NIBOU NDIG NYA GI NICAN 11:4 - ALLAH NIHYET MEM TUNGWATU NYA

⁴ Noro ug ei ari bingwam nimuhwindacan lene Imam Yoyada jem yo di igya ser nibou ndig sop pijum kin yo di igya ser nibou ndig de ig ba, ikwei um noni ei tuhan De Ig. Tirigi idem yam lene noni cuk yok leu binhyepo iba neheng bipreu ei bipia ibindei mbut ningon kanti gom. Lene noni ndo Yoas di Nibou Ndig Ahazia nipmot biyok,

NIBOU NDIG NYA GI NICAN 11:4 ပူးပေါင်းရင်းမြစ်များ

NITRITI 50:25

Lene Yusuf cuk nide bat nya yahagom bipai “Ma jipreu ei mem da bipia tirigi Allah bie tut je bijingkwei hanyen ug ei minu dima lene ma jiket dinjum ba, juug sut.”

SAMUEL GI NICAN 20:23

Gini ne nibou di inyeng jei di Daud ta yok nya inyeng ri. Nibou di bie tut tentara Israel yahagom rino Yoab. Nibou mem tentara nya di igya ser Daud nonti njem hak rino Yoyada di Benaya nipmot.

SAMUEL GI NICAN 8:18

Benaya di Yoyada nipmot ne nibou mem yo di igya ser nibou ndig nonti njem ri. Daud nipmot bat nya rino igyai midyai nok imam ei nide ig.

NIBOU NDIG NYA GI NIGOM 14:27

Leu api Nibou Ndig Rehabeam ba ngkimom-tembaga bibon mun di ibipukep tibor nggwen nya ba, kes biluei niceti hanyen. Noni kes hagom bak yo di igya ser dimbou pmem ei nibou ndig de ig lene ba ningon com yok tut.

NIBOU NDIG NYA GI NIGOM 18:10

Diba neheng bipai tug hon ade tuhan Allah di niyaijo ninyeng bipia nibou ndig nggok ser na kikau ug ei dihyei nisurti-nipekti tu. Tirigi nibou ndig hi buhup nihyet bipia abong ei nide minu dima bi lene Ahab bidip huk ba, suar nibou ndig dima ba neheng bipai bipia noni kin nide limwa nya ingat angat ei nide minu dima bi sren.

NIBOU NDIG NYA GI NICAN 11:17

Mpe dima lene Imam Yoyada cuk nibou ndig kin limwa nya leu binhyepo iba neheng bipreu ei bak tuhan bipia yoni ne tuhan de limwa nya ri. Lene cuk nibou ndig nonti cem leu binhyepo ba neheng dima bipreu ei bak nide limwa nya.

NIBOU NDIG NYA GI NICAN 11:19

Leu api Yoyada kin nibou tentara nya kin yo di ingkiem ser nibou ndig pijum nya kin yo di igya ser nibou ndig nya ide ig nya bitut limwa nya yahagom injei bibuwak Nibou Ndig Yoas leu Tuhan De Ig biyuug sut ug ei nibou ndig de ig. Yoas coi kak Dimbou Pmem Niya Ser Cig Nya ide leu api kui bigwam ei nibou ndig de banggo mbrei dip.

NIBOU NDIG NYA GI NICAN 11:3

Yoseba nyohou munggwom dima ei tuhan De Ig kikau mem nijam ari bingwam muhwindagom mem nijam di Atalya gwam nok nibou ndig sop yo.

NIBOU NDIG NYA GI NICAN 11:9

Lene nibou tentara dima yok ibit Yoyada nicuk yokti ba, ibuwak tentara di igya ser pima kin gi hi di ikes inda tut midyai mem Njap Nigwam Kep Ninghuisi yahagom kwei bak noni.

NIBOU NDIG NYA GI NICAN 12:7

noni hig Imam Yoyada kin imam nindigsi nya kwei bipai biyok “Nggon rino jigikindig Tuhan De Ig nikineisi nya hi bigyo i? Hon kep njap di ammani kui lene disindui sut ba, jiyok mitiei di limwa nya ikwas tut jeni ei bu bi. Noro ma jingges jinda leu mitiei dima hagom leu binhyepo tukan nya ikinyon ei nikinding Tuhan De Ig nikineisi nyati.”

