NIBOU NDIG NYA GI NICAN 16:15 - ALLAH NIHYET MEM TUNGWATU NYA

¹⁵ Gima leu lene cuk Uria “Ma ayai nibou ndig kin limwa nya ide mun di ikwas tut Allah ba, abibon midut nindig mindhe titut kep humti bikwop njap bigyoti kin mmunti cem gau yok ei ditde nimbar hum dok di nindig dimati. Lene ma abon midut nikiber ba anggur ngei di limwa nya ide ei sirima cem. Ma asiber bikwop mindhe di ikwas mem gima indig ei nimbar hum dokti dima yok ninggrom hagom ei nimbar hum dok dima nidip a. Lene tut nimbar hum dok timiei di iba ngkimom-tembaga bibon dima lene dani rima diba gima binggok tut ninnei nya ingon kanti.”

NIBOU NDIG NYA GI NICAN 16:15 ပူးပေါင်းရင်းမြစ်များ

NITRITI 44:5

Nggon rino inggimang ditde mok perak i? Lewo didut ba anggur ngei eisi he bi noro diko bidibinggok tut ndiyok eisi cem. Ibon mun tunggwei sut da nindig bibor.”

NIBOU NDIG NYA GI NIGOM 3:4

Mpia ttou nsi gom di ikuk yok bak tuhan eisi di bon ninyeng dor njiriek nindigsi nya rijo ei Gibeon. Salomo bon midut mang bibor ei sirima nipou su. Mpe di gom bu lene noni ug ei sirima mem gima bon midut nindig mindhe ei nimbar hum dokti.

NIBOU NDIG NYA GI NIGOM 7:23

Leu api Huram ba ngkimom-tembaga bibon bokor nijut gom ba, nijutti meter can biniken lene ninyanti meter bitai biniken lene ninghausi meter simnaibrimigningai biniken.

NIBOU NDIG NYA GI NIGOM 8:64

Njap dima cem noni piga mpia di jo bas hak di ngug tig bikrop ttai gom ninggimau ei tuhan De Ig nuhui. Lene noni bon midut nindig mindhe titut kep humti kin nibon midut njita nibipai sigyo bak Allahti ba, ndig mindhe-ndhe di ibui ninggwo cem hagom ei sirima mem nibon midut nibiyai ningon kwes kin tuhanti pima lewo nimbar hum dok di iba ngkimom-tembaga bibon dem mem mindhe-ndhe di ibui dima yok hagom bi.

NIBOU NDIG NYA GI NICAN 16:14

Lene Ahas ngat lo, nimbar hum dok di iba ngkimom-tembaga bibon di ikes pijum mem tuhan no jo ei Tuhan De Ig kin nimbar hum dok nijep dima ikieti. Gima rino noni bindei ba, nimbar hum dok di iba ngkimom-tembaga bibon dima birok kik Tuhan De Ig nuhui him bu bi lo, isindik bijo ei nonti nide nimbar hum dok nijep dima nijjai.

NIBOU NDIG NYA GI NICAN 16:16

Lene Uria yai igbit nibou ndig nicuk noti nya.

NIBOU NDIG NYA GI NICAN 18:4

Noni ya kep mpia di tungwatu nya ikuk yok bak kwar eisi nya binggek hagom bitut kwar nidihim nya kin kwar Asyera ngot cem bingwig. Lene noni nggek wou ngkimom-tembaga di Musa bon di ibijem ninyeng Nehustan cem. Lewo mben Israel indig biei nggrai di ui-gwang kei ba, ibikuk yok bak wou dima kikau bipek nijam dima kep.

NIBOU NDIG NYA GI NICAN 3:20

Njap di hyep bu tirigi jam dem mem imam nya ibon midut ei nimbar hum dokti mem njap bigyoti lene minyei biam kwei leu minu Edom bibiyam kak mbang trimpoi pima ba, niyaisi ut bipias hagau.

NIBOHON MBEN ISRAEL GI NICAN 29:32

Yo dima ijem ide sapi nikre ningut ningot muhwindacan kin domba ningut sratus gom kin domba pmot ningut sratus can kwei bikwas hagom tut tuhan mem gima ibibon midut nindig mindhe titut ei nimbar hum dokti bak.

NIBOHON MBEN ISRAEL GI NICAN 29:35

Ter leu nibon midut nindig mindhe-ndhe titut ei nimbar hum dokti dima ne imam nya indig nimmau ndok di ikus leu mindhe-ndhe di ibipai sigyo bak tuhan bibui nok mikwau di igyem dima ba, ikiber ba anggur ngei bit mindhe-ndhe di indig ei nimbar hum dokti pima cem. Yahagom ikinyon ei nibon midut nikuk no bak Allahti ei tuhan De Ig tug hon nisinati dima.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

YESAYA 2:6

Allah e, akes Ade limwa di Yakub de nintun him yamti di bram yam nya ei su! Lewo nikan tut mun di jo nding di kwei leu mben ngkiai ei nite bei mpia nipriti nya kin mben Filistin cem kieng kep minu dini tu. Ade limwa nya igyai bram mben ngkiai ide niyai munti di kinei nya.

DANIEL 11:31

Noni cuk nide nimpung tentara di ibindei suwok tuhan De Ig tug hon gi idip tut midut nindig mindhe ei nimbar hum dokti bak tuhan bikwop njap-njap ba, itas Nisibutti Di Bindei Map Kui tuhan De Ig eisi cem.

DANIEL 12:11

Leu njap di nibon midut nindig mindhe ei nimbar hum dokti bikwop njap-njap dima kes hon ba, nijam di bibon ningon ttinti di ijem Nisibutti Di Bindei Map Kui tuhan De Ig tau lene nijam dima miyem njap sribu gom sratus can ningot muhwindatai.

DANIEL 9:21

Nipou tirigi dikes dihyet bigyo rino malaikati Gabriel di dingat bou diyai him tug hon ningat-hi-ngat pima dwop juk kwei biya simiak da. Noni kwei krau tirigi jam dem mem mben Israel ibon midut ei nimbar hum dokti mem mmunti.

DANIEL 9:27

Nibou ndig pima kin tungwatu nya imang bibor iba ingon gom bipreu ei mem yam kikau mem ari bingwam muhwindacan bu. Ug ei nijam dima nahacanti lene noni ggai ser nibon midut ei nimbar hum dokti kin munkwas di igyai bak Allah. Noni bindei ba, nide awak nya itas Nisibutti Di Bindei Map Kui tuhan De Ig biya anai ei ig bou ninjek dip bijo nijoti kikau bibou nibou ndig di bindei dima tug ndei hukum nimai di Allah tin ei mem noni ug e.”

HOSEA 4:12

Jahara biei ttou kin tom leu binhyepo indo puig di kei bije. Bon tom buhup bipingok jingonti e? Jahagom jinok sop wak cam di krar igkei. Jikes Da ei leu api jikes jenti ei nung nya indati.