba, map kui Tofet ei Mbang Briep Hinom di nok mpia di mem ibon midut bak kwar Molokh eisi ser nhyepo hi ndig nimunggwom kep hum eisi bak kwar dima bu bi.

NIBOU NDIG NYA GI NICAN 8:18

Yehoram wak Ahab nipmisop apino yai bram Ahab niyaisi di bon sisar tut tuhan noyam kin mben Israel ide nibou ndig nindigsi nya cem.

NIBOHON MBEN ISRAEL GI NICAN 33:2

Manasye bon sisar tut tuhan biyai bram mben di tuhan jji yok leu minu Kanaan ei mpe di po mben Israel icoi ei minu pima igyai kepti di kinei bibor nya.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

MAZMUR 106:35

Noro iwak sop ngkiai nya nok itnem bat nya bigyai bram yo di ikan tut Allah bi nya igyai kepti nya.

YESAYA 57:5

Jikuk je bak kwar nibindei nnum njita kioi nya lene jibisindui sut jenti ba, jicut tut yam ei biei pigig behei kin biei ndig di nimeng nggrou nibehei nya. Jiba jimunggwom bat nya bibon midut nindig yok ei nimbar hum dokti ei tig nggreti ei minyei mbangti nya.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEHEZKIEL 16:21

Suar ma ayai dimunggwom bat nya cem ba, abui yok ba, andig yok ei nimbar hum dokti mem abikuk na bak kwar pima yok e?

YEHEZKIEL 16:47

Angon cut hon gino aco bram icoti ba, ayai bram igyaisi di bindei ba, igyai ttin ningat dima e? Angon cut hon bigyo! Jei bi ne ayai munti nya kinei bibor dor njiriek yo dima igyai munti bu.

YEHEZKIEL 20:26

Disindui sut ba, ibindei bimap kui yokti tug hon ide midut di indig ei nimbar hum dokti nya. Ba, ibui ide munggwom pinai mighumbou nya bindig yok ei nimbar hum dokti bak ide kwar di ikuk yok bak nya. Dikes hukum ei yok dip tug hon nisinati dima leu binhyepo ikan tut bipia Ide tuhan riDani.

YEHEZKIEL 20:31

Jibindei ba, map kui jeti tug hon midut nikwas mun tut Da kin midut nindig jimunggwom bat nya ei nimbar hum dokti bak kwar di jikuk je bak cem kikau kwei bipek njap di ammani kep. Leu api jibrim jingkek kep da bijihig ser Da tut dingon kanti mem jeni e? Dipai tug hon Da di Allah di niyaijo kin tuhan Di Ninyeng Jei Bibor dinyeng bipia midice tut gima jahara da bidindo puig bije bi.

IMAM NYA IDE MIDYAI 18:21

Harin dima akes amunggwom bat hi ei mem gima ibui ba, ibikuk yok bak kwar Molokh a. Lewo nibon munti dima binim kep tuhan di nok jide Allah ninyenga.

IMAM NYA IDE MIDYAI 20:2

bipai sut nicukti dini bak mben Israel, “Bikwop no di leu jikieti kin ngkiai nya di ibong timiei ei jikieti cem di bui nimunggwom di ndig kep hum bikuk no bak kwar Molokh lene suar limwa nya yahagom iba tig bihwen bimai hak ug.

MIKHA 6:7

Gino ijem domba ningut sribu-ribu bipwoi mini zaitun di mpung pias hagau kwei mem Noni lene joi sut mun dima yok e? Suar iba ipmot mighumbou bibon midut mem gima ibigo gau ide sisar e?

NINDAT KEP TUHAN NICUKTI NYA 12:31

Ma jikuk je bak tuhan di nok jide Allah bit leu nok yoni ikuk yok bak ide nung nyati au. Lewo tirigi ikuk yok bak ide nung nya lene igyai munti nya kinei bibor bibindei ba, tuhan ningon mpo tut yok. Mbenjen! Indig imunggwom bat nya tut igyai noha kep hum ei ide nimbar hum dokti!

NINDAT KEP TUHAN NICUKTI NYA 18:10

Ma tungwa hi kwas nimunggwom bat nya nok mun di ibui bindig kep hum ei nimbar hum dokti au. Ma hi bon midut nikrau kep nihyet di dut ba, hi ninda dut ba, hi ba seig ngei bipijuk tungwatu nya ba,