NIBOU NDIG NYA GI NICAN 12:4 - ALLAH NIHYET MEM TUNGWATU NYA

⁴ Mpe di gom lene Yoas jem imam nya kwei lene cuk yok bigyok mitiei di ibipek mun di ide limwa nya ibikuk yok bak tuhan ei Nide Ig cem keyam. Mitiei dima yok rino mitiei nibigo gau nibon midut nindig mindhe titut ei nimbar hum dokti bak tuhan kin mitiei di ittei bikwas pijum tut tuhan bit leu ingon kanti.

NIBOU NDIG NYA GI NICAN 12:4 ပူးပေါင်းရင်းမြစ်များ

NIBOU NDIG NYA GI NIGOM 3:2

Nijam di noni ngot tuhan De Ig bigyo lene nide limwa nya ibon midut nindig mindhe titut ei nimbar hum dokti ei mpia ttou nsi mang bibor.

NIBOU NDIG NYA GI NIGOM 3:3

Mbro nok gino Salomo ningon ngakei tuhan bibit nicuk noti nya hagom lo, noni cem bui mindhe-ndhe mang bibor bibon midut ei nimbar hum dokti bidem mpia ttou nsi dima.

NIBOU NDIG NYA GI NIGOM 7:1

Salomo ngot ig nibou ndig mem nonti cem. Nijam ningot nide ig nibou ndig dima yem ari bingwam simnaibrimigningai.

NIBOU NDIG NYA GI NICAN 12:18

Apino Yoas pinak mitiei nibigo gau minu ndig Yerusalem bak nibou ndig mben Siria dima. Mitiei dima ne mun di Yoas nonti kin nibou ndig Yosafat kin Yoram kin Ahazia yahagom di inyeng tak kep timiei Yehuda nya ikwas tut tuhan nipou su ri. Bitut mas di jo ei bruati ei Tuhan De Ig kin gi jo ei nibou ndig de bruati cem. Yoas niyai munti dima bindei ba, Hazael ningon cut leu nikos tutti dima ba, gi hwen minu ndig Yerusalem bi.

NIBOU NDIG NYA GI NICAN 12:5

Suar bikwop imam buhup tut mitiei di noni bipek mun leu nide limwa di itug hon noni pijum ba, noni ya hacan mem yok cem. Mporo iba mitiei dima bikinding Tuhan De Ig nikineisi nya hagom.

NIBOU NDIG NYA GI NICAN 15:4

Noro noni gicok tut mpia di tungwatu nya ikuk yok bak ide kwar eisi nya bi. Apino limwa nya ibon kep nibon midut nindig mindhe titut kep humti kin nibon midut nindig kep biei nggrai di ui-gwang kei cem ei mpia dima ba, ibikuk yok bak kwar nya.

NIBOU NDIG NYA GI NICAN 16:4

Ahas ba nibon midut nindig mindhe ei nimbar hum dokti kin nibon midut nindig biei nggrai di ui-gwang keiti ba, bikuk no bak kwar nya ei mpia di nide limwa nya ikuk yok bak kwar eisi nya ei bibikwop mbigdip kin biei di nimeng nggrou nya nibehei cem.

NIBOU NDIG NYA GI NICAN 17:11

Indig biei nggrai di ui-gwang kei ei nimbar hum ndok hagomti bak ide kwar noyam kin mben nya di tuhan jji yok leu minu Kanaan tu ibon kepti nya. Mbro nok gino tuhan ggai ser nikuk yo bak kwar nyati lo, ibisinggre bikuk yok bak. Ibon munti di kinei bibor nya hagom bindei ba, tuhan gga yok nindig bibor.

NIBOU NDIG NYA GI NICAN 22:4

“Aug ngat Imam Nibou Ndig Hilkia ba, ahig ser noni tut mitiei di imam nya itug ndei tirigi itindei ser tungwatu nya ei dimbou hui ei tuhan De Ig dima nimangti.

NIBOHON MBEN ISRAEL GI NIGOM 18:11

Nibou Ndig Daud ttei ndigban dima yok hagom ba, bikuk no bak tuhan bidimig hagom ei mem nibon midutti nya ei tuhan De Ig. Daud yai bram niyaisi dima tut ndigban mas kin perak di pos leu Hadadezer kin mben Edom kin Moab kin Amon kin Filistin kin Amalek nya di noni bindei timek yok tu.