NIBOU NDIG NYA GI NICAN 23:3

Tirigi noni ya kui dihim gom di ipigig sut ei mem nibou ndig bipreu ei mem tuhan bipia miba ningon titut kin ninnei titut bibit tuhan nihyet kin nicuk Nide limwa nyati hagom. Lene preu ei bipia noni miyai kep midyai po nidigup bat-nidigai bat nya ipreu sut ei nipou su pima bit leu nok gi ipas ei srat niggai serti dima. Lene nide limwa nya cem ipreu sut ei mem tuhan bipia yoni mibit Nide gi preu ei mem yoti.

NIBOHON MBEN ISRAEL GI NIGOM 9:13

Imam di inok nibou ig bei nsi nya yahagom imangti ibou sribu gom sratus muhwindacan ba, ningot muhwindagom. Yo di igyai midyai ei tuhan De Ig dini yahagom igyai kep ide midyai kan.

NIBOHON MBEN ISRAEL GI NICAN 15:12

Lene ipreu ei bak tuhan bipia yoni miba ingon kin innei titut yam bibit idigup bat-idigai bat nya ide tuhan Allah ningon kanti.

NIBOHON MBEN ISRAEL GI NICAN 29:10

Nogindini diyok dingon mem gima dipreu mun ei mem mben Israel ide tuhan Allah leu binhyepo Noni gga nye bu bi.

NEHEMIA 10:29

nahagom nibicom yam bit nyende nibou nya ba, nahagom niba neheng bipreu ei mem gima niba nyeni niyai munti nya bibit Allah Nicukti di niyai tug hon Nide awak di Musa. Gino niyai bipek kep mun di nipreu sut ei Allah Noho bei dini bi lene ma Noni sigion nye hak ug. Nyeni niba neheng bice tut mem gima nibit nyende tuhan Allah nicuk nyeti nya kin Nide nikos tutti nya kin ningginau nyeti nya hagom.

NEHEMIA 5:12

Lene nibou dima yok ibuhup “Minibit apingok nyeti dima. Miningkwei mun dima hagom hanyen bak yo dima lene minibidip huk yok tut gima igo mitiei hi binye cem bi.” Dinduk imam nya kwei leu api dicuk nibou pima yok leu binhyepo yeheng tut mun di ipai ei yuhui him pima ei imam nya yoho bei leu api suar ibindei bipek kep ide nipreu eisi dima nok mungkun kei.

NEHEMIA 9:38

Mun di cut igkep nye di mben Israel hagom bindei ba, niba neheng bi preu ei tug hon srat bokti dini leu api nyende nibou nya kin Lewi nya kin imam nya yahagom itak buk ser srat dima ninggrupti.

KISAH 5:24

Tirigi yo di igya ser Tuhan De Ig ide nibou nya kin Nikei Puig Yahudi Nya imiap ipaisi dima lene ingon kiowi tut mun di pek kep mem yo di igya kui Yesus ba, idigit tut.

KISAH 5:26

Gima rino nibou dima ya tut nide limwa nya biyuug buwak yo di igya kui Yesus hanyen kwei lo, imbuk tut yok bi. Lewo idigit tut bipia leu ma tungwatu ningot ndig dima yok iba tig bihwen yok.

YOSUA 24:25

Gima rino Yosua ya hacan mem nide limwa nya kin Allah mem njap dima ba, ipreu ei bit yam. Lene noni ngginau yok tut Allah niggai serti kin nimbrap tutti nya ei Sikhem leu binhyepo ice tut ba, ibit.

SAMUEL GI NIGOM 18:3

Lene Yonatan preu ei kin neheng bipia Daud kin noni yahacem ingon ce yam bi bijo ninno bijo kikau.

SAMUEL GI NIGOM 23:18

Leu api Daud kin Yonatan ibon gi preu nicom nigau ei yamti bingkiem ei tuhan Noho bei. Gima leu su lene Yonatan ngkwei hanyen ug ei nide ig lo, Daud gwam kikau ei Hores.