NIBOU NDIG NYA GI NICAN 15:5 - ALLAH NIHYET MEM TUNGWATU NYA

⁵ Mpe di gom ne tuhan bindei ba, bras yem Uzia ningkek dip lene noni kei hanyen bi kikau ug bipek niyaijo ningwig honti. Ikes nonti njem bibong ter binongkom ei ig bei gom lene iggai ser biyai nide midyai hi bi. Gima rino nipmot Yotam ninyeng tak kep limwa nya nok nitom di hati tut noni.

NIBOU NDIG NYA GI NICAN 15:5 ပူးပေါင်းရင်းမြစ်များ

SAMUEL GI NICAN 3:29

Nnaba, Yoab bitut nide bat nya yahagom mibiang nibuhunti drek dip igyai munti di kinei dima. Nnaba tungwagom leu Yoab de nintun him di bram yam nya tug ndei ninggwen di buhun bibor di yem ningkek dip ug e, he pinai nya inghuisi jet-jop ug e, he bihi mai ei pranti ug e, he bihi njita dem mem noni bi ug e, nok gima sindam bijo ninno.”

SAMUEL GI NICAN 8:15

Ninyeng tak kep mben Israel titut yam lene ba ningon di gom kin ningon di sren bibon yok cem.

NIBOU NDIG NYA GI NIGOM 3:28

Tirigi mben Israel imiap tut notou Salomo kos tut munhyet di buhun dima lene yahagom inggap leu nindig bibor. Jo nibreisi mem yok bipia Allah yai ningon di ki bak Salomo leu binhyepo ba ningon di sren kei bikos tut munhyet nya.

NIBOU NDIG NYA GI NIGOM 3:9

Gima rino ma abindei ba, dingon ki leu binhyepo diba dingon di sren kei bibie tut Ade limwa nya ba, dikan igbit tut mun di kei kin mun di kinei niter leu yamti cem. Gino ampu da bi lene notou midibie tut Ade limwa nya di imang bibor dini i?”

NIBOU NDIG NYA GI NICAN 15:32

Tirigi nibou ndig Pekah di Remalya nipmot ninyeng tak kep mben Israel mem nijam ari bingwam can tu lene Yotam di Uzia nipmot kui bigwam nok nibou ndig mem timiei Yehuda nya.

NIBOU NDIG NYA GI NICAN 15:6

Nipui mun tut Nibou Ndig Uzia niyai munti nindigsi nya hagom jo ei srat Nibohon Nibou Ndig Mben Yehuda Nyati.

NIBOU NDIG NYA GI NICAN 5:27

Nogindini bras di yem Naaman ningkek dip pima miyem nani kin yo di intun nani him jahagom jingkek dip bijo ninno bijo kikau ug ri!” Hammi tirigi Gehazi hei leu ig bei rino bras dima yem ningkek dip bibindei ba, ningkek tiei kei.

NIBOU NDIG NYA GI NICAN 7:3

Njap dima ne pinai nya ibou bitai di bras di buhun bibor yem yok ibong bas ei ngug tig di bikrop ttai Samaria nisai. Lene ipai cuk yam “Nggon rino ibong nyahan ei sirini kikau ba, imai kep i?

NIBOHON MBEN ISRAEL GI NIGOM 5:17

Ipas kep pung dini ei nijam di Yotam nok nibou ndig mem timiei Yehuda nya ba, Yerobeam nok nibou ndig mem mben Israel.

AYUB 34:19

Noni tti kin nibou ndig nya ba, mig mbus yo di inyeng nya leu nikinei-kinau nya bi. Lewo yoni ne Nide tungwatu di pai testi nya ri.

MAZMUR 72:1

Doia Salomo. Allah e, ma angginau nibou ndig tut Ade nikos tutti nya. Akwas angon sren-srausi ndrim hi tut nibou ndig nipmot,

HOSEA 1:1

Srat dini tut nihyet di tuhan sok ei Hosea di nicig ninyeng Beeri dip ei mpe di Nibou Ndig Uzia kin Yotam kin Ahas kin Hizkia inyeng tak kep minu Yehuda bram yam ba, Nibou Ndig Yerobeam di Yoahas nipmot ninyeng tak kep Israel cem.

IMAM NYA IDE MIDYAI 13:46

Ba, map mikui noni kikau bibou bras mbrei dima pren leu noni ug e. Gima rino ma noni bong binongkom ei mben Israel ide prak meng yati dima nisai ei minu ting leu nindigsi nya.

MIKHA 1:1

Nabi Mikha nitimieisi leu minu mien di ninyeng Moresyet. Tirigi Nibou Ndig Yotam kin Ahas kin Hizkia inyeng tak kep mben Yehuda bram-bram yam ne tuhan mbot kep tut ningon kanti bak Mikha tut mben Israel ide minu ndig pmem cin di Samaria kin Yerusalem.

MBEN ISRAEL IMBUT-MBUT NYEN 12:10

leu api bumbuhui dima pror leu tuhan De Prak Meng lene bras mbrei sindi kieng kep Miryam ningkek dip apino ningkek dip tiei-tiau noyam kin bunggum a. Tirigi Harun kiek no bingat Miryam lo, bras mbrei dima yem noni,

MBEN ISRAEL IMBUT-MBUT NYEN 12:14

Noro tuhan buhup “Gino nicig trai Miryam niimaisi lene gima mibindei ba, noni gwam nimmaiti mem njap muhwindacan bi e? Ma jibindei hei noni ug ei prak meng yati nisai ma kwei mem njap muhwindacan. Mpe di nijam dima ngwig leu api ma jisindui sut noni ba, coi hanyen kwei.”

NINDAT KEP TUHAN NICUKTI NYA 24:8

Tirigi bras mbrei yem je lene ma jiyai bit leu nok imam di intun Lewi him nya icuk jeti nya hagom. Suar jibit Ditde nipingokti di diyai biyok nya hagom.