NIBOU NDIG NYA GI NICAN 14:25 - ALLAH NIHYET MEM TUNGWATU NYA

²⁵ Yerobeam Nican rino ug pos minu ndig mben Israel ide di ide siceu nya ibindei timek bigyati nya pima titut yam hagom hanyen kikau ug bipek kin puig di ug ei Hamat nite bei mpia nijjai kikau ug bipek kin Igpong Nsim nite bei mpia nibiho. Ba, niyaisi dima dem igbit mben Israel ide tuhan Allah nipreu eisi di tug hon Nabi Yunus di Amitai leu Gat-Hefer nipmot pima.

NIBOU NDIG NYA GI NICAN 14:25 ပူးပေါင်းရင်းမြစ်များ

NITRITI 14:3

Nibou ndig ibou muhwi dini injei siceu bibicom yam bikieng kep mbang briep ndig Sidim titut yam. Nogindini ijem mbang briep dima Igpong Nsim.

NIBOU NDIG NYA GI NIGOM 8:65

Gima rino Salomo kin mben Israel yahagom ibon Njap Ndig Ig Jibei Mpam Meng ei sirima mem njap muhwindacan. Yo di idem yam ei su imangti ningot ndig. Ikwei leu minu ting ei Puig Hamat bei mpia nijjai kikau ug bipek hanjop minu Mesir bei mpia nibiho.

NIBOU NDIG NYA GI NICAN 10:32

Mpe dima lene tuhan bindei kom minu Israel. Hazael di nok nibou ndig mem mben Siria kwei hwen tentara Israel ba, bindei timek yok. Nide tentara nya ikieng kep hanjop dima,

NIBOU NDIG NYA GI NICAN 13:25

Leu api Yoas di nok nibou ndig mem mben Israel bindei timek tentara Siria mbiningai bram yam bibiyai minu ndig ngot di Benhadad pos di yati mem nijam di Nibou Ndig Yoahas di Yoas nicig ninyeng tak kep mben Israel yo pima hanyen.

NIBOU NDIG NYA GI NICAN 13:5

tuhan dimig nibou gom ei mem mben Israel ba, nibou dima bie tut mben Israel biteu yok leu mben Siria inda nsi. Apino icoi ei nijam nibong kei nigwam keiti hanyen bu noyam kin gi nipou pima.

NIBOU NDIG NYA GI NICAN 14:24

Noni bon sisar tut tuhan lewo yai bram Nibou Ndig Yerobeam Nigom niyai munti di bindei ba, mben Israel icut ei sisarti.

YEHEZKIEL 11:10

Mijimai ei pranti ei jide minu leu api tungwatu nya yahagom mikan tut bipia Dani ne tuhan ri.

AMOS 6:14

tuhan Di Ninyeng Jei Bibor di Sindem Bibor cem Nonti rino pai “Je di mben Israel e, midipinak tentara ngkiai nya hwou ndam je leu api ikieng kep jide minu. Tentara dima yok mihwen bit je ei puig Hamat ei nite bei mpia nijjai kikau ug bipek kin Mbang Briep Araba ei nite bei mpia nibiho.”

YUNUS 1:1

Mpe di gom ne tuhan cuk Yunus di Amitai nipmot,

MBEN ISRAEL IMBUT-MBUT NYEN 13:21

Leu api nibou dima yok ikiju bimbut ndam nite bei mpia nijjai lene igyok itta kep minu dima leu iggum ndigsi Zin di jo nite bei mpia nibiho kikau ug ei minu ndig Rehob di jo nite bei mpia nijjai dideu puig di bie ug ei Hamat.

MATIUS 16:4

“Ei nijam dini ne tungwatu nya ingon rom bingkek ndok bibor cem. Jahara Da tut mindur e? Midibon mindur hi ter di ter leu mindur di Nabi Yunus bibon mem je bi.” Yesus pai biyok nok leu api kes yok bimbut leu yok.

NINDAT KEP TUHAN NICUKTI NYA 3:17

Lene ide minu ug ninno bipek Minyei Yordan nite bei mpia nicutti leu Igpong Galilea nite bei mpia nijjai ug bipek Igpong Nsim nite bei mpia nibiho. Lene ide minu niya kwas yamti nite bei mpia nipriti ne Nungug Pisga nimig ri.

YOSUA 19:13

Minu niya kwas yamti dima jo leu mpia dima bimbut bei mpia nipriti bipek kin Gat-Hefer kin Et-Kazin leu api kriek hammi Nea bimbut ndam Rimon.