NIBOU NDIG NYA GI NICAN 15:29 - ALLAH NIHYET MEM TUNGWATU NYA

²⁹ Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

NIBOU NDIG NYA GI NICAN 15:29 ပူးပေါင်းရင်းမြစ်များ

NIBOU NDIG NYA GI NIGOM 14:15

tuhan kinyon ei midyai nikes hukum ei mben Israel dipti tu. Apino yoni midem kep krun di kit-kit nyen ei minyei di biam sindemti. tuhan mohom mben Israel leu minu di nnum kei di Noni yai bak idigup bat-idigai bat nya nipou su dini. Noni mibindei ntek gimahap yok ug ei Minyei Efrat nite dima ug. Lewo ibindei ba, tuhan gga yok drek dip kwar sop Asyera ngot di ibon nya.

NIBOU NDIG NYA GI NIGOM 15:20

Lene Benhadad ce tut nibou ndig minu Yehuda ningon kanti dima. Leu api cuk nide nibou tentara nya bigya tut ide tentara nya bihwen mben Israel ide minu ndig nya. Lene ibindei timek minu ndig Iyon kin Dan kin Abel-Bet-Maakha kin Kinerot di jo dideu Igpong Galilea bitut hanjop keret Naftali titut yam cem.

NIBOU NDIG NYA GI NIGOM 9:11

Ei nijam dima ne Nibou Ndig Hiram njei mun di Salomo suar mem bingot tuhan De Ig nok buom Libanon nya kin buom nitu nya kin mas nya hagom bak noni. Tirigi midyai ningot ig jem can dima put leu su lene Nibou Ndig Salomo kes minu ndig nyatungwagom ei hanjop Galilea bak Hiram leu binhyepo ninyeng tak kep.

NIBOU NDIG NYA GI NICAN 15:19

Tirigi Pul di nok nibou ndig mem mben Asyur ya tut nide tentara ba, injei bihwen mben Israel lene Menahem kiju bimbus perak di nibuhunti kilo sribu ningot ningai bitai biyai bak. Tug hon nisinati dima ne Menahem bindei sindem nide ninyeng tak kep mben Israelti.

NIBOU NDIG NYA GI NICAN 15:20

Puig di Menahem nggok di biyai mitiei dima rino bidip huk timiei Israel di inyeng tut ndigban. Suar bikwop tungwagom-gom hit mitiei perak ningot muhwi biyai nimui bak. Gima rino Pul kiju bijo leu minu ndig dima bingkwei hanyen ug ei nitimieisi.

NIBOU NDIG NYA GI NICAN 15:28

Noni cem bon sisar tut tuhan. Lewo yai bram Nibou Ndig Yerobeam Nigom nibon munti di kinei bibor di bindei di mben Israel icut ei sisarti.

NIBOU NDIG NYA GI NICAN 15:30

Tirigi Nibou Ndig Yotam di Uzia nipmot ninyeng tak kep timiei Yehuda nya mem nijam ari bingwam nyatungwagom ba, can tu lene Hosea di Ela nipmot yok ningon gom bit nindigsi nya bigyai nimai bak Nibou Ndig Pekah leu api kui bigwam nok nibou ndig biya luei nohoti.

NIBOU NDIG NYA GI NICAN 16:10

Tirigi Nibou Ndig Ahas ug ei Damsyik leu binhyepo ug um Nibou Ndig Tiglat-Pileser lene noni ngat timiei minu dima ide nimbar hum dok leu api kilis nimbar hum dok dima ningwes di bingon bipinak bak Imam Uria ei minu ndig Yerusalem. Noni ba nide nai binai ninyanti kin nanaisi kin nijeisi nya hagom bidem kei.

NIBOU NDIG NYA GI NICAN 16:7

Lene Ahas sok nihyet ei tungwatu nya dip bak Tiglat-Pileser di nok nibou ndig mem mben Asyur bipai bak “Dahara na di Andigpoi leu binhyepo akwei mpu da ba, ateu da bidingwes ngun leu nibou ndig mben Siria kin nibou ndig mben Israel di sindi ikon pran bit da dini inda nsi ug e. Lewo dani ne ade awak di ningon gom ri.”