NIBOHON MBEN ISRAEL GI NIGOM 29:17

Dikan tut bipia abingon tungwagom-gom ningonti lene angon kei sut yo di ingon sren nya. Diba dingon di sren kin dingon di gom bikwas mun dima yok hagom tut Na. Lene dingat bou diyai him bipia Ade limwa nya di idem yam ei mpia dini iba ingon di kei bittei mun di ikwas tut Nani tu.

NIBOHON MBEN ISRAEL GI NICAN 15:18

Asa nju ndigban di iba mas kin perak bibon kin ndigban nindigsi nya hagom di ipos leu pranti nya di noni kin nicig Abia ikwas pijum tut tuhan pima hagom ug ei tuhan De Ig.

NIBOHON MBEN ISRAEL GI NICAN 31:12

leu api inju ndigban di limwa nya ikwas dima kin ndigban di ikwas gom leu ningot gom hagom ei ig gudan dima yokti ba, ibindo Konanya di ntun keret Lewi him ba, noni ya ser ndigban dima yok. Lene ibindo nikinjoi Simei ba, hati tut nikindigya.

NIBOHON MBEN ISRAEL GI NICAN 35:2

Yosia ndo igbit midyai di suar imam nya igyai kep nya ei tuhan De Ig lene bipingok ingonti tut cem leu binhyepo igyai midyai dima nok gi igbit.

EZRA 1:6

Ide ninttig-tta timiei pima yok yahati tut yok ba, ikwas ndigban perak kin mas kin njita kin mindhe-ndhe mem ibikon ndigban eisi kin ndigban di nibok kui nindigsi nya tut yok bitut mun di ibikuk yok bak tuhan ei Nide Ig cem.

EZRA 2:69

Yo dini ikwas mun tut tuhan bit leu mun di inyeng tut nya. Lene iba gima bicom yam ei leu api nimangti ne mas nibuhunti kilo sratus muhwi kin perak nibuhunti kilo sribu can sratus muhwindaningai kin sinsun ndok di jei di cut bigwam imig gom mem imam nya nimangti sratus gom.

EZRA 7:16

Apwoi perak kin mas di timiei minu Babel nya ikwas tut na di Andigpoi kin mun di mben Israel kin ide imam nya ikwas tut na cem hagom ba, aug sut ug ei minu ndig Yerusalem mem tuhan De Ig di nok ig di ibikuk yok bak ide Allah eisi.

NEHEI LEUSI 35:22

Bikwop yo di ingon huk niti nok pinai nya kin sop nya ipwoi ide piniki kin mitingou him mas kin srak mas kin miep kin mimau mas nindigsi nya hagom kwei bidimig ei mem tuhan.

NEHEI LEUSI 35:29

Bikwop yo di ingon huk niti yahagom ipwoi mun di ikwas tut tuhan kwei leu binhyepo tukan nya iba mun di ikwas dima biyai midyai bit leu nok tuhan nicuk Musati tu.

NEHEI LEUSI 35:5

Jittei mun di jikwas tut Allah kwei. Tungwa tou rino ningon huk niti lene ttei mun di noni kwas. Nok mas kin perak kin ngkimom-tembaga,

NEHEI LEUSI 36:3

Ba, Musa kes ndigban di mben Israel ikwas tut Allah mem gima ibohok Nide Prak Meng hagom ei tukan dima yok indati. Noro mben Israel ikum eisi bu bikwop njap bipwoi ndigban di ikwas tut Allah dor njiriek bu kwei tu

IMAM NYA IDE MIDYAI 27:31

Gino tungwa hi joi sut pek mun dima yok bihi hanyen leu tuhan lene suar ba nibok di jikrau kep pima bipek hanyen lo, bikum mitiei nitig can leu ningot gom lene nok ei nibokti.

LUKAS 21:4

Lewo nindigsi nya icom ide mitiei niken he noro kibom dima com nide mitiei hagom ba, njita cem ngwig leu noni.”