NIBOU NDIG NYA GI NICAN 17:20

Apino tuhan rok Nide limwa di Israel yahagom bikes hukum di buhun ei yok dip tug hon gima kes yok ei ide siceu di iten-pos nya inda nsi. tuhan ningon cun di nyohou yok bu bi lo, com yok leu dihyei di yai biyok tu.

NIBOU NDIG NYA GI NICAN 17:23

apino tuhan ningon cun di nyohou yok bu bi ba, com yok leu dihyei di yai biyok. Ba, gima dem igbit tuhan nisok kep yokti tug hon Nide awak di nabi nya. Lene ide siceu nya ikat limwa Israel bicom yok ug ei ingkiaisi ei minu Asyur ba, ibong ei sirima kikau kwei bipek ammani kep.

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

NIBOU NDIG NYA GI NICAN 18:11

Nibou ndig mem mben Asyur kat mben Israel dima ba, isima ug ei minu Asyur. Noni kwas yok ei nimpung ningai ba, nimpung gom isima ei Halah lene nimpung gom isima ei Gozan dideu Minyei Habor lene nimpung gom isima ei timiei Madai ide minu ndig gom-gom.

NIBOU NDIG NYA GI NICAN 19:11

Jo nibreisi mem je bipia gino nibou ndig mem mben Asyur kon pran bit minu di tou minu di tou lene timiei minu dima yahagom icut bak noni hak ug. Ma jikan bipia mijingwes ngun au.

NIBOU NDIG NYA GI NICAN 8:11

Noni tou kep Hazael nggilun apino Hazael ninghuisi mpig sut. Lene Elisa pim kros ba, niyai nggwei kibor.

NIBOHON MBEN ISRAEL GI NIGOM 5:26

Gima rino Allah pingok ei Pul di nok nibou ndig mem Asyur ningonti dino njei siceu di hwen yoni ug a. Pul ninyeng hi rino Tiglat-Pileser. Noni kat keret Ruben kin Gad kin Manasye nite hi di ibong ei Minyei Yordan nite bei mpia nipriti bicom yok ug ei ingkiaisi bibong ei minu mien Halah kin Habor kin Hara kikau ug ei mpia ttou nsi gom di jo dideu Minyei Gozan nyai cem. Lene keret dima yok ibibong timiei ei sirima kikau kwei bipek ammani kep.

NIBOHON MBEN ISRAEL GI NICAN 16:4

Benhadad ce tut Asa nihyet nghwak him dima bicuk nide nibou tentara nya ba, injei sut ide nimpung tentara nya bigya kep minu ndig ngot ei minu Israel bikon pran bit yok. Ibindei timek minu ndig Iyon kin Dan kin Abel-Bet-Maakha di keret Naftali de minu ndig di nju kep ndigban eisi nya hagom.

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

YESAYA 1:7

Ngkiai nya igya kep jide minu dima hagom bitimek lene indig jide minu ndig nya bingwig. Yoni igyem njita leu jide beisi nya bingwig bou jiyai him ba, ibindei hagom timek bingwig.

YESAYA 37:18

Nahagom nikan tut bipia nibou ndig Asyur nya ibindei sar mben imang bibor ba, bindei timek ide minu nya cem ba,

YESAYA 7:16

Noro nipou tirigi tto bou dima dem bigyo ne nibou ndig cin di attin tut pima ide minu hagom minok mpia di ha he bong.

YESAYA 7:20

Mpe dima lene tuhan muubon nibou ndig Asyur binok awak leu api nibou ndig dima miyai mun kinei sut mben Israel noyam kin nikak kep tungwatu inta bidem ingut titut cig bibindei ba, inta ngwig leu yok.

YEHEZKIEL 23:9

Gima rino dikes noni ei nisut bat di mben Asyur di ingon pri kep yok bibor dima inda nsi.

IMAM NYA IDE MIDYAI 26:32

Midibindei sar jide minu nisurti-nipekti hak apino jide siceu di ipos jide minu dima bigyati inga leu sut nisarti.

AMOS 1:13

tuhan pai “Timiei minu Amon ibon sisar ninyen. Ide sisar bindei ba, dikes hukum ei yok dip. Lewo tirigi ikon pran bit timiei minu Gilead ba, ibipos ide dihyei hanjop nsi hi kin bu leu yok lene israt sop mben Gilead di inghop tu nya ba, inghop tigwau bimai ug.

AMOS 1:3

tuhan pai “Timiei minu ndig Damsyik ibon sisar ninyen leu api ide sisar dima bindei ba, midikes hukum ei yok dip. Lewo iba imbuk bibor bibon mben Gilead.

AMOS 5:27

tirigi dicom je ug ei minu ting ei minu ndig Damsyik nite dima kwei. Da di tuhan di dinyeng rino Allah Di Sindem Bibor disimbot dat tu.”

AMOS 6:14

tuhan Di Ninyeng Jei Bibor di Sindem Bibor cem Nonti rino pai “Je di mben Israel e, midipinak tentara ngkiai nya hwou ndam je leu api ikieng kep jide minu. Tentara dima yok mihwen bit je ei puig Hamat ei nite bei mpia nijjai kikau ug bipek kin Mbang Briep Araba ei nite bei mpia nibiho.”

MBEN ISRAEL IMBUT-MBUT NYEN 32:1

Lene keret Ruben kin Gad ibon ide mindhe-ndhe di ighyen kep nya mang bibor. Tirigi ingat lo, minu Yaezer kin Gilead bon nikeisi mem ide mindhe-ndhe nya,

MBEN ISRAEL IMBUT-MBUT NYEN 32:40

Gima rino Musa yai dihyei Gilead dima bak Makhir nide bat nya ba, ibong timiei eisi.

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.

NINDAT KEP TUHAN NICUKTI NYA 3:15

“Lene dikwas dihyei Gilead tut Makhir di ntun keret Manasye ninsi de hi him.

YOSUA 11:1

Tirigi Nibou Ndig Yabin ei minu ndig Hazor miap Israel ninghapti tut gi ibindei timek ide siceu nya dima lene cuk tungwatu nya biyuug ngat Nibou Ndig Yobab ei minu ndig Madon kin nibou ndig nya ei minu ndig Simron kin Akhsaf,

YOSUA 11:10

Lene Yosua nya ingkwei ba, ibindei timek minu ndig Hazor leu api igyai bigyati lene ibiyai nimai bak Nibou Ndig Yabin. Ei nijam dima ne Yabin ninyeng tak kepti sindem bibor dor njiriek minu ndig nindigsi ei minu dima hagom.

YOSUA 11:13

Noro tentara Israel indig minu ndig di iwin ei ig kumti nya gom cem bi. Noro Yosua nonti he rino ndig minu ndig gom ngat di Hazor.

YOSUA 16:6

Leu api ug jo hon Muk Hacan nintig dip. Minu ndig Mikhmetat jo nite bei mpia nijjai. Lene minu niya kwas yamti nite bei mpia nipriti krop nyahan bimbut ndam Taanat-Silo binjiriek minu ndig dima ei nite bei mpia priti ndam minu ndig Yanoah.

YOSUA 19:35

Keret Naftali nide bat nya itug ndei minu ndig ngat di bon ngug tig di bikrop ttai nya simnaimuhwidip brimigtehibitai di Zidim kin Zer kin Hamat kin Rakat kin Kineret kin Adama kin Rama kin Hazor kin Kades kin Edrei kin En-Hazor kin Yiron kin Migdal-El kin Horem kin Bet-Anat kin Bet-Semes bitut minu mien di jo ttai nya hagom.

YOSUA 20:7

Lene nibou mben Israel indo minu ndig poi ei Minyei Yordan nite bei mpia nicutti dini jug nok minu ndig ninang coi nya. Minu ndig Kedes ei nungug him keret Naftali ide ei Galilea kin Sikhem ei nungug him keret Efraim ide kin Hebron ei nungug him keret Yehuda ide.

NIJAM NIKEI NYA 18:30

Lene itas kwar di ipos dima ei minu ndig dima. Leu api ikon Yonatan di Gersom nipmot kin Musa nignyon cem binok ide imam. Lene Gersom de nintun him di bram yam dini inok imam mem keret Dan kikau bipek nijam di ngkiai nya ihwen mben Israel ba, icom yok ug ei ingkiaisi.

NIJAM NIKEI NYA 4:2

Gima rino Noni sindui sut yok leu api icut bak Yabin di nibou ndig minu Kanaan di ninyeng tak kep ei Hazor. Nide nibou tentara ninyeng Sisera di bong ei Haroset-Hagoyim